Abay oblysynda qazaqtyng úly aqyny, oishyl Abay Qúnanbayúlynyng tughanyna 180 jyl toluyna arnalghan saltanatty is-shara ótti. Mereytoy barysynda Qazaqstan Preziydenti Qasym-Jomart Toqaevtyng qúttyqtau hatyn Senat Tóraghasy Mәulen Áshimbaev oqyp berdi.

Suretti týsirgen: A.Bayjúmanov

Memleket basshysynyn qúttyqtauynda Abayәlemdik auqymdaghy ghúlama ekenine jәne onyng ruhany múrasy keler úrpaq ýshin de ózekti bolyp qala beretinine basa mәn berilgen.

«Abay – tól mәdeniyetimizdi damytugha ólsheusiz ýles qosqan әlemdik dengeydegi kemenger túlgha, halqymyzdyng sana-sezimin janghyrtqan úly aqyn. Ol jana әdebiyetimizding negizin qalap, dýniyetamymyzdyng kókjiyegin keneytti. Óskeleng úrpaqty bilimpaz, enbekqor, adal azamat bolugha shaqyryp, últtyng jana sapasyn qalyptastyratyn qasiyetterdi keninen dәriptedi. Otangha degen sýiispenshilikting jәne el mýddesi ýshin qaltqysyz qyzmet etuding ozyq ýlgisin kórsetti. Hәkim Abaydyng mol múrasy – qazaq halqynyng ghana emes, barsha adamzattyng ónege alatyn asyl qazynasy. Onyng oi-tolghamdary men ósiyetterining ózektiligi eshqashan joghalmaydy. Sondyqtan Abaydy tanu jәne tanytu, shygharmashylyghyn tereng zerdeleu óte manyzdy», – delingen Preziydentting qúttyqtau hatynda.

Suretti týsirgen: A.Bayjúmanov

Senat Tóraghasy Mәulen Áshimbaev óz sózinde keyingi jyldarda Memleket basshysynyng bastamasymen Abay múrasy elimizde ghana emes, әlemdik dengeyde de keninen nasihattalyp jatqanyn aytty. Úly oishyldyng 180 jyldyq mereytoyy – býkil el ýshin manyzdy ruhany oqigha. Búl auqymdy is-shara halqymyzdyng parasat biyigine, adamgershilik qúndylyqtargha jәne últtyq biregeylikke degen úmtylysynyng jarqyn kórinisi ekeni anyq.

«Preziydentimiz Qasym-Jomart Kemelúly Toqaev úly oishyldy jan-jaqty úlyqtaugha ýnemi basa mәn berip keledi. Songhy jyldarda Abay múrasyn keninen dәripteu ýshin kóptegen júmys atqaryldy. Memleket basshysynyng bastamasymen resmy týrde 10 tamyz – Abay kýni bolyp bekitildi. Abay shygharmalary әlemning negizgi tilderine audaryldy. Osy rette Preziydentimizding tapsyrmasymen Almatyda Abay últtyq mektebi boy kóterip jatqanyn da atap ótken jón. Búl biregey bilim ordasy qazaq ziyalylarynyn jana buynyn qalyptastyrugha qyzmet etpek. Sonday-aq úly oyshyl bizge «Tolyq adam» tújyrymdamasyn ósiyet etti.Qazirgi tanda Abaydyng búl iydeyasy memlekettik sayasatymyzdyng negizgi ózegine ainalyp otyr.Memleket basshysy jariyalaghan «Adal azamat» tújyrymdamasy osy negizge taban tireydi.Preziydentimiz «Últtyq qúryltayda» belgilep bergen ozyq oily últqa tәn qasiyetter de ghúlamanyng ósiyetterimen ýndes. Osynday is-sharalardy Abaygha taghzym etu ghana emes, onyng oilaryn zamanauy túrghyda janasha týsinip, ómirde jýzege asyrugha jana mýmkindik dep qabyldaymyz», – dedi Mәulen Áshimbaev.

Suretti týsirgen: A.Bayjúmanov

Sonymen qatar Palata Spiykeri mereyli data ayasynda halyqaralyq, respublikalyq jәne ónirlik dengeyde 100-den astam auqymdy is-shara ótkizilip jatqanyn tilge tiyek etti. Olardyng qatarynda aytys, últtyq óner festivali jәne taghy basqairgeli jobalar bar. Abay múrasyna arnalghan «ABAY ACADEMIYASY» alghashqy ensiklopediyalyq portaly iske qosylyp, Semeyde inkluzivti kitaphana da ashyldy. Búl aqyn ónegesin barlyq sanatta dәripteu jolyndaghy manyzdy qadam ekeni sózsiz.

Senat Tóraghasy ónirge sapary barysynda Abay men Shәkәrimning kesenelerin ziyarat etip, Qarauyl auylynda aqyn eskertkishine gýl shoghyn qoydy.

Oyshyldyng mereytoyy Abay oblysynda últtyq dengeydegi mәdeny oqighagha ainalyp, oghan 15 elden kelgen delegasiya ókilderi, ziyaly qauym, jastar men qogham qayratkerleri, barlyghy 30 mynnan astam adam qatysty.

Abai.kz

Suretti týsirgen: A.Bayjúmanov