Qazir әlemdik BAQ Qazaqstan turaly jii jazatyn boldy. Elimizding turizm, múnay salasy men azyq-týlik eksporttau jaghdayy olardy qyzyqtyratyny belgili.

Keshe Bloomberg basylym elimizding múnay eksporty turaly toqtalypty. Sol materialdy qaz-qalpynda audaryp otyrmyz.

«Qazaqstannyng shiyki múnay eksporty kelesi aida da rekordtyq dengeyge jetpek, búl elding múnay óndirisining artuy OPEK+ ýshin aitarlyqtay qiyndyq tughyzyp otyrghanyn kórsetedi.

Tórt iri múnay saudagerining boljamy boyynsha, shilde aiynda Reseyding Qara tenizdegi Novorossiysk portynan jóneltiletin CPC Blend markaly múnay kólemi tәuligine 1,65–1,75 million barrelige jetui mýmkin. Búl aqpan aiynda tirkelgen tәuligine 1,7 million barrelidik rekordty qaytalap nemese tipti asyp týsui de yqtimal.

Qazaqstannyng múnay óndiru kólemining kýrt ósui Múnay eksporttaushy elder úiymy (OPEK) jәne onyng seriktesterimen aradaghy qarym-qatynasta shiyelenis tudyrady. Astana men basqa da múnay óndirip otyrghan elderge qysym jasau maqsatynda Saud Arabiyasy bastaghan top birneshe ay boyy ózderining múnay jetkizilimin arttyryp keledi.

Alayda búl qadam Qazaqstandy toqtata qoyghan joq. Elding energetika ministri Erlan Aqkenjenov ótken aidyng sonynda sheteldik seriktesterge óndiris kólemin shekteu talap etilmeytinin mәlimdedi.

OPEC-ting ekinshi derekkózderine sýiensek, Qazaqstan biyl sәuir aiynda tәuligine 1,82 million barreli múnay óndirgen. Búl aigha belgilengen maqsatty kólemnen shamamen 300 myng barrelige artyq. Mamyr aiynda búl maqsat 40 myng barrelige qysqaruy tiyis edi, óitkeni Qazaqstan búghan deyingi artyq óndiristi óteu ýshin qosymsha shekteuler engizuge tiyis bolatyn. OPEC mamyr aiyndaghy naqty óndiris kórsetkishterin dýisenbi kýni jariyalaydy.

Alayda óndiris kólemi qysqarudyng ornyna, arta bermek. Qazaqstan biyligi 2025 jyly jalpy múnay óndirisi aldyn ala jospardan joghary, 97 million tonna bolady dep boljaydy. Búl kórsetkish 2026 jyly 100 million tonnagha, al odan keyingi jyldary 105 million tonnagha jetedi dep kýtilude. Sonymen qatar, últtyq kompaniya — “QazMúnayGaz” alpauyt Qashaghan ken ornyn tolyq iygeruge kýsh salyp jatyr.

CPC Blend markaly múnay eksporty aqpan aiynda tәuligine 1,7 million barrelige jetip, rekord janartty. Búl Chevron kompaniyasynyng Teniz ken ornyn keneytu jobasynyng ayaqtaluymen baylanysty boldy. Al keyingi ýsh aida — sonyng ishinde mamyrda — tieu kólemi azdap tómendedi. Sebebi jýkteu terminalynda josparly jóndeu júmystary jýrgizilgen edi.

CPC arqyly eksporttalatyn múnaydyng shamamen 90 payyzy – Qazaqstannan shyqqan. Búl terminal elding jalpy múnay eksportynyng 80 payyzyn qamtamasyz etedi. Reseylik múnay kólemi shamamen tәuligine 150 myng barrelidi qúraydy.

Abai.kz