Mausymnyng 13-inde bastaghan shabuylyn: "Irannyng uran bayytu qúrylymdaryn joq qylu", - dep týsindirgen Tramp pen Netaniyahudyng týpki jospary belgili boldy.

"Irannyng ruhany kósemi Ayatolla Hameneyding jasyrynghan jerin bilemiz, 48 saghatta shartsyz berilmese kózin joyamyz", - dep ashyq aita bastady. Eki sybaylastyng Iran islam respubikasyn ózgertip, halifat qúru josparyn Netaniyahu Aq ýige alghashqy sheteldik qonaq bolyp barghanda aqyldasyp, pisirip alghany anyq.

Izraili Irangha jalpy әue soqqysynan keyin, aqparattyq shabuylgha, ghalamtor dәuirindegi shekten alqyghan úrys tәsiline kóshti. Janarmay beketterin bombalap, dýrbeleng tudyrdy. Iran bankterine hakkerlik shabuyl jasap, sifrlyq jýiesin isten shyghardy. Irannyng zang organdarynyn, aqparat organdarynyng ghimaratyn talqandap, ony Iran halqynyng qalauymen bolghanday etip kórsetti. Izrailidi tәuelsiz elge soghys ashushy emes, kerisinshe ashynghan halyqty diktatordan qútqarushy etip jarnamalaugha janyn salyp jatyr.

Irannyng әskeriyleri "qughyndaghy búrynghy patsha múragerlerimen baylanysqa shyqty, olardy elge kelip, biylikti qolgha alugha shaqyrdy" degen aqparattar taratty.

Kýlli әlem ekeuding týpki josparyn bilip, ishtey baqylap otyr. Saud Arabiyasy bastaghan 21 músylman eli Izrailiding shabuylyn aiyptaghanymen, ishtey jóiitterge bolysyp otyr. AQSh bazasy ornalasqan elderdi aitpaghanda, Saud Arabiyasy kóginen úshqan Izrailiding bombalaushy úshaghyna kóz júma qarap, Iran úshaqtaryn qaghyp tastap otyr. Siriyanyng jana basshysy da jóiitterge bolysyp, ózining jeri men kógin әskery maqsatta paydalanugha rúqsat berdi.

Irannyng eki senimdi odaqtasy - Resey men Qytay da jaghdaydy diplomatiyalyq jolmen retteudi aitudan basqagha barmay otyr. Irannyng Shanhay yntymaqtastyq úiymynyng beldi mýshesi ekenin aitsaq ta jetkilikti.

Izraili Qorghanys ministri 86 jastaghy Hameneyge: "Berilmese, Saddam Qúsayynnyng ayaghyn qúshatynyn", - aityp ses kórsetti.

Saddamnan keyingi Iraktyn, Kaddafidan keyingi Liviyanyng qanday kýige týskenin әlem júrty bilip otyr. AQSh-tyng Aughanstangha ornatqan demokratiyalyq biyligining bir týnde qalay kýiregenine de kýlli әlem kuә boldy.

Tramp pen Netaniyahudyng Iran da ornatpaq bolghan "jana halifatynyn" da bayandy bolary, Orta Shyghystyng beybit aimaqqa ainala qoiy ekitalay.

Abai.kz