Almaty oblysy Mәtibúlaqtaghy әskery bólimde 19 jastaghy sarbaz Dinmúhamed Shynarbek kóz júmdy. Qúrlyq әskerding baspasóz qyzmeti sarbazdyng óz-ózine qol júmsaghanyn aitsa, tuystary kýmәn keltiredi.

Sarbazdyng әpkesi Enlik Qaltaevanyn sózinshe, onyng bauyry Daniyal Shynarbek 2024 jyly kýzde әskerge ketken. Kóktemde onyng artynan egiz-bauyry Dinmúhamed Shynarbek te әskerge attanghan.

"Olar әskery boryshyn birge ótep jýrgen, alayda әskery ant bergennen keyin Dinmúhamedti Mәtibúlaqtaghy 01098 әskery bólimine auystyrdy. Egizderdi aiyrugha bolmasa da, ony bauyrynan aiyrghan. Dәl sol jerde qayghyly oqigha boldy. Býgin Dinmúhamed Shynarbek ózine qol júmsaghanyn habarlady" dep jazdy 17 qyrkýiekte sarbazdyng әpkesi Instagram jelisinde.

Sarbazdyng jaqyndary qayghydan qan jútyp otyrghandaryn, sarbaz óz-ózine qol júmsaghanyna sene almaytyndyqtaryn da jetkizgen.

Olar preziydent Qasym-Jomart Toqaevqa qayyrylyp, sarbazdyng ólimine qatysty isti jeke baqylauyna aludy ótingen.

"Nege beybit uaqytta jas jigitter ólip jatyr? Bizge aqiqat pen әdildik kerek" dep jazdy Enlik Qaltaeva.

Qazaqstan qúrlyq әskerining baspasóz qyzmeti beysenbi kýni sarbazdyng qazasyna qatysty habarlama taratty. Onyng habarlamasyn Orda sayty jariyalady.

"17 qyrkýiekte gvardiyalyq garnizonnyng әskery bólimderining birinde jedel qyzmetting әskery qyzmetkeri óz-ózine qol júmsady. Qylmystyq is qozghaldy. Qúrlyq әskerining bas qolbasshysy mәn-jaydy anyqtau ýshin arnayy komissiya jiberdi" dep jazylghan habarlamada.

Keyingi kezde Qazaqstanda qatardaghy jauyngerler men kursanttar arasynda ólim-jitim men suisid jiyilep barady. Búghan deyin qorghanys ministrligi keyingi ýsh jylda Qazaqstanda 270 әskery qyzmetker qaza boldy dep mәlimdegen.

Marqúmdardyng tuystary da, qogham da negizinen әsker men onyng basshylaryna kinә artady. Qatardaghy jauyngerlerding qazasyna әlimjettik te sebep ekeni jii aitylady. Al resmy aqparatqa sәikes, olardyng ólimine kóp jaghdayda auru, jol apaty men suisid sebep bolghan.

Byltyr әskerdegi sarbaz ólimi jiyilegen tústa ePetition.kz portalynda mindetti әskery qyzmetti alyp tastau turaly petisiya jariyalanghan. Qazaqstannyng qorghanys ministrligi "búl bastamany elding qorghanys qabiletine núqsan keltiru" dep atap, "elding qorghanys mәselesi petisiyagha negiz bola almaydy" dep mәlimdegen.

Abai.kz