Almatydaghy SIY-28 tergeu abaqtysyna baryp, әrtýrli qylmystyq iske tartylghan birneshe azamatpen kezdesip qayttym. (Árqaysysyna bólek-bólek jazba arnaymyn).

Suret: E.Bapidyng jelidegi paraqshasynan alyndy.

Solardyng biri - AES-ke qarsy rúqsatsyz narazylyq aksiyasyn úiymdastyrugha qatysy bar degen jeleumen qamaugha alynghan Núrlan Jauylbaev. Biraq prokuratura Núrlangha jәne onymen birge dәl osy aiyppen qamalghan taghy da tórt jigitke keyinnen «ekstremistik bapty» baylap beripti.

IYә, auyr aiyp, qiyn bap! Biraq AES qayda, ekstremizm qayda?! Búl bes jigitting terisin tórt ret sypyryp alsang da, lankestikting izi týgili, iyisin tappaysyn! Alókpe asyra silteu!

IYә, AES dabyrasy kezindegi «aldyn ala saqtanu instingi» qozyp ketken kýshtik qúrylymdar qyzdy-qyzdymen bes jigitti qamaugha alghan shyghar. IYә, qynyr qoghamnyng qyzuyn basudyng doghaldau dolbaryn jasaghan bolar. IYә, biylikke degen «hronikalyq» narazylyghy bar jigitter syrttan sybyrlaghan әldebir aidapsaldyng sózine erip ketken shyghar. Altynbekting atyluyna baylanysty Nazarbaevshylap aitsaq, «s kem ne byvaet?».

Endi she? Endi eldegi referendumnyng nәtiyjesinde bir emes, perspektivada ýsh AES salynatyn bolghan joq pa?! Qazaqshylap aitqanda, «jaudyng beti qaytty», endigi eregesting jóni qaysy? Bes birdey azamatty týrmege tyghudyng qanday qisyny qaldy?

Sondyqtan eki jaq aqylgha salyp: «kýshti keshirimshil keledi» degen tәmsilge prokuratura des berip; adamy zandy qúqyghyna «qaqalyp» qalghan qamaudaghylar myqyn tayanyp, «pozagha» túryp almay; «sayasy tútqyndar» sanyn molaytpaugha mýddeli boluy tiyis biylik Qazaqstan men Preziydentting syrttaghy imidjine núqsan keltirmeuding qamyn kýittegen dúrys bolar-au!

Men osynday logikanyng jetegimen tergeuding aiyptau qorytyndysyn bekitken prokuraturany payymdy mәmilege shaqyram. Qamauda otyrghan azamattargha da osynday araaghayyndyq aqylymdy aittym. Abaqtydaghy kezdesu kezinde bayqaghanym: qayraty qaytpaghan qalpynan ainymaghan Núrlan myrza búl mәmilege moyynsúnghan keypin tanytty. Qasyndaghy «AES ýshin otyrghan», jigeri jasymaghan jigitter de «tostaghanda tolqyn tudyrugha» peyildi emes eken.

Al búl baylamgha ýshinshi jaq - sot ne aitar eken?

Sotqa da aitar aqyl bar: jigitterding alty ay tergeu abaqtysynda otyrghanyn «jaza óteldige» sanap, ary ketse, birer jylgha «bostandyqty shekteu» sharasymen sheshim shygharghany shapaghatty is bolmaq! Qazaqstannyng býgingi realiyinde búdan basqa qanday qisyndy jol bolmaq?

Ermúrat Bapiy,

Mәjilis deputaty

Abai.kz