Jarma aspanynda әn qalyqtap, birtuar әnshi temir túlpar mindi: Dәulet Túrlyhanov Roza Rymbaevagha qúrmet kórsetti.

Abay oblysy, Jarma audanynyng ortalyghy Qalbatau auylynda Mәjilis deputaty Dәulet Túrlyhanovtyng bastamasymen úiymdastyrylghan gala-konsert halyqtyng esinde úzaq saqtalatyn bolady. Atalghan  gala-konsertte qazaq estradasynyng jaryq júldyzdary óner kórsetip, kesh sonynda Roza Rymbaevagha baghaly syilyq tabys etildi.

Endi osy aituly mәdeny sharagha egjey-tegjey toqtalatyn bolsaq. Keshki uaqytta auyldyng ortalyq alanyna jinalghan halyqtyng qarasy qalyng boldy. Ashyq aspan astynda ótken konserttik baghdarlama jarmalyqtargha naghyz merekelik kónil-kýy syilady. Sahna tórinde Qazaqstannyng Halyq әrtisi Roza Rymbaeva, tanymal әnshiler Ály Oqapov, Mәdy Rymbaev, Medeu Arynbaev jәne jastardyng sýiikti oryndaushysy Kalifarniya syndy óner maytalmandary әuelete әn shyrqady.

Ásirese, Roza Rymbaevanyng sahnagha shyghuy keshting eng jarqyn sәtine ainaldy desek artyq aitpaymyz. Kórermender sýiikti әnshisin erekshe yqylaspen qarsy alyp, onyng әlemge tanymal әnderin býkil auyl bolyp birge shyrqady.

Ónerge kórsetilgen taghzym

Atalghan óner keshi – QR Parlamenti Mәjilisining deputaty Dәulet Túrlyhanovtyng qazaq ónerining primadonnasyna kórsetken qúrmetimen erekshelendi. Ol sahna tórinde Roza Quanyshqyzynyng últtyq mәdeniyetke qosqan ólsheusiz ýlesin atap ótip, halyq әrtisine temir túlpar mingizdi.

"Búl – tek baghaly syilyq emes, búl halyqtyng atynan, jerlesterimizding atynan óner iyesine degen shynayy rizashylyq pen qúrmetting belgisi," – dedi deputat óz sózinde.

Ayta keteyik, búl shara tek konsert qana emes, auyl túrghyndarynyng basyn qosqan, ruhany mәdeniyetti dәriptegen manyzdy oqigha boldy. Jarmalyqtar múnday dengeydegi sharany úiymdastyrghan azamattargha óz alghystary men aq tilekterin jaudyrdy.

Abai.kz