Ótken aptada Leningrad oblysyndaghy portty qala Usti‑Lugada qazaq jastary men jergilikti kýzet agentigi qyzmetkerleri arasynda jappay tóbeles oryn alghany turaly habar júrtty dýr silkindirdi.

Osyghan baylanysty, Qazaqstannyng Syrtqy ister ministrligi Reseyding Usti-Luga kentindegi jappay tóbeleske qatysty jana mәlimettermen bólisti:

28 nauryzda Sankt-Peterburgtegi konsuldyq qyzmetkerleri sol jaqta júmys isteytin jәne qamaugha alynghan qazaqstandyqtarmen kezdesti. Konsuldyqtyng habarlauynsha, bastapqyda jýzdegen adam qatysqan janjaldan song otyzdan astam adam ústalyp, tekseristen keyin basym bóligi bosatylghan. Alayda, birneshe adamgha, onyng ishinde qazaqstandyqtargha da sot sheshimimen 10 tәulikke әkimshilik qamau jazasy kesilgen. Taghy ýsh qazaqstandyqqa qatysty tergeu әli jalghasyp jatyr. Vedomstvo zardap shekkender joq ekenin jәne barlyghyna qúqyqtyq kómek kórsetilip jatqanyn atap ótti. 

Suret: vedomosti.ru saytynan alyndy.

Oqighadan keyin, vahtalyq kentte júmysshylar, Resey polisiyasy, júmys berushi jәne kýzet agenttigi bas qosyp, jaghdaydy talqylaghan. Resey memlekettik dumasynyng deputaty Adam Delimhanov búl kezdesuge sheshen ókilderining de qatysyp, Qazaqstan konsulymen ortaq mәmilege kelgenin mәlimdedi.

Ol búl qaqtyghystyng eshqanday últtyq nemese diny astary joq ekenin, onyng jay ghana túrmystyq kiykiljing ekenin qadap aitty. Sonday-aq Delimhanov qazaqtardy bauyrlas halyq dep atap, múnday túrmystyq daulardyng últaralyq qaqtyghysqa úlasuyna qatang týrde jol bermeytinin eskertti.

Biraq, búghan deyin jelide kýzetshilerding júmysshylardy kýshpen әketip jatqany jәne halyq ortasyna kólik basyp kirgeni beynelengen kadrlar taraghan bolatyn Al, qaqtyghys qazaqstandyq júmysshylar men jergilikti kýzetshiler arasyndaghy daudan bastalghany habarlanghan.

Suret: qaz.ulysmedia.kz saytynan alyndy.

Osy janjaldan keyin, qazaqstandyqtarda elimizding Syrtqy Ister ministrligine, Qazaqstannyng Reseydegi Elshiligining basshysy, Bas elshi Dәuren Abaevqa ondaghan súraqtar qoyghysy keledi, mәselen, kýni keshe jelilerde mynaday habar tarady. Germaniya DW aqparat agenttigi:

«Leningrad oblysyndaghy Usti-Luga porty jeksenbige qaraghan týni, 29 nauryzda, Ukrainagha tiyesili úshqyshsyz apparattardyng kezekti soqqysyna úshyrady. Ónir gubernatory Aleksandr Drozdenko portta órt shyghyp, zaqym kelgenin habarlady, biraq olardyng naqty sipatyn naqtylaghan joq, sonday-aq zardap shekkender joq ekenin qosty.

Songhy bir apta ishinde Baltyq tenizindegi Primorsk porty men Usti-Luga porty birneshe ret dron shabuylyna úshyrady. 22 nauryzda eki port ta múnay men múnay ónimderin tieudi toqtatty, 23 nauryzda Primorsk portynda birneshe janarmay rezervuary órtendi, al 25 nauryzda Usti-Luga portynda órt shyqty.

25 nauryzdaghy shabuyldyng saldarynan Novatek kompaniyasy Usti-Lugadaghy kesheninde túraqty gaz kondensatyn óndeudi jәne nafta eksportyn toqtatty. Reuters agenttigining derekkózderine sýiensek, soqqy múnay ónimderin sisternalardan týsiruge arnalghan temirjol estakadasyn zaqymdaghan, sodan keyin «Usti-Luga Oil» terminaly janarmay qabyldaudy toqtatqan», - dep jazdy.

Mine, osy derekterden biz Resey territoriyasyna Ukrainadan jasalyp jatqan әue shabuyldary Usti‑Luga portyn da qamtyghanyn kóremiz.

Endeshe:

1. Soghys órti sharpyghan aimaqtan qazaqstandyqtardy alyp ketu ýshin Reseydegi Qazaqstan elshiligi qanday sharalar jasap jatyr?

2. Osy mәsele turaly bizding «reseyshil elshimiz» Dәuren Abaev nege ózi tikeley efirge shyghudan, naqty josparymen tanystyrudan tys qaluda?

3. Qazaq jastaryn Reseyding qauipti soghys aimaghyna júmysqa tartu isin kimder jýrgizgen? Ony elimizding Qauipsizdik organdary baqylaugha aldy ma?

4. Elimizde Bangladesh, Pәkistan, Ýndistan, Afrika elderinen, tipten, Qytaydan, Reseyden (kórshi Ózbekstan men Tәjikstandy, Qyrghyzstandy aitpaghannyng ózinde), myndaghan migranttar kelip, júmys istep jatyr. Bizding biylik ony ekonomikanyng qarqyndy damy bastauymen baylanysty dep, olargha qanshama kvota berilgenin jariya etude...

5. Biraq, soghan qaramastan, myndaghyn qazaqstandyqtar Reseyge, Europagha, Ontýstik Koreyagha júmysqa aghylyp ketip jatyr... Mine, osy mәsele bizdi qatty oilandyrady: Ne sebepten, qazaq jastary shet elderge, sonyng ishinde soghysyp jatqan Reseyge júmysqa ketude? Osy mәseleni Reseydegi elshilik jan‑jaqty talqylap, Qazaqstandy aldyn‑ala habardar etip otyrugha mindetti emes pe? Biraq, onday belsendilik bayqalmaydy...

Ótken jyly Reseyge barghan qazaqstandyq jigitti Resey polisiyasy ústap alyp, «narkotiyk» degen syltaumen, Ukrainagha soghysqa barugha qinaghany turaly derek shyqqan bolatyn. Qazir ol jigitting taghdyry belgisiz, biraq, Qazaqstanda ótken jyldan beri 700 Qazaqstan azamatyna Ukrainadaghy soghysqa qatysqany ýshin is qozghalyp, sotqa tartylghany belgili.

Mine, osy jaghdayda bizding jastar, qoldaudy eng aldymen Reseydegi Qazaqstan Elshiliginen tabuy kerek qoy? Jastardy mýmkin bolar qauip‑qaterden saqtandyryp, eskertip otyru solardyng tikeley mindeti.

Ókinishke oray, Elshilik «óz kýnin ózi kórip jatqan» avtonomdy bir mekemege ainalyp ketkendey...

Abai.kz