Altyn Musina búl is boyynsha eki epizodta kuәger retinde tanylghan. Sot prosesi kezinde ol Perizat Qayratqa Rebel Flowers gýl satu biznesinde esep jýrgizuge ýnemi kómektesip otyrghanyn aitty. Sonymen qatar “Asar-Ume” qorymen jasalghan kelisimshart boyynsha da esep bergenin jetkizdi. Musinanyng aituynsha, ol resmy tirkelmey júmys istegen jәne ay sayyn 300–350 myng tenge jalaqy alyp otyrghan. Perizatpen qashyqtan baylanys jasaghan, sebebi ózi Aqtóbede túrady. Kuәger Perizatpen birge júmys istegende esepterde kýmәndi sәikessizdikter bolghanyn mәlimdedi.

– Perizat jeke kәsipkerligi arqyly maghan jartyjyldyq esepterdi jasau jóninde jýgindi. Sol kezde olarda gýl satu firmasy bolghan. Buhgalterlik esepti men jýrgizdim. Qor boyynsha ol ara-túra esep beru ýshin habarlasatyn. Biraq jýieli buhgalterlik esep jýrgizilgen joq. Perizat tarapynan bir rettik ótinishter boldy. (...) Men rastaytyn qújattardy súradym, ol maghan WhatsApp pen elektrondy poshta arqyly fotolaryn jiberip otyrdy. Onda Palestina elshiligine aqsha audarylghanyn rastaytyn ne bir sertifikat, sonday-aq bankten halyqaralyq audarym jasaugha arnalghan ótinish boldy, – dedi Musina.

Onyng sózinshe, alghashqy audarym birneshe myng dollar bolsa, keyingisi shamamen 100 myng dollar kóleminde bolghan. Qújattyng ózi ózgertilgen siyaqty bolyp kóringen jәne qateleri bolghan. Búdan bólek, kuәger SWIFT arqyly audarym jasalghanyn rastaytyn qújat almaghanyn aitty.