Qazaqstannyng syrtqy ister ministrligi Reseydegi múnay óndeu infraqúrylymy nysandaryna Qazaqstannan drondar úshyrylghan degen habarlardy "negizsiz jalghan aqparat" dep atady. Múny ministrlikting redaksiya saualyna bergen jauabyna sýienip Tengrinews.kz sayty jazdy.

"Qazaqstan Respublikasynyng syrtqy ister ministrligi búl aiyptaulardyng shyndyqqa janaspaytynyn jәne olardy rastaytyn eshqanday derekter nemese faktiler joghyn jauapkershilikpen mәlimdeydi. Biz múnday jariyalanymdardy keshendi strategiyalyq seriktestik pen odaq ruhynda tabysty damyp kele jatqan Qazaqstan-Resey qarym-qatynastarynyng dәstýrli dostyq sipatyn búrmalaudy kózdegen negizsiz jalghan aqparat dep sanaymyz", — degen ministrlikting jauabyn keltirgen basylym.

Búghan qosa syrtqy ister mekemesi Qazaqstan tengerimdi jәne jauapty syrtqy sayasat jýrgizetinin, halyqaralyq mindettemelerin saqtaytynyn jәne ózge memleketterding ishki isterine aralaspaytynyn atap kórsetken.

"Qazaqstan Respublikasy óz aumaghyn, әue kenistigin jәne infraqúrylymyn basqa memleketterge qarsy baghyttalghan is-әreketterdi jýzege asyru ýshin paydalanugha bolmaydy degen ústanymda", — dep jazghan ministrlik.

Osy aptanyng basynda Reseyding Qazaqstanmen shektesetin Omby oblysynda bolghan dron shabuyldarynan keyin Resey basylymdarynda búl shabuyldargha Qazaqstannyng qatysy jayly dolbarlar taraghan edi. Onday habarlamalardyng avtorlary dron shabuylyna úshyraghan aimaqtyng geografiyalyq jaghynan Qazaqstangha jaqyn ornalasqanyn óz dolbaryna negiz retinde keltirgen.

6 shilde kýni әueden jasalghan shabuyldar saldarynan Reseydegi múnay óndeytin eng iri kәsiporyn – Omby zauyty zaqymdalyp, júmysyn toqtatugha mәjbýr boldy. Reuters agenttiginin dereginshe, zauyttaghy eki bastapqy múnay óndeu qondyrghysy isten shyqqan.

Omby múnay óndeu zauyty benzin men diyzeli otynyn Sankt-Peterburg tauar birjasy arqyly kóterme sauda alanynda satudy toqtatty.

Abai.kz