Atalghan faktiler boyynsha sotqa deyingi tergeu amaldary bastaldy.

Qarjylyq monitoring agenttigi "Birynghay jinaqtaushy zeynetaqy qory" AQ-dan azamattardyng zeynetaqy jinaqtaryn zansyz shygharu derekteri boyynsha stomatologiyalyq klinikalardyng basshylary men ózge de túlghalargha qatysty sotqa deyingi tergep-tekserudi jalghastyryp jatyr, dep habarlaydy inbusiness.kz sayty.

Agenttik mәlimetinshe, zeynetaqy jinaqtary stomatologiyalyq qyzmetter kórsetu turaly formalidy sharttar jasasu jәne keyinnen jalghan medisinalyq qújattar úsynu arqyly shygharylghan.

Atalghan "qyzmet" ýshin kýdiktiler alynghan qarajattyng 10%-dan 20%-gha deyingi mólsherinde zansyz syiaqy ústap otyrghan.

Qylmystyq shemagha 42 stomatologiyalyq klinika tartylghan. Aldyn ala mәlimetterge sәikes, jalpy somasy 200 mlrd tengeden astam qarajat zansyz shygharylghan.

"Qylmystyq jolmen alynghan tabystargha kýdiktiler elitalyq jyljymaly jәne jyljymaytyn mýlik satyp alghan, sonday-aq qarajatty jasyru maqsatynda mýlikti ýshinshi túlghalardyng atyna rәsimdep, jana stomatologiyalyq klinikalar ashqan.

Qazirgi uaqytta 11 kýdikti eki ay merzimge qamaugha alynghan, al ýsh adamgha qatysty ýiqamaq týrindegi búltartpau sharasy tandalghan", – dep jazdy agenttikten.

Sonymen qatar jýieli týrde zansyz syiaqy alu maqsatynda medisinalyq mekemelerding birqatar dәrigerleri dәrigerlik-konsulitasiyalyq komissiyalardyng (DKK) jalghan qorytyndylaryn bergeni anyqtalghan. Búl epizodtar boyynsha kýdiktilerden alynghan qarajattyng jalpy somasy 30 mln tengeni qúrady.

Abai.kz