Bir kýni keshki asta qyzym eki kýnnen keyin Klaudiya esimdi dosymen birge oinaghysy keletinin，biraq ol ýshin ata-analar aldyn ala habarlasyp,kelisui kerek ekenin aitty.

Birneshe saghattan keyin Klaudiyanyng әkesi telefon shaldy. Esimi Jәk eken. Telefonnyng ar jaghyndaghy dauys óte sypayy estilip jatty. «Sizdi mazalaghanyma keshirim ótinemin. Lәilә men Klaudiya birge oinaugha kelisipti. Qyzymyz ýnemi ótinish aita bergen son，onyng dosynyng ata-anasy kim eken dep sizge habarlasyp túrmyn. Biz qyzymyzdy sheshesi ekeuimiz birge ertip shyghyp，birge alyp qaytamyz. Balalarymyzdy oinatu ýshin arnayy uaqyt josparlap，birge bolamyz» demesi bar ma？

Sóitip eki otbasy Arliynton qalasyndaghy Ashlawn mektebining aldyndaghy sayabaqta kezdestik. Balalarymyzdy jap-jasyl sayabaqtaghy oinau alanyna emin-erkin jiberdik. Al ata-analar bir-birimizben tanysyp，әngime tiyegin aghyttyq. Jәkting ózi Italiyadan eken，әieli Mariya Chehiya tumasy bolyp shyqty. Balalarynyng kóp uaqyty kitap oqumen jәne tabighat ayasynda seyildeumen ótetinin aitty.

Olarmen sóilese kele men amerikalyq ata-analardyng balalaryn qorghau ýshin baryn salatynyn týsindim.

Ol elde әr ata-ana balanyng qauipsizdigi men qúqyghyn qorghaugha zang jýzinde mindetti. Eger ata-ana:

• Balasyn qarausyz qaldyrsa,
• Zorlyq-zombylyq kórsetse nemese
• Negizgi qajettilikterin qamtamasyz etpese onda búl memleket tarapynan tekserilip, key jaghdayda ata-analyq qúqyqtan aiyrugha deyin barady. Búl – AQSh-ta balanyng qúqyghy ata-anadan da joghary sanalady degen ústanymnyng bir kórinisi eken.

Jәk pen Mariya bizben sóilesken 1 jarym saghat ishinde Keshiriniz degen sózdi shamamen 40 ret aitty. Sóitsek，búl olardyng ómirine，taghdyryna enip ketken sóz eken.

Jurnalist bolghan song ba әiteu tynysh túrmay olargha súraq qoya bastadym. Áuelgi súraghym ata-analardyng belsendiligi haqynda boldy. Jauaby mynaday:"Amerikalyq ata-analar balanyng mektebindegi is-sharalargha (ata-analar jinalysy, erikti kómek, sporttyq jarystar) belsendi qatysady. Ýy tapsyrmasyn oryndaugha, oqu prosesine kónil bóluge kómektesedi. Balanyng hobbiyin damytugha (әn, muzyka, sport, óner) jaghday jasaugha tyrysady.

Sonymen birge，amerikalyqtar ýshin balagha «Sen jaqsysyn», «Sen istey alasyn» dep jii qoldau kórsetu — tәrbiyening manyzdy bóligi. Búl olardyng emosiyalyq intellektini damytugha baghyttalghanyn kórsetedi.

Josparlaghan 2 saghat lezde óte shyqty. Jәk pen Mariya bizben，Klaudiya Lәilә qyzymyzben qoshtasty. Sol eki saghat ishinde biz ata-ananyng bala aldyndaghy jauapkershiligin sezingendey boldyq.

 Dýisenәli Álimaqyn

Abai.kz