Qazaqstan Respublikasy Ishki ister ministrligi óskeleng úrpaqty patriottyq ruhta tәrbiyeleuge, olardyng qúqyqtyq mәdeniyetin qalyptastyrugha, azamattyq jauapkershiligin arttyrugha jәne zangha qúrmet sezimin nyghaytugha baghyttalghan "Jas saqshy" polisiya synyptaryn damytu boyynsha jýieli júmysty jalghastyruda, - dep habarlaydy Polisia.kz.

Býginde elimiz boyynsha 267 "Jas saqshy" synyby bar. Onda bes mynnan astam oqushy bilim alady. Búl joba qoghamdyq qauipsizdik mәselesine nazar audaryp, elge qyzmet etuge jәne qúqyq qorghau salasyna qyzyghushylyq tanytatyn belsendi jastardy bir ortada biriktiredi.

Polisiya synyptaryndaghy oqu ýderisi oqushylardyng kóshbasshylyq qasiyetterin, tәrtibin, memlekettik rәmizder men últtyq qúndylyqtargha degen qúrmetin damytugha yqpal etip, el bolashaghyna jauapkershilikpen qaraugha ýiretedi. Qúqyq búzushylyqtardyng aldyn alugha, zangha baghynatyn minez-qúlyqty tәrbiyeleuge jәne jastar arasynda poliysey mamandyghyn nasihattaugha erekshe nazar audarylady.

2025-2026 oqu jylynda jalpy sany 52 oqushydan túratyn ýsh "Jas saqshy" synybynyng týlekteri mektep bitirdi. Olar endi Ishki ister ministrligining vedomstvolyq joghary oqu oryndarynda bilim alugha niyetti. Búl joba ishki ister organdary ýshin kadrlyq rezerv qalyptastyruda ózining joghary tiyimdiligin kórsetip otyr.

Ónirlerde polisiya synyptarynyng alghashqy týlekterining mekteppen qoshtasu rәsimderi ótti. Almaty qalasynda polisiya departamentining bastyghy Aydyn Qabdúldinov "Jas saqshy" synyptarynyng týlekterine sertifikattardy saltanatty týrde tabystap, olardyng patriotizm men qúqyqtyq mәdeniyetti nyghaytugha qosqan ýlesin erekshe atap ótti.

Aqtóbe oblysynda polisiya departamentining bastyghy Qayyrken Áliyev te beyindik synyp týlekterine sertifikattar tabystap, jastardy azamattyq jauapkershilik jәne qoghamgha qyzmet etu ruhynda tәrbiyeleuding manyzdylyghyna toqtaldy.

"Jas saqshy" polisiya synyptaryn damytu Ishki ister ministrligining jastardy patriotizm, zang jәne qúqyqtyq tәrtipti qúrmetteu ruhynda tәrbiyeleuge baghyttalghan manyzdy júmystarynyng biri bolyp qala beredi.

Abai.kz