Polisiya qyzmetkerlerining barlyq әreketi krizistik jaghdaylar jónindegi reglament pen núsqaulyqqa qatang sәikestikte ótti.

Arnayy bólimshening búrynghy komandiyri Ýsen Ábilbaev býgin Almaty әuejayynda bolghan rezonanstyq oqighagha osylay pikir bildirdi. Onyng aituynsha, múnday jaghdayda psiholog-kelissóz jýrgizushi birinshi bolyp baylanys ornatuy tiyis.

Polisiya qyzmetkerleri ainaladaghy azamattardyng qauipsizdigin qamtamasyz etu ýshin barlyq saqtyq sharalaryn qabyldady. "Qúqyq qorghau qyzmeti turaly" zannyng 60-babyna, QR Qylmystyq kodeksining 32-babyna ("Qajetti qorghanys") jәne 34-babyna ("Asa qajettilik") sәikes olar qaru qoldana almady, әsirese jabyq kenistikte. Sonday-aq, olar qyzmettik qaru-jaraqpen jabdyqtalghandyqtan, tútqyn ornyna ózin úsynu mýmkin bolmady, – dedi Ýsen Ábilbaev.

Onyng aituynsha, Músa Ábdirayym polisiyamen birlese әreket etken. Búl jaghdayda eng basty mindet – jaghdaydyng ushyghuyna jol bermeu bolghan.

Jabyq ghimaratta qaru qoldanu odan da auyr zardaptargha әkelui mýmkin edi. Baqytymyzgha oray, búl azamat dәl sol jerde boldy. Ol óte batyl, erjýrek adam eken. Múnday sheshimdi kez kelgen adam qabylday almas edi. Ol qyzdy bosatyp, onyng ornyna ózi tútqyn retinde berildi. Viydeodan kórinip túrghanday, qylmysker basqalarmen kelissóz jýrgize bastaghan sәtte er adam der kezinde әreket etip, pyshaqty tartyp aldy. Búl onyng jyldam oilau qabiletining arqasynda mýmkin boldy, – dep týsindirdi Ýsen Ábilbaev.

Ayta keteyik, býgin saghat 11:45 shamasynda Almaty әuejayynyng ishki reyster terminalyna jolaushy kirgen. Aviasiyalyq qauipsizdik qyzmetining qyzmetkerleri odan qújattaryn kórsetudi súraghan. Alayda, ol tekseru qyzmetkerining shashynan ústap alyp, pyshaqpen qorqyta bastaghan.

Osy kezde oqigha kuәgeri ózin tútqyn ornyna úsyndy. Keyin ol pyshaqty tartyp alyp, qylmyskerdi zalalsyzdandyrdy. Osy oqigha boyynsha qylmystyq is qozghaldy.

Keyinirek polisiya ústalghan azamattyng búryn avtobus ishinde әielge shabuyl jasaghany ýshin sottalghanyn da rastady.

Memleket basshysynyng Jarlyghymen ekstremaldy jaghdayda kórsetken erligi men janqiyarlyghy ýshin Musa Sayranbayúly Abdraim "Erligi ýshin" medalimen marapattaldy.

Búdan bólek Almaty әuejayynda erlik jasaghan adam tanymal әnshi Baghlan Ábdirayymovtyn tuysy bolyp shyqty.

Derekkózi: baq.kz

Abai.kz