Irannyng yadrolyq baghdarlamasy qazir әlem júrty yzu-qyzu talqylap jatqan taqyryptardyng birine ainaldy. Batystaghy beldi basylymdar – «The Telegraph» pen «The New York Times» Irannyng yadrolyq qaruy turaly qatar-qatar maqalalar jariyalady. býgin solargha sholu úsynbaqpyz.

Áueli «The New York Times» ne deydi?

AQSh-tyng syrtqy barlauynan alghan mәlimetterdi tilge tiyek etken «NYT» óz maqalasynda:

«Iran ghalymdary yadrolyq qaru jasaudyng jyldam әdisin mengerude. Búl ýshin ghalymdar men injenerlerding qúpiya toby jasaqtalghan. Olar yadrolyq otyn qoryn bir jyldan az uaqyt ishinde qarugha ainaldyru ýshin júmys istep jatyr», - dep jazdy.

Basylymnyng jazuynsha, Tramptyng birinshi preziydenttik merziminde AQSh Iranmen «yadrolyq kelisimnen» shyqqan. Sodan beri Iran urandy bayytu júmystaryn qayta bastaghan.

Qazir Irangha 4-5 yadrolyq oqtúmsyqty jasau ýshin 60%-gha deyin bayytylghan uran jetkilikti. Al 90%-dyq bayytu dengeyine jetu ýshin nebәri birneshe kýn qajet.

AQSh memlekettik hatshysy Marko Rubio Tegerannyng yadrolyq qaru jasau әreketine baylanysty: «AQSh-tyng Irangha qysymyn arttyru qajet», - dep mәlimdedi.

Al «The Telegraph» ne deydi?

Úlybritaniya syrtqy barlauynyng derekterin sózmysal etken «The Telegraph» basylymy:

«Iran biyligi alys qashyqtyqqa soqqy jasaytyn jәne yadrolyq oqtúmsyqty alyp úshugha qabiletti zymyran jasauda. Zymyran 2900 shaqyrymdy ensere alady jәne Europa elderi men Izraili aumaghyna jetedi», - dep jazady.

«The Telegraph» basylymy Albaniya men Fransiyada qyzmet etetin Irannyng últtyq qarsylasu kenesining (NCRI) aqparatyna sýiene otyryp jazdy.

Atalghan oppozisiyalyq kenes Iran biyligine qarsy әreket etedi jәne Europa barlaushylaryna Irannyng EO aumaghyndaghy tynshylary jayly birneshe mәrte naqty aqparat bergen. Atalghan zymyran Soltýstik Koreyamen birlese otyryp jasaluda. Zymyrandy jasau gharyshty iygeru jobasy retinde býrkemelengen.

Abai.kz