Býgin, 16 qantarda, QR Mәdeniyet jәne aqparat ministri Aida Balaevanyng qatysuymen Almatyda túratyn әdebiyet pen óner qayratkerlerine memlekettik stiypendiya tabystaldy.

Memleket basshysynyng ókimine sәikes, 2024 jyly memlekettik stiypendiyagha 75 adam ie boldy.

Aida Balaeva stiypendiya iyegerlerin qúttyqtap, olardyng qazaq mәdeniyetin damytugha zor ýles qosqanyn atap ótti. Ministr shygharmashylyq ziyaly qauym mәdeny biregeylikti saqtau, el birligin nyghaytu jәne últtyq qúndylyqtardy nasihattau isinde manyzdy ról atqaratynyn aitty.

«Preziydent Qasym-Jomart Kemelúly Toqaevtyng últtyq ruhaniyat turaly ýnemi aityp, onyng eldik jolyndaghy orasan kýshi men mol mýmkindikterine qoghamnyng nazaryn audaryp jýrgeni mәlim.

Jyldaghy halyqqa arnaghan Joldaulary, Últtyq Qúryltaydaghy bastamalary, týrli súqbattarynyng ózeginde – Tәuelsizdik pen Otanshyldyq, Birlik pen Yntymaq, Ádildik pen Jauapkershilik, Zang men Tәrtip, Jasampazdyq pen Janashyldyq siyaqty býgingi Qazaqstangha auaday qajet qúndylyqtar jatyr!

Halyqty birlikke shaqyru, tatulyqty nyghaytu, jas úrpaqqa izgi qúndylyqtardy siniru – mine, búl siz ben bizdin, yaghni, ziyaly orta men memleketting ortaq mýddesi», – dedi ministr.

Aida Balaeva Memleket basshysynyng barlyq bastamalary eng aldymen últ birligin qalyptastyrugha, memleketti nyghaytugha jәne azamattardyng әl-auqatyn arttyrugha baghyttalghanyn atap ótti.

«Eldikting mәrtebesin arttyruda ózderinizdey mәdeniyet maytalmandaryna, shygharmashyl qauym ókilderine jýkteler mindetting de auqymy zor. Áriyne, osy jolda ziyaly qauym ókilderi Preziydentimizge tirek bolyp, qashanda qoldau bildiretindigine kýmәnimiz joq. Eng bastysy – osy iygi baghytta júdyryqtay júmylyp, el mýddesi ýshin ayanbay qyzmet etu. Memleket óz tarapynan mәdeniyet maytalmandarynyng shygharmashylyghyn qoldaudy jýieli týrde jalghastyra beredi», – dedi ministr.

Stiypendiya iyegerleri qatarynda Asanәli Áshimov, Biybigýl Tólegenova, Oljas Sýleymenov, Iranbek Orazbaev, Núrghaly Nýsipjan, Túnghyshbay Jamanqúlov, Meruert Ótekesheva, Amandos Aqanaev, Dulat Isabekov, Tólen Ábdikúly, Tatiyana Tarskaya, Guliver Raziyeva jәne basqa da kórnekti mәdeniyet qayratkerleri bar.

Abai.kz