Búl ras jәne ony bәrimiz kórip te bilip otyrmyz, Qazaq elinde eki әleumettik top bar: qazaq tildi jәne ózge tildi.

Osy ózge tildi әleumettik top óz ishinen orystildi, sosyn anatildi dep taghy jikteledi. Orystildiler últqa, nәsilge hәm dinge bólinbeydi. Al, anatildi әleumettik top últtyq belgisine oray toptasqan. Olar - ózbek, vaynah (sheshen-ingush), úighyr, tәjik t.b. úzyn-sany 10 myng men 100 mynnyng (tipti odan da kóp) arasyndaghy bir aumaqqa shoghyrlana qonystanghan diasporalar. Elimizde ózge tildi әleumettik top ýshin: orys, ózbek, úighyr jәne tәjik tilinde bilim beretin mektepter ashylghan.

Sondyqtan 140 últ pen úlys degen kenestik mifti "ózge tildi últtyq azshylyq" pen "memlekettik tildi últtyq kópshilik" degen úghymdarmen almastyruymyz kerek! Ózge tildiler nәsiline, dinine hәm últyna qaramay memlekettik qyzmetke túrugha tolyq qaqyly. Olay bolsa, olardan qazaq tilinde sóilep, qazaq tilinde jaza alatyn sauattylyqty talap etetin Zang kerek. Qazaq tilin memqyzmette audarmashy jaldap algha sýireymiz deu endigi jerde úyat. Ol - tútas últty qorlau. Osy arada ashy da bolsa, aita keteyin, orys tildi qazaq ta ózgetildi әleumettik toptyng ókili bolyp tabylady. Nege?

Óitkeni olargha qazqtyng últtyq problemalary besh tiyn ekenin týsinetin kez keldi. Memlekettik qyzmet tili qazaqtanbay esh nәrse ónbeydi. Ýsh til biletin qanshama qazaq tildi bauyr-qaryndastarymyz memlekettik qyzmetke bas súgha almay jýr. Búl da ýlken problema. Biylik pen biznes qazaqtanbay esh nәrse ónbeydi. Olargha qújattardy qazaq tilinde jýrgizudi talap etu zaman talaby. Búl sonday-aq, demokratiya tabighatynyng da talaby: azshylyq kópshilikpen kelisuge tiyis.

Abai.kz