Býgin Parlament palatalarynyng birlesken otyrysynda «Alatau qalasynyng arnauly mәrtebesi turaly» Konstitusiyalyq zanynyng jobasy birinshi oqylymda maqúldandy. 

Memleket basshysynyng 2025 jylghy Joldauyna jәne Alatau qalasyn damytu turaly Jarlyghyna sәikes, Ýkimet Alatau qalasynyng arnauly mәrtebesi turaly Konstitusiyalyq zang jobasyn әzirledi. Búl zang jobasy Memleket basshysy aiqyndaghan tәsilder men qaghidattargha negizdelgen. Onyng negizgi maqsaty — Alatau qalasynyng jedel jәne túraqty damuyna jaghday jasau. 

Premier-ministrding orynbasary Qanat Bozymbaevtyng aituynsha, Alatau qúrylghannan bastap qalanyng әleuetine investorlardyng qyzyghushylyghy joghary bolyp jatyr.

Qazirding ózinde de jalpy qúny 1,8 trln tenge bolatyn alghashqy 44 investisiyalyq joba qalyptastyrylyp jәne 30 myngha juyq jana júmys ornyn ashugha mýmkindik beredi. Búl qalanyng ghylym, turizm, medisina jәne innovasiyalar ortalyghy retinde damytudyng negizin qalaydy.

— Sonymen qatar, qalany infraqúrylymmen qamtudy kezen-kezenimen iske asyru ýshin 2030 jylgha deyingi jospary bekitildi. Algha qoyghan maqsattar iske asqan jaghdayda, halyqaralyq sarapshylardyng boljamy boyynsha 2050 jylgha qaray qalanyng ónirlik jalpy ónimi 50 mlrd AQSh dollaryna deyin jetedi dep kýtilude, — dedi Ýkimet basshysynyng orynbasary.

Konstitusiyalyq zang negizinde Alatauda arnayy qúqyqtyq rejim qalyptasady. Ol kәsipkerlik qyzmetting negizgi baghyttaryn qamtidy.

Nәtiyjesinde, Alatau jana basqaru jәne tehnologiyalyq sheshimderdi engizuge mýmkindik beretin zamanauy retteushi alangha ainalady. Qalada synaqtan ótken tiyimdi tetikter aldaghy uaqytta Qazaqstannyng basqa ónirlerinde de taraluy mýmkin. Halyqaralyq tәjiriybede múnday jobalar «charter cities» dep atalady. Alatau qalasynda tek salyqtyq jenildikter ghana emes, sonymen birge biznesti retteu, investorlardy tartu jәne investisiyalyq daulardy sheshu jýiesin qamtityn tolyq ekojýie qalyptastyru josparlanyp otyr.

— Alataudy basqaru jýiesi — Alatau City Authority strategiyalyq damugha negizdelgen jana memlekettik organ retinde qúrylady. Onyng negizgi baghytyn Premier‑ministr basqaratyn kenes aiqyndaydy. Al әkimshilik júmysty bas atqarushy diyrektor jýzege asyrady. Kenes qaladaghy negizgi strategiyalyq sheshimderdi qabyldaydy jәne әkimshilik aktilerdi bekitedi. Al mәslihat pen әkimdik qalanyng әleumettik, kommunaldyq jәne qoghamdyq mәselelerine jauap beredi, — dedi Premier-ministrding orynbasary.

Alatau City Authority respublikalyq budjettik baghdarlamalardyng derbes әkimshisi bolady.

Onyng budjeti respublikalyq budjet qúramynda bloktyq budjetteu qaghidaty boyynsha qalyptasyp, negizinen infraqúrylymdy damytugha jәne úzaq merzimdi jobalardy qoldaugha baghyttalady. Óz kezeginde jobalardy irikteu men qarjylandyru tәrtibin Kenes bekitetin bolady.

Al qalanyng jergilikti budjeti әleumettik jәne aghymdaghy mindetterdi qarjylandyrugha júmsalady. Alatau ózin-ózi qamtamasyz etkenge deyin qala budjetinen basqa budjetterge qarajat alugha jol berilmeydi.

Múnymen qosa, Alatau qalasynyng jer qatynastary arnayy rejim arqyly retteledi.

Búdan bólek, qala bastapqydan «Digital by default» qaghidatyna negizdelip qúrylady. Barlyq negizgi qyzmet sifrlyq formatta júmys isteydi. Qalada innovasiyalyq tehnologiyalardy engizu ýshin eksperiymentaldy qúqyqtyq rejimder qarastyrylady. Búl baylanys, sifrlyq jeliler, jasandy intellekt, robottyq jýieler jәne avtonomdy kólik siyaqty salalardy qamtidy.

Abai.kz