Jetisu óniri qúrylghaly beri turizm salasyn, sonyng ishinde Alakól jaghajayyn damytu baghytynda auqymdy әri jýieli sharalar qolgha alynuda. Oblys әkimdigining baspasóz qyzmeti mәlim etkendey, Memleket basshysynyng tapsyrmasyna say, aumaqtyng sanitarlyq talaptargha say boluyna erekshe kónil bólinip otyr.

Atap aitsaq, Aqshy men Kóktúma auyldarynyng kól jaghasyn údayy retke keltirip otyratyn «Alakól Tazalyq» kommunaldyq mekemesi qúrylghan. Búl úiymda eluge juyq maman enbek etip, jiyrmadan astam tehnika tazalyq júmystaryna júmyldyrylghan. Qazirgi tanda jaghajay aumaghynda jeti jýz jiyrma qoqys konteyneri, qyryq tórt kiyim auystyratyn oryn, jiyrma tórt modulidik jәne qyryq bes biodәrethana ornatylghan.

Su aidynyndaghy qauipsizdik mәselesi de basty nazarda. Byltyr Jetisu oblysynda shaghyn jýzu qúraldarynyng qatynasyn retteytin, su paydalanu men qauipsizdik erejeleri bekitildi. Onda barlyq talaptar men olardy búzghan jaghdaydaghy jauapkershilik týrleri jan-jaqty kórsetilgen.

Demalushylardyng tynyshtyghy men qauipsizdigi ýshin jaghalauda tәulik boyy kýzet qyzmeti úiymdastyrylghan. Búl iske on tórt qútqarushy men on bir motorly qayyq tartylghan. Sonday-aq, biylghy shomylu mausymynda qoghamdyq tәrtipti qadaghalaugha elu polisiya qyzmetkeri, on alty arnayy kólik jәne bes dron júmyldyryldy. Odan bólek, jaghalau boyyna qyryq qútqaru múnarasy túrghyzylyp, on ýsh shaqyrymgha buy syzyqtary tartyldy, otyz toghyz beynebaqylau kamerasy men jeti pirs paydalanugha berildi.

Mamandar kýn sayyn jaghajay men suda túraqty týrde reyd jýrgizip túrady. Beynebaqylau kameralary polisiyanyng Jedel basqaru ortalyghyna tikeley qosylghan. Búl jýie qoqys tastau, rúqsat etilmegen jerge kólik qoi sekildi qúqyq búzushylyqtardy der kezinde anyqtap, zangha sәikes shara qoldanugha mýmkindik beredi.

Óz kezeginde turister jaghalaudaghy ong ózgeristerge joghary bagha berip jatyr. Demalushylar tazalyqtyng joghary dengeyde ekenin, qajetti gigiyenalyq qúraldardyng qarastyrylghanyn jәne jayly jaghday jasalghanyn rizashylyqpen jetkizude.

Eske sala ketsek, songhy ýsh jylda Alakólde injenerlik-kóliktik infraqúrylymdy damytu boyynsha irgeli jobalar jýzege asyryldy. Joldar jóndelip, Ýsharal әuejayy janartyldy, temir jol jәne әue qatynastary jolgha qoyyldy. Sonday-aq, elu jeti shaqyrym elektr jelisi tartylyp, eki qosalqy stansa iske qosyldy. Qazirgi tanda tәuligine alty jarym myng tekshe metr su tazartatyn kәriz jýiesining ekinshi kezegi salynuda. Oghan qosa, on tórt shaqyrymgha juyq aumaqty qamtityn jaghalaudy bekitu jobasy jýrgizilude, ol kelesi jazda ayaqtalmaq.

Abai.kz