Resey ýkimetinen Qazaqstangha otyn satyp alu nemese ony gumanitarlyq kómek retinde jetkizu jóninde resmy ótinish әzirge týsken joq. Búl turaly Qazaqstan Respublikasy Energetika ministrligining baspasóz qyzmeti mәlim etti, dep habarlaydy Qaz365.kz.

Vedomstvo taratqan habarlamada múnday súranys týsken jaghdayda, elimiz ózara tiyimdi kommersiyalyq sharttar negizinde janar-jagharmay materialdaryn jetkizu mýmkindigin qarastyrugha dayyn ekeni atap ótilgen.

Ministrlikting týsindiruinshe, eksporttyq tasymaldar tek ishki naryqta tapshylyq tuyndamaghan jaghdayda ghana jýzege asyryluy mýmkin. Memleket ýshin negizgi basymdyq – otandyq tútynushylardy ýzdiksiz qamtamasyz etu bolyp qala beredi.

“Qazaqstannyng ishki naryghyn tolyq әri ýzdiksiz qamtamasyz etu – sózsiz basymdyq bolyp qala beredi. Eksporttyq jetkizilimder azamattar men el ekonomikasynyng qajettilikterin qamtamasyz etuge qauip tónbegen jaghdayda ghana jýzege asyryluy mýmkin”, – dep jazylghan Energetika ministrligining habarlamasynda.

Búghan deyin Reuters halyqaralyq aqparat agenttigi saladaghy jeke derekkózderine sýienip, Qazaqstan shilde-tamyz ailarynda Reseyge 50 myng tonna benzindi gumanitarlyq kómek retinde jetkizuge kelisti dep habarlaghan edi. Agenttik dereginshe, AIY-95 jәne AIY-92 markaly benzin kólemderi Batys Qazaqstan oblysyndaghy "Kondensat" zauytynan jәne Pavlodar múnay-himiya zauytynan jóneltilui tiyis bolatyn.

Degenmen, Energetika ministrligi Reseyding "Tatnefti" múnay kompaniyasy jetkizetin shiykizatty (naftany) óndeytin Batys Qazaqstan oblysyndaghy "Kondensat" zauyty arqyly janarmay jóneltu mýmkindigin tolyq joqqa shygharmady.

""Kondensat" JShS óndiretin avtokólik benziynin jaqyn arada Reseyge jetkizu mýmkindigi Qazaqstannyng ishki naryghyndaghy múnay ónimderining jetkiliktilik dengeyine baylanysty bolmaq. Múnday jetkizilim jýzege asyrylsa, avtokólik benziyni Reseyding "Tatnefti" kompaniyasy beretin shiykizattan óndiriledi", – delingen agenttik súranysyna berilgen resmy jauapta.

Abai.kz