KIMGE SENERIN BILMEYTIN ELMIZ!

Keshe eli ishi (syrty da) bir dýrlikti: joghary lauazymdy, preziydentke bir taban jaqyn túlgha men sol manaydan tabylyp jýrgen kәsipkerding tútqyndalghany turaly aqparat jarq ete qaldy. Jәne de ol habar anau-mynau emes, resmy tirkelgen, oqyrmangha birshama tanys BAQ-ta jaryq kórdi. Basqasyn aitpaghanda, WhatSapp pen TikTok, Instagram-nyng alyp-qashpa aqparatynyng ózine imanday senip jýrgen el búl janalyqqa qalay senbesin?!

Birer saghattan song birqatar resmy organdar búl aqparatty joqqa shyghardy.

Býgin bolsa, habardy alghash taratqan BAQ aitqanynan qaytpay, eldi dýrliktirgen aqparatty saytynan almay otyr. Yaghni, tartys ayaqtalghan joq.

Múnyng bәri biylik ishindegi kalanaralyq tartystyng jarqyn kórinisi ekenin sayasattanu fakulitetining birinshi kursynyng studentinen bastap, bәri de biledi. Ol jaghyn taratpay-aq qoyayyn (ol turaly aityp ta, jazyp ta kelemiz). Tek búl baqtalas, taqtalas memleketimizding Tәuelsizdigi men túraqtylyghyna, jer tútastyghyna zalal keltirmese dep oilaysyn.

Mening aitayyn degenim basqa nәrse.

BIZDE QOGhAM SENETIN AQPARAT KÓZI BAR MA?

Memlekettik organdar men resmy BAQ jýiesine júrt qúlay sene me?

Joq! Óitkeni olar qoghamda bolyp jatqan әrtýrli, sonyng ishinde biylikke jaqpaytyn jayttardy jazyp-kórsetuge niyetti emes, olar taratyp jýrgen aqparat aghyny birjaqty. Ol teris ýrdis eski Qazaqstanda bolghan, Jana Qazaqstan da sol sýrleumen jýruge daghdylana bastaghan synayly.

Jәne de bizde memlekettik organdar men jeke sheneunikter belgili bir klannyng qarauynda ekeni belgili. Árkim óz klanynyng atyn shaqyrady, sonyng soyylyn soghady. 2029 jyl jaqyndaghan sayyn, búl tendensiya kýsheye bermek. Jasan aitpay jaqsy joq (betin aulaq qylsyn!) kýni erteng bir ministr aqparat taratyp, ekinshi ministr ony joqqa shygharatyn jaghdaygha tap boluymyz әbden yqtimal! Sonda antarylghan el kimge senbek?!

Ózin tәuelsiz dep ataytyn, is jýzinde naqty klandar men toptardyng aqparattyq qúly bop jýrgen BAQ-targha ma? IYә, olardyng ishinde biylikke qatty-qatty syn aityp, biylikke narazy auditoriya aldynda bedel jinap jýrgenderi barshylyq. Biraq, «muzykagha kim tapsyrys beredi, qyzdy sol biyleydi» demekshi, olardyng da shyndyghy jartykesh, qúryltayshylarynyng tapsyrysynan asyp kete almaydy. Jeme-jemge kelgende olar óz qojayyndarynyng aitqanynan shygha almaydy.

Osy orayda elimizding aqparat aidynynda shalqyp jýrgen reseylik BAQ jýiesi turaly da qatty oilanuymyz kerek! Bir kýni olar elding sayasy ómirine qatysty, ózderine qajet, bizge ziyandy aqparat taratsa she? Kýni-týni solardan kóz ashpay, solargha senip qalghan jýrt ne oilap, ne istemek?!

Áriyne, memlekettik BAQ jýiesine shygharmashylyq erkindik úsynyp, qiyn taqyryptar men әrtýrli alyp-qashpa әngimelerdi ashyq ta qogham ókilderining qatysuymen talqylaugha mýmkindik berip, olardy naqty klandar yqpalynan bosatyp, batyl qadamdar jasalsa, júrttyng ol jýiege degen senimi qalpyna keler edi. Biraq, qaydam, qazirgi biylik dәl sonday әreketke barady dep aita almaymyn.

Olay bolsa, ishki jәne syrtqy qauip-qaterlerding aldyn alu ýshin elimizde obektivti de jan-jaqty aqparat bere alatyn, qoghamnyng ózi qúryltayshy bolatyn BAQ jýiesi qajet-aq!

Qazaq elining aqparattyq bostandyghy men qauipsizdigi qatar jýretinin endi ghana týsine bastaghan siyaqtmymyz ba, qalay?

PS. Bir qyzyghy preziydentting ózi әli de ýnsiz. Manayyndaghy saryshayandar bir-birin talap, jep jatqanyn ol kisi bilmeydi emes, biledi dep oilaymyn.

Ámirjan Qosan

Abai.kz