5 aqpanda Qytay uaqytymen saghat 22:00-de (Astana uaqytymen 19:00) Hunan TV telearnasynda Voice Beyond Horizon halyqaralyq jobasynyng resmy túsaukeseri ótedi. Búl turaly Turizm jәne sport ministrligining baspasóz qyzmeti jazdy. 

Baghdarlama Qazaqstanda 14 aqpanda Qazaqstan últtyq telearnasynan kórsetiledi. Joba әlemge tanymal otandyq әnshi Dimash Qúdaybergenning bastamasymen Hunan Broadcasting System kompaniyasymen birlese jýzege asyryldy. Týsirilim júmystary tolyqtay Qazaqstannyng turistik nysandarynda ótip, alty ónirdi qamtydy: Týrkistan, Manghystau, Almaty jәne Aqmola oblystary, sonday-aq Astana men Almaty qalalary.

Jobagha Qazaqstan, Qytay, Qyrghyzstan, Italiya, Malayziya jәne Serbiya elderinen kelgen talantty oryndaushylar qatysty.

Voice Beyond Horizon jobasy Qazaqstannyng tabighy baylyghy men turistik әleuetin milliardtaghan kórermenge tanystyrady. Kórermender kóne Týrkistandy, Bozjyranyng aibyndy kórinisterin, Kaspiy tenizi jaghalauyn, Qayyndy men Kóbeytúz kólderin, Saty turistik auylyn, Qapshaghay su qoymasyn, sonday-aq Shuchinsk–Burabay kurortty ónirin tamashalaydy.

– Kazakh Tourism ÚK AQ halyqaralyq media-jobalar arqyly Qazaqstannyng turistik әleuetin jýieli týrde damytyp keledi. Biz Euronews Travel, Amazon Prime Video sekildi jetekshi әlemdik platformalarmen jәne telearnalarmen seriktestik ornatyp jatyrmyz. Qazaqstannyng turistik nysandaryn milliardtaghan halyqaralyq auditoriyagha tanytatyn Voice Beyond Horizon jobasy ýshin Dimash Qúdaybergenge alghys bildiremiz, - dedi Kazakh Tourism ÚK AQ Basqarma tóraghasy Talghat Ghazizov.

Ayta keteyik, Hunan TV telearnasynyng auditoriyasy 1,9 milliardtan asady. Joba Mango TV sifrlyq platformasynda da kórsetiledi.

Voice Beyond Horizon halyqaralyq jobasyna Kazakh Tourism ÚK AQ, Turizm jәne sport ministrligi, Mәdeniyet jәne aqparat ministrligi, Astana men Almaty qalalarynyn, sonday-aq Almaty, Aqmola, Týrkistan jәne Manghystau oblystarynyng әkimdikteri qoldau kórsetti. Joba demeushileri – Qarmet, «Qazaqmys», «AltynAlmas» kompaniyalary jәne Núrlan Smaghúlov qory.

Abai.kz