Qasym-Jomart Toqaevtyng shaqyruymen Armeniya premier-ministri Nikol Pashinyan Astanagha keledi.

Atalghan sapar 20-21 qarasha kýnderi ótedi dep josparlanghan. Aqordanyng mәlimetinshe, sapar ayasynda eki el delegasiyalarynyng qatysuymen kelissózder ótip, Qazaqstan men Armeniya arasyndaghy ózara tiyimdi yntymaqtastyqty nyghaytu perspektivasy talqylanady dep josparlanghan.

Osyghan baylanysty Abai.kz oqyrmandarynyng nazaryna sayasiy-komiks úsynamyz. Eskertu: Mәtindegi sózder oidan qúrastyryldy.

Suret: chatgpt.com kómegimen jasaldy.

Toqaev: Pashinyan myrza, Qazaqstan men Armeniyanyng arasynan osy kýnge deyin «ala mysyq» ótpegen dep oilaymyn.

Pashinyan: Vay, Toqaev myrza! Aramyzgha «ala mysyq» jýgirtkisi keletinder aram qatsyn!

Suret: chatgpt.com kómegimen jasaldy.

Toqaev: Endeshe, bizding elge keliniz, sóileseyik, aqyldasayyq. Suyq bolsa da, qarasha aiynda Qazaqstangha at basyn búrynyz.

Pashinyan: Atpen emes, aiyrplanmen úshyp barsam qalay bolady?

Toqaev: Áriyne, aiyrplanmen keliniz. Biz osylay... alystan oraghytyp sóileymiz.

Pashinyan: A-a, týsindim-týsindim.

Suret: chatgpt.com kómegimen jasaldy.

Toqaev: Aytpaqshy, jyly kiyininiz, Astanagha «kәri qúda» qys kelip qaldy.

Pashinyan: Kim kep qaldy deysiz? Menen basqa taghy bireudi shaqyryp qoyyp pa ediniz?

Toqaev: Jogh-a, qys kelip qaldy deymin. Arqada qys jambastap alty ay jatady. Sondyqtan biz ony qúrmettep «kәri qúda» deymiz.

Pashinyan: Sizding diplomatiyalyq tilinizding astaryn týsine almay janylsa berdim-au. «Kәri qúdanyn» jayyn endi úqtym. Dәl osynday palitomen barsam, tonyp qalmaymyn ba?

Toqaev: Tonbaysyz. Qazaqtyng qúshaghy ystyq. Jaurasanyz jylytyp alamyz.

Suret: chatgpt.com kómegimen jasaldy.

Pashinyan: Astana qarashada da qarly eken. Jyly kiyingenim jón bopty...

QR Ýkimetbasy: Premier-ministrdi premier-ministr kýtip aluy sayasy jón-joralghy. Qazaq eline, túghyrly týrki júrtyna qosh keldiniz!

Suret: chatgpt.com kómegimen jasaldy.

Suret: chatgpt.com kómegimen jasaldy.

Pashinyan: Armeniyanyng janasha órlep-dәuirleui Almatydan bastalyp, Uashiyntonda qújattalghanyn biz úmytpaymyz!

Toqaev: Bizding múnayday qúndy qazynamyz – astyghymyz. Bizding astyqqa әlemde súranys kóp. Endi Qostanadaydyng alqabynan attanghan astyq Erevannyng sórelerinde ystyq nan bolyp túratyn bolady...

Pashinyan: Astanada qarashynyng kýni qaqap túrghanymen, Aqordanyng ishi jyly eken. Qúday jazsa, jii kelip túrsam qaytedi?

Toqaev: Patsha kóniliniz bilsin. Dos peyildi adamgha bizding esigimiz ashyq, tórimiz saylauly!

Abai.kz