Qazaqstan Qashaghan jәne Teniz múnay ken oryndaryna qatysty AQSh-tyng ExxonMobil korporasiyasymen kelissózder jýrgizip jatyr, dep habarlaydy Ulysmedia.

Bloomberg basylymynyng jazuynsha, Qazaqstan biyligi Exxon Mobil top-menedjerlerimen Qashaghandy keneytuge baylanysty kelissózder jýrgizip jatyr. Taraptar әzirge qanday da bir kelisimge kelmegen. Biraq Qazaqstan biyligi múnay óndirisin úlghaytudy qoldap otyr.

Búghan qosa, taraptar Exxon Mobil kompaniyasynyng Teniz ken ornyn iygeruge qatysty liysenziya merzimin sozu mәselesin de talqylap jatyr.

2000 jyly ashylghan Qashaghan eng iri múnay ken oryndarynyng biri. Jobanyng sol kezdegi operatory – italiyalyq Eni kompaniyasy uaqyt óte kele múnda tәuligine 1,5 mln barreli múnay óndiruge bolady dep boljaghan. Alayda qazir óndiris kólemi shamamen 450 myng barreli ghana.

«QazMúnayGaz» mәlimetinshe, Qashaghan operatory óndiristi 2026 jylgha qaray 500 myngha, al 2031 jylgha taman 700 myng barrelige jetkizudi kózdeydi. Sol kezde qosymsha gaz óndeu zauyty iske qosyluy tiyis.

Jobany Exxon Mobil ghana emes, Eni SpA, Shell Plc, TotalEnergies jәne «QazMúnayGaz» birge iygerip jatyr. Bas kensesi Tehasta ornalasqan korporasiyanyng Teniz ken ornynda da minoritarlyq ýlesi bar. Tenizding bas operatory – Chevron.

Bloomberg derekkózderining aituynsha, Qashaghandy odan әri damytu jospary Qazaqstandaghy basqa da múnay jobalarymen tyghyz baylanysty. Mәselen, amerikalyq kompaniyanyng Tenizdi iygeru liysenziyasynyng merzimi 2033 jyly ayaqtalady. Osy jobadaghy ýlesin úlghaytqysy keletin Qazaqstan ony liysenziya merzimin sozumen almastyrghysy keledi.

PSA mәlimetinshe, Qashaghanda 4,5 mlrd tonna múnay qory bar. Joba operatory NCOC dereginshe, qazirgi óndiris kýshimen 1-2 mlrd tonnagha deyin múnay óndiruge bolady.

Abai.kz