Týrkiya songhy on jylda qorghanys ónerkәsibin damytuda aitarlyqtay ilgeriledi. Sonyng eng basty dәleli – otandyq negizgi jauyngerlik tank Altay-dyng seriyalyq óndirisin jolgha qoiyn atap aitugha bolady. Búl týrik әskery óndirisining býgingi kýndegi eng iri әri strategiyalyq manyzy bar jobasy. Tankting jasaluy ýshin arnayy jana zauyt salynyp, onda korpustan bastap songhy búrandasyna deyingi barlyq bólshekter shygharyldy.

BMC Defense kompaniyasy salghan zauytta tankting jýregi sanalatyn BATU qozghaltqyshy da óndiriledi. Kezinde Týrkiya jyldar boyy Europa men Koreyadan qozghaltqysh satyp alyp kelgen-di. Endi quaty 400-den 1500 at kýshine deyingi otandyq qozghaltqysh jasau isi jolgha qoyyldy.

Altay jobasynyng tarihy da onay emes. Áuelgi iydeyasy 1990-jyldary tughanymen, naqty kelisimder tek 2010 jyldardan keyin qozghala bastady. 2013 jyly alghashqy prototip jasalyp, talay synaqtan ótti. Biraq týrli sebeptermen óndiris kesheuildegenin bilemiz.

Aqyry 2018 jyly Týrkiya Qorghanys ónerkәsibi basqarmasy BMC kompaniyasyna kelisimshart berip, naqty qadam jasady. 2023 jyly әskeriyler alghashqy ýlgilerin synap kórse, 2024 jyly tolyqqandy seriyalyq óndiris turaly kelisim jasaldy.

Jospargha sәikes, alghashqy ýsh tank osy jyly әskerge jetkiziledi. Kelesi jyly taghy 11 mashina tapsyrylmaq. Al eki jyldan song búl kórsetkish 41-ge jetip, keyin jylyna shamamen 30 tank túraqty týrde óndiristen shyghyp túrady. Demek, týrik armiyasy aldaghy on jylda jýzdegen jana buyndy tankpen qarulanbaq.

Altay-dyng ereksheligi tek quatty qozghaltqyshynda ghana emes. Ol Koreyanyng K2 tankterinde qoldanylatyn zamanauy bronimen jabdyqtalady. Búl – týrik әskery tehnikasyn әlemdik standartqa jaqyndata týsetin artyqshylyq. Sonymen qatar, sifrlyq basqaru jýieleri men zamanauy qaru-jaraqpen jaraqtalghan Altay Týrkiyany tek aimaqta ghana emes, halyqaralyq qaru naryghynda da myqty oiynshygha ainaldyruy yqtimal.

Núrlan Júmaqanov

Abai.kz