Hurriyat gazetinde 1918 jyly 26 qantarda jariyalanghan Ózbek jadid reformatorlary qozghalysynyng basshysy Mahmudqoja Behbudiyding qazaq aghayyndargha ýndeui - ashyq hat:

Qymbatty qazaq bauyrlarym!

Músylman aghayyndar, barlyghynyzgha mәlim, Týrkistan degenimiz týrkiler eli bolyp, múndaghy halyqtyng qazaghy, qyrghyzy, ózbegi, týrkimen men tatary - barlyghy týrik-moghol balalary bolyp, jahandy biylegen Shynghys han men Temirding әuletteri yaky agha-inileri.

Bauyrlar! Qazirgi kýnde Týrkistandaghy barlyq halyqtar ýshin múhtariyat (avtonomiya) jariyalandy jәne bilinizder: «qúqyq berilmeydi, ony alu kerek yaghni, múhtariyatty Týrkistannyng balalary, ózderi birigip, kýshpen ala alady, bireu bizge bermeydi. Basqalar qolynan kelse bizge bermeuge tyrysady».

Jarqyndarym! Basqa halyqtar, mәselen serbter, italiyandar, armyandar, slavyandar, polyaktar jәne basqalar, tipti dýniyening arghy shetinde bolsa da bauyrlarymen birlesip jatyr. Basqa ýlken memleketterge baghynyshty bolyp, jútylyp, tipti tilin de joghaltqan týbi bir bauyrlastaryn ajyratyp alyp biriguge bar kýshi men janyn salyp jatyr. Biz de óz ishimizdegi aghayyndarymyzdan aiyrylsaq aqymaqshylyq, úyat, týrki tamyryna balta shabu bolmaq.

Janym jarqyndarym, birigeyik! Kórip jýrsiz, orystar da birigude. Birigu zamany kelip túr. Eger siz bólinseniz, týrkimen aghayyn bólinse, Týrkistan týrikteri ýsh jerge bólinip ketedi jәne múhtariyattan eshkimge nesibe búiyrmaydy. Jetisudaghy músylman aghayyndargha da aitatyn sózim osy.

Týsinikteme: Búl hat 1917 j. 28 qarashadan 1918 j. 22 aqpangha deyin Qoqanda ómir sýrgen, Mústapa Shoqay basqarghan Týrkistan Avtonomiyasy (múhtariyaty) qoldaugha shaqyrghan ýndeu.

Qazirgi әripke týsirgen Kәrim Appazov

Abai.kz