ساياسي-كوميكس: پاشينياننىڭ ايازدى استاناعا ساپارى
قاسىم-جومارت توقاەۆتىڭ شاقىرۋىمەن ارمەنيا پرەمەر-ءمينيسترى نيكول پاشينيان استاناعا كەلەدى.
اتالعان ساپار 20-21 قاراشا كۇندەرى وتەدى دەپ جوسپارلانعان. اقوردانىڭ مالىمەتىنشە، ساپار اياسىندا ەكى ەل دەلەگاتسيالارىنىڭ قاتىسۋىمەن كەلىسسوزدەر ءوتىپ، قازاقستان مەن ارمەنيا اراسىنداعى ءوزارا ءتيىمدى ىنتىماقتاستىقتى نىعايتۋ پەرسپەكتيۆاسى تالقىلانادى دەپ جوسپارلانعان.
وسىعان بايلانىستى Abai.kz وقىرماندارىنىڭ نازارىنا ساياسي-كوميكس ۇسىنامىز. ەسكەرتۋ: ماتىندەگى سوزدەر ويدان قۇراستىرىلدى.
سۋرەت: chatgpt.com كومەگىمەن جاسالدى.
توقاەۆ: پاشينيان مىرزا، قازاقستان مەن ارمەنيانىڭ اراسىنان وسى كۇنگە دەيىن «الا مىسىق» وتپەگەن دەپ ويلايمىن.
پاشينيان: ۆاي، توقاەۆ مىرزا! ارامىزعا «الا مىسىق» جۇگىرتكىسى كەلەتىندەر ارام قاتسىن!
سۋرەت: chatgpt.com كومەگىمەن جاسالدى.
توقاەۆ: ەندەشە، ءبىزدىڭ ەلگە كەلىڭىز، سويلەسەيىك، اقىلداسايىق. سۋىق بولسا دا، قاراشا ايىندا قازاقستانعا ات باسىن بۇرىڭىز.
پاشينيان: اتپەن ەمەس، ايىرپلانمەن ۇشىپ بارسام قالاي بولادى؟
توقاەۆ: ارينە، ايىرپلانمەن كەلىڭىز. ءبىز وسىلاي... الىستان وراعىتىپ سويلەيمىز.
پاشينيان: ا-ا، ءتۇسىندىم-ءتۇسىندىم.
سۋرەت: chatgpt.com كومەگىمەن جاسالدى.
توقاەۆ: ايتپاقشى، جىلى كيىنىڭىز، استاناعا «كارى قۇدا» قىس كەلىپ قالدى.
پاشينيان: كىم كەپ قالدى دەيسىز؟ مەنەن باسقا تاعى بىرەۋدى شاقىرىپ قويىپ پا ەدىڭىز؟
توقاەۆ: جوع-ا، قىس كەلىپ قالدى دەيمىن. ارقادا قىس جامباستاپ التى اي جاتادى. سوندىقتان ءبىز ونى قۇرمەتتەپ «كارى قۇدا» دەيمىز.
پاشينيان: ءسىزدىڭ ديپلوماتيالىق ءتىلىڭىزدىڭ استارىن تۇسىنە الماي جاڭىلسا بەردىم-اۋ. «كارى قۇدانىڭ» جايىن ەندى ۇقتىم. ءدال وسىنداي پالتومەن بارسام، توڭىپ قالمايمىن با؟
توقاەۆ: توڭبايسىز. قازاقتىڭ قۇشاعى ىستىق. جاۋراساڭىز جىلىتىپ الامىز.
سۋرەت: chatgpt.com كومەگىمەن جاسالدى.
پاشينيان: استانا قاراشادا دا قارلى ەكەن. جىلى كيىنگەنىم ءجون بوپتى...
قر ۇكىمەتباسى: پرەمەر-ءمينيستردى پرەمەر-مينيستر كۇتىپ الۋى ساياسي ءجون-جورالعى. قازاق ەلىنە، تۇعىرلى تۇركى جۇرتىنا قوش كەلدىڭىز!
سۋرەت: chatgpt.com كومەگىمەن جاسالدى.
سۋرەت: chatgpt.com كومەگىمەن جاسالدى.
پاشينيان: ارمەنيانىڭ جاڭاشا ورلەپ-داۋىرلەۋى الماتىدان باستالىپ، ۋاشيڭتوندا قۇجاتتالعانىن ءبىز ۇمىتپايمىز!
توقاەۆ: ءبىزدىڭ مۇنايداي قۇندى قازىنامىز – استىعىمىز. ءبىزدىڭ استىققا الەمدە سۇرانىس كوپ. ەندى قوستانادايدىڭ القابىنان اتتانعان استىق ەرەۆاننىڭ سورەلەرىندە ىستىق نان بولىپ تۇراتىن بولادى...
پاشينيان: استانادا قاراشىنىڭ كۇنى قاقاپ تۇرعانىمەن، اقوردانىڭ ءىشى جىلى ەكەن. قۇداي جازسا، ءجيى كەلىپ تۇرسام قايتەدى؟
توقاەۆ: پاتشا كوڭىلىڭىز ءبىلسىن. دوس پەيىلدى ادامعا ءبىزدىڭ ەسىگىمىز اشىق، ءتورىمىز سايلاۋلى!
Abai.kz
