Býgin Astanada «Daryn» memlekettik jastar syilyghynyng laureattaryn marapattau rәsimi ótti. Syilyq mәdeniyet, ghylym, media jәne sport salasynda joghary jetistikterge jetken 20 jas daryngha tabystaldy. Olardyng qatarynda halyqaralyq jәne respublikalyq konkurstar, festivalider men kórmelerding laureattary, respublikalyq jәne halyqaralyq dengeydegi sport jarystarynyng jýldegerleri men jenimpazdary, qoghamnyng damuyna ýles qosyp jýrgen jastar bar.

QR Mәdeniyet jәne aqparat ministri Aida Balaeva qúttyqtau sózinde jastar sayasaty salasynda jyl sanap jana buyndy qoldaugha baghyttalghan sharalar men jobalar artyp kele jatqanyn atap ótti. Preziydent bastamasy arqyly joghary bilimning qoljetimdiligi artyp, jas ghalymdardy qoldaugha arnalghan grant baghdarlamalary kóbeydi, enbek naryghynda jas mamandardyng mýmkindikterin arttyratyn jana jobalar iske qosyldy. Kreativti industriya, sifrlyq ekonomika, kәsipkerlik salasynda jastargha jol ashatyn bastamalar da memleket tarapynan qoldau tauyp otyr.

«Memleket basshysy әrdayym óz sózderinde jastargha qoldau bildirip, ýlken senim artyp keledi. Preziydentting әr Joldauy, qolgha alghan reformalary men bastamalary – jastardyng bolashaghy men iygiligi ýshin jasalyp jatqan auqymdy ózgeristerding naqty kórinisi.

Búl reformalardyng ózegi – Ádildik, Zang men tәrtip, ashyqtyq pen jauapkershilik sekildi qúndylyqtargha negizdelgen. Ásirese, «Zang jәne tәrtip», «Taza Qazaqstan» bastamalary men jappay volonterlik aksiyalardy jastardyng zor jauapkershilikpen jәne ýlken yntamen qoldap kele jatqany quantady. Búl auqymdy bastamalardyng barlyghy – jana iydeologiyanyng manyzdy bóligi. Al osy iydeologiyany jýzege asyratyn da, ony algha jeteleytin de – ózderiniz», – dedi ministr.

Laureattar «Ghylym», «Estrada», «Klassikalyq muzyka», «Halyq shygharmashylyghy», «Sport», «Dizayn jәne beyneleu óneri», «Jurnalistika», «Qoghamdyq qyzmet», «Teatr jәne kino», «Ádebiyet» nominasiyalary boyynsha anyqtaldy.

2025 jylghy jenimpazdardyng qatarynda tanymal qazaqstandyq әnshi Enlik Qúrarbek (Yenlik), «Slavyan bazary-2024» halyqaralyq vokaldyq bayqauynyng bas jýldegeri Ernazar Júban, «Qayrat» futbol klubynyng shabuylshysy Dastan Sәtpaev bar.

«Daryn» memlekettik jastar syilyghy jyl sayyn talantty jastardy memlekettik dengeyde qoldau maqsatynda tabystalady. Syilyq ghylymi, shygharmashylyq, qoghamdyq qyzmettegi jetistikter men joghary sporttyq nәtiyjeler ýshin beriledi.

30 jyldan astam uaqyt ishinde búl syilyqty 360-tan asa jas qazaqstandyq iyelengen. Osyghan deyin Núrlan Ónerbaev, Baqtiyar Artaev, Serik Sәpiyev, Daniyar Eleusinov, Iliya Iliiyn, Oliga Shishigina, Denis Ten, Qydyrәli Bolmanov, «MuzART», «Bәiterek» toptary, Serik Ibragimov, Ály Oqapov, Qayrat Núrtas, Dimash Qúdaybergen jәne taghy basqa kóptegen ónerpazdar men sportshylar marapattalghan.

Abai.kz