Bishkekte ÚQShÚ Újymdyq qauipsizdik kenesining keneytilgen qúramdaghy otyrysy ótti.

Qazaqstan, Belarusi, Qyrghyzstan, Resey jәne Tәjikstan kóshbasshylary Úiymgha mýshe elderding újymdyq qauipsizdigin qamtamasyz etuding ózekti mәselelerin qarastyryp, biylghy ÚQShÚ júmysynyng negizgi baghyttaryn qorytyndylady. Sonday-aq aldaghy kezenge arnalghan basymdyqtardy anyqtady.

Otyrys qorytyndysy boyynsha Újymdyq qauipsizdik kenesining deklarasiyasy qabyldandy. Sonday-aq Úiymgha mýshe memleketterding mýddesine say újymdyq qauipsizdik jýiesin jan-jaqty jetildiruge baghyttalghan birqatar qújatqa qol qoyyldy.

Búl jolghy otyrystyng júrt nazaryn ózine erekshe audarghany bar. Sebebi búl joly úiymnyng bas hatshysy auysady. Aldynghy joly әskery úiymnyng bas hatshylyghyna Qazaqstan atynan bedeldi sayasatker Imanghaly Tasmaghanbetov saylanyp, osy kýnge deyin úiymdy basqaryp kelgen edi.

Jiyn barysynda 2026 jylghy 1 qantardan bastap ÚQShÚ Bas hatshysy qyzmetine ýsh jyl merzimge Qyrghyz Respublikasynyng ókili Taalatbek Masadykovty taghayyndau turaly sheshim bekitildi.

Preziydentter ÚQShÚ Bas hatshysy lauazymyndaghy qyzmetin ayaqtap jatqan Imanghaly Tasmaghambetovke alghys aitty.

Qazaqstandyqtar preziydent retinde kórgisi keletin Imanghaly Tasmaghanbetov Túnghysh preziydent Núrsúltan Nazarbaev biylikten ketkennen keyin, kýtpegen jerden zeynetkerlikke shyqqanyn habarlap, eldi an-tang qaldyrghan edi. «Qantar oqighasynan» keyin sayasy sahnagha qayta oraldy. 2022 jyldyng sonynda ÚQShÚ-nyng bas hatshylyghyna taghayyndaldy. Sol kezde syrt kóz onyng sayasatqa qayta oraluyn Resey preziydenti Putinmen baylanystyrghan edi.

Aytyp-aytpay әskery úiymnyng bas hatshylyghy lauazymynda ótkizgen ýsh jyl Tasmaghanbetovqa onay soqqan joq. Putinning Ukrainagha shapqynshylyghy, úiym mýsheleri arasyndaghy kiykiljing ony tyghyryqqa tiredi. Reseyge baghynyshty әskery úiym atynan NATO-ny aiyptaugha mәjbýr boldy. Kýni keshe Ukrainalyq "Mirotvores" sayty Imanghaly Tasmaghambetovti reseyshil adam retinde tizimge qosty.

Tasmaghanbetovting songhy sayasy lauazymdary Reseymen baylanysty boldy. Reseyde elshi boldy, әskery úiymnyng bas hatshysy boldy. Jana jyldan bastap Reseyde qala ma, joq Qazaqstangha qayta orala ma, ony uaqyt kórsetedi.

Abai.kz