QR Oqu-aghartu ministrining biylghy 15 sәuirdegi búiryghymen salalyq «pooshreniya» (kótermeleu) jýiesine eleuli ózgerister engizildi. Búl janashyldyqtardyng basty maqsaty – marapattau prosesin tolyq sifrlandyru jәne ashyqtyqty qamtamasyz etu. Endi ústazdardy úlyqtau isi «Marapat» moduli arqyly jýzege aspaq. Saraptap kóreyik.

Sifrly «Marapat»: Qaghazbastylyqtan arylu ma?

Jana erejege sәikes, búdan bylay vedomstvolyq marapattargha qújat qabyldau merzimi men kvota mólsheri Últtyq bilim beru derekter qorynyng (ÚBDQ) «Marapat» moduli arqyly habarlanady. Ministrlikting kadr qyzmeti tiyisti habarlamany merekelik datagha deyin keminde 70 kýntizbelik kýn qalghanda joldauy tiyis.

Búl qadam marapattau prosesining «jabyq esik jaghdayynda» ótuine tosqauyl qoymaq. Endi әrbir bilim beru úiymy – meyli ol memlekettik bolsyn, meyli jekemenshik bolsyn – layyqty kadrlaryn jýie arqyly tikeley úsyna alady.

Ótinim beru kestesi: Naqtylyq pen merzim

Marapattau prosesi birneshe kezennen túrady jәne әr dengeyding óz jauapkershiligi men merzimi bekitilgen:

Bilim beru úiymdary: Merekege 50 kýn qalghanda audandyq/qalalyq bilim bólimderine úsynys pen marapattau paraghyn joldaydy.

Audandyq/qalalyq dengey: Ýzdik pedagogter men sala ýzdikterining tizimin jasaqtap, kvotagha say oblystyq basqarmagha merekege 40 kýn qalghanda ótkizedi.

Oblystyq/respublikalyq manyzy bar qalalar: Reytingi joghary pedagogter tizimin bekitip, Ministrlikke merekege 30 kýn qalghanda joldaydy.

Manyzdy: Eger ÚBDQ jýiesinde tehnikalyq aqau oryn alsa nemese internet baylanysy bolmasa, qújattardy elektrondy qújat ainalymy (e-Ozed) arqyly joldaugha rúqsat berilgen.

Reyting – negizgi ólshem

Tek qújat ótkizu jetkiliksiz. Jana ózgerister ayasynda pedagogter men bilim beru úiymdary basshylarynyng qyzmet tiyimdiligin baghalaytyn reyting әdistemesi de qayta qaraldy. Búl degenimiz, marapat «kezekpen» emes, naqty kórsetkishter men jetistikter negizinde beriletin bolady. Eng joghary ball jinaghan ústazdardyng tizimi avtomatty týrde irikteuden ótedi.

Týiin. Búl ózgeristerding kýshine enu merzimi – 2026 jyldyng 12 shildesi. Demek, kelesi oqu jylynan bastap múghalimderdi kәsiby merekelerimen qúttyqtau jana formatta ótedi. Sarapshylardyng pikirinshe, «Marapat» moduli sybaylas jemqorlyq tәuekelderin azaytyp, enbegi elenbegen naghyz maytalman mamandardyng kózge týsuine mýmkindik beredi.

Abai.kz