Preziydent Bas prokuraturada jiyn ótkizdi. Memleket basshysy elimizde auqymdy ózgerister jasalyp jatqanyn jәne aldymyzda Konstitusiyalyq reforma jýrgizu, mýlde jana sayasy jýiege qadam basu mindeti túrghanyn aitty.

Sonymen qatar jana dәuirde barlyq salagha sifrlandyru men jasandy intellektini jappay engizu júmysymen belsendi týrde ainalysu qajet ekenin atap ótti.

Qasym-Jomart Toqaev: «Keybir shet elderde bolyp jatqan qazirgi óte kýrdeli ahualdy kórip, búl sayasatymyzdyng dúrystyghyna bәrimizding kózimiz jetip otyr, oghan eshqanday kýmәn joq. Zang men tәrtip memlekettik sayasatymyzdyng negizgi qaghidaty retinde qabyldanuy kerek, búl qaghidatty jana Konstitusiyamyzgha mindetti týrde engizu qajet dep sanaymyn. Sebebi búl eshqashan ózektiligin joghaltpaytyn, ómirsheng qaghidat ekeni dausyz. Bas prokuraturanyng osy saladaghy róli asa manyzdy. Prokuratura qyzmetkerining zannyng búzyluyna beytarap, selqos qaraugha qúqyghy joq», - dedi.

Memleket basshysy: «Ár mekeme sifrlyq jýiesin óz betimen damytuda. Búl sharua jýiesiz jýrgizilip jatyr. Birtútas jýie joq. Mysaly, keybir organdar sifrlyq tәsilderdi útymdy qoldanyp júmys isteude. Al keybiri dúrys amal-tәsil taba almay, qyruar qarjy júmsap jýr. Búl, basqa sózben aitqanda, naghyz jymqyru. Sondyqtan qarajatty orynsyz júmsap, jana dýnie jasaudyng qajeti joq. Ýkimetke qoldanystaghy barlyq sifrlyq sheshimderdi saralap, tekserip, olardyng tiyimdiligin arttyrudy tapsyramyn. Kýshtik qúrylymdargha arnalghan týsinikti qúrylymy bar jәne tehnologiyalyq standarttary birkelki birynghay sifrlyq ekojýie jasalugha tiyis», - dedi.

Preziydent azamattardyng derbes derekterin qorghau qajet ekenin aitty.

«Aqparattyq kenistikte azamattardyng derbes derekteri jariyalanyp ketkeni turaly habar jii shyghyp jatady. Derbes derekterdi barynsha qorghau ýshin búl júmyspen jýieli týrde ainalysu kerek», - dedi Toqaev.

Qasym-Jomart Toqaev: «Álemde kiyberqylmys órship barady. Jyl sayyn myndaghan azamatymyz sonyng qúrbany bolyp jatyr. Qazir internettegi alayaqtyq qylmystardyng besten biri ghana ashylady. Búl – óte tómen kórsetkish. Kiyberqylmyspen kýres tәsilderin týbegeyli qayta qarau qajet. Sifrlyq qaterge tótep beru ýshin qúqyq qorghau organdary bir qadam alda jýruge tiyis. Ozyq oilap, artta qalmaudyng amalyn tabu qajet», - dedi.

Qasym-Jomart Toqaev kóshi-qon ýderisterin jappay sifrlandyrudy óte ózekti mәsele retinde atady.

«Kóshi-qon ýderisterin jappay sifrlandyru kerek. Búl – óte ózekti mәsele. Bayaghydan beri talqylap jatyrmyz, dúrys, ong nәtiyje az. Qazir әlemde kýrdeli ahual qalyptasyp otyr. Dýnie jýzinde keng auqymdy kóshi-qon jýrip jatyr desek, qate bolmaydy. Qonys audarghysy keletin sheteldikter ýshin Qazaqstan – basqa elderge ótuge de, túraqtap qalugha da qolayly memleket. Elge kelgen shetel azamattaryn uaqtyly esepke alyp, olardyng jýris-túrysyn baqylaytyn tehnikalyq qúraldardy jetildiru – asa manyzdy mindet. Ýkimetke Últtyq qauipsizdik komiytetimen birlesip, osy júmysty tezdetudi tapsyramyn», - dedi.

Memleket basshysy: «Tehnologiyanyng qarqyndy damuy aqparattyq kenistikting týbegeyli transformasiyasyna jol ashady. Qoghamdy jikke bólip, azamattardy bir-birine qarsy qoyatyn destruktivti aqparat taratugha beyil adamdar da bar. Múnyng bәri óshpendilikke bastaytyn eshkimge qajetsiz, tipti qauipti pikirtalasqa jalghasady. Jasandy intellektini osynday adamdar aqparattyq qarugha ainaldyryp, zangha qayshy keletin kontentterdi kóptep tarata bastaydy. Búghan jol beruge bolmaydy. Onday әreketterge qúqyqtyq bagha berip, jauapkershilikke tartu qajet. Azamattargha destruktivti kontentti taratudyng qúqyqtyq saldary jóninde ýnemi týsindiru júmystaryn jýrgizgen jón», - dedi.

Qasym-Jomart Toqaev: «Últtyq qúryltay otyrysynda men otanshyldyq úghymy turaly pikirimdi aittym. Otanshyldyq, búl jay úran emes, otanshyldyq degenimiz – qasiyetti sezim, múnyng әsireúltshyldyqqa esh qatysy joq. Qazaqstanda biz otanshyldyq úghymyna jauapkershilik jәne jasampazdyq túrghysynan qarauymyz kerek, yaghny otanshyl azamat eng aldymen jauapkershiligi joghary jәne jasampaz azamat bolugha tiyis. Otangha degen sýiispenshilik – sayasy úpay jinau nemese qyzmettik mansap jasau emes, búl – Otanyna jaqsylyq jasau, eline payda әkelu degen sóz», - dedi.

Abai.kz