Búdan 3 jyl búryn orys әskeri Kiyevke jaqyndaghanda Aq ýy basshysy Bayden men Europa basshylary Zelenskiyge bas saughalap qashudy, shetelde kóshpeli ýkimet qúrudy úsynyp, úshaq jibergeni mәlim bolghan edi.

Zelenskiy otanyn tastap túra qashudy ar sanap, aqyryna deyin kýresti. Erik-jigerimen Halyqaralyq qauymdastyqtyng qoldauyna ie boldy. Endi mine, Aq ýige qayta kelgen, soghysty toqtatudy jeleu etken Tramp Kremli qojayyny Putin siyaqty Zelenskiydi kózge shyqqan sýieldey kórip otyr.

Keshe ózining jeke menshik әleumettik jelisinde Ukraina basshysyna orynsyz kýie jaqty. BÚÚ-gha mýshe әlemning 143 memleketi Putinning atalmysh "arnauly әskery operasiyasyn" - "egemendi elge shapqynshylyq" dep tanyp, bir auyzdan Ukrainany qoldaghan edi. Auzy kópirgen Trekenning shuly jazbasynda kerisinshe, Reseydi soghystan zardap shegushi mýsәpir el etip kórsetkeni, soghysty Zelenskiy bastaghanday órekpigeni jahan júrtynyng narazylyghyn tudyrdy. Ukraina basshysyn soghysty sauyndy siyrgha ainaldyrghan diktator retinde sipattauy jelding qay jaqtan soghyp túrghanyn anyq anghartty.

Áriyne, Zelenskiyde ózin Amerikanyng ghana emes, әlemning qútqarushy júldyzy sanaytyn, bergenin búldaytyn Tramptan yghyp qalghan joq. AQSh-tyng bergen kómegin iyne-jibine deyin qaldyrmay esep berdi. Tramp aitqanday 4 payyz emes, elining 57 payyzynyng ózine әlide senim bildirip otyrghanyn algha tartty.

Anyghynda Ukrainada preziydent saylauynyng ótpeuine Zelenskiyding esh qatysy joq edi. Putin siyaqty ólgenshe biylikte qalu oiy bolmaghan. Preziydentik saylaudy tótenshe jaghdaygha baylanysty shegere túru - Ukraina Radasynyng elding negizgi zanynyng 19-tarmaghyna jýginip qabyldaghan sheshimi bolatyn. Oghan kinәli bolsa, Ukrainanyng astan-kestenin shygharghan Putin kinәli edi. Aq úy basshysynyng onyng josyqsyz syltauyn kózsiz qaytalap, Zelenskiydi naqaq kinәlauy orynsyz boldy. Tramptyng dosy Angliyanyng búrynghy uәziri Boris Jonson da soghys jyldary 1935-1945 jyldary Angliyada da saylau ótpegenin jazyp, Zelenskiyge arasha týsti.

Tramptyng Zelenskiyding el ishindegi bedeline baylanysty aitqan 4 payyzdan bólek, "Resey әskery quatynyng 20 payyzyn ghana júmyldyrdy, 100 payyz júmyldyrsa saudang bitti dey ber" degeni orys propogandashylarynyng sózimen birdey shyqty. Zelenskiyding Trampty "orystyng jalghan aqparatynyng ishinde maltyp jýr" degeni óte oryndy aitylghan sóz ekeni anyq.

Tramptyng Zelenskiyge jasaghan aqparattyq shabuylynan keyin Europa basshyarynyng da tili shygha bastady. "Kýltóbening basynda kýnde kenes qúryp jýrgen" Fransiya basshysy Makron "Ukraina mәselesinde Europanyng maydany bir" dep mәlimdedi. Soghystyng 3 jyldyghyna oray, 24 aqpanda Euroodaq Kiyevke arnauly ókilderin jibermek eken. Olar Ukraina әskerine 6 milliard dollardyng oq-dәrisin ala kelmek eken. Sonday-aq Reseyge jana sanksiya dayyndap otyr eken. Dese de sarapshylar qazir Ukrainagha eng keregi әsker men qyrghysh úshaqtar, alys aralyqty bombylaytyn oq túmsyqtar deydi. Europanyng kezekti әskery kómeginde ol jaghy qarastyrylmapty.

Sóitip Putin bastap, Tramp qostap, Zelenskiyding preziydenttik merzimining ótip ketkenine shýiligip, birlesip jana oiyn bastap otyr. Resey dumasynyng Zelenskiyding preziydenttigining zansyzdyghy turaly, onyng biyligin moyyndamau turaly qarar qabyldau oiy bar siyaqty. Keshe Resey dumasy tóraghasynyng birinshi orynbasary Petr Tolstoy "Soghysty toqtatudyng alghy sharty Ukrainada saylau ótkizu" dep, ol da til qatypty. Al Ukrainanyng búrynghy preziydenti Poroshenko "memleketti qútqaratyn jana ýkimet jasaqtau kerek" dep partiyasy atynan jana bastama kótergen.

Jayly bólmede, jer sharynyng arghy betinde jatyp alyp soghys taghdyryn sheshpek bolghandardyng týri mynau... Al soghystan zardar shegip otyrghan qarapayym júrttyng pikiri qanday?

VVS-ding jurnalisteri soghys bolyp jatqan jerlerge baryp ukrain azamattarynyng pikirin bilipti. Qauipsizdikke baylanysty olardyng túrghylyqty jeri men atyn jasyrudy jón kórgen. Sumski túrghyndarynyng esimderi ghana naqty jazylghan. Orys әskerining shabuylyna eti ýirengen olardyng bәri soghystyng toqtauyn qalaytynyn aitqanmen bir auyzdan "Putinge senbeymiz" degen. Kenes armiyasynda 30 jyl qyzmet etken 70 jastaghy qariya úlymen nemeresining qolyna qaru alyp otanyn qorghap jýrgenin maqtanyshpen aityp, "orystar Putindi qúday kóredi, ólse de ózgermeydi" depti.

Úrysta ayaghynan aiyrylghan soldat Ukraina jasaghan qúny 350 dollarlyq dronmen orys tanklerin qalay joyghanyn, naqty aighaqpen, beyne jazbamen kórsetipti. Tanklerding bәri Resey tuyn emes, Kenes odaghynyng oraq pen balgha belgilengen tuyn qadap alghan dep jazady aghylshyndyq jurnalister.

Abai.kz