Qasym-Jomart Toqaev Shanhayda QHR-dyng joghary tehnologiyalyq kompaniyalarynyng basshylarymen dóngelek ýstel ótkizdi. Memleket basshysy Qazaqstan men Qytaydyng qazaq-qytay qarym-qatynastarynyng jana «altyn otyz jyldyghyna» qadam basqanyn, al ekijaqty yntymaqtastyqtyng sapalyq túrghydan mýldem jana dengeyge kóterilgenin atap ótti.

Preziydent Qytaydyng Qazaqstan ekonomikasyna $30 milliardtan astam investisiya salghanyn, al ótken jyldyng qorytyndysy boyynsha ózara sauda-sattyq kólemi rekordtyq $49 milliardqa jetkenin erekshe atap ótti. Elimizde qytay kapitalynyng qatysuymen 8,5 mynnan astam kәsiporyn tabysty júmys istep jatyr, sonday-aq gaz-himiya, óndeu, toqyma jәne avtomobili ónerkәsibi salalarynda birlesken jobalar jýzege asyryluda.

Memleket basshysy Qazaqstannyng sifrlyq transformasiyasynyng basymdyqtaryn tanystyryp, jasandy intellektini damytugha jәne Qazaqstan men býkil Ortalyq Aziyanyng sifrlyq infraqúrylymynyng negizgi tiregine ainaluy tiyis Ekibastúzdaghy Data Center Valley jobasyna erekshe nazar audardy.

Elimizding kólik-logistikalyq әleuetin damytugha erekshe ekpin berildi. Preziydentting aituynsha, Qytay men Europa arasyndaghy temirjol tasymalynyng shamamen 85%-y Qazaqstan arqyly jýzege asyrylady. Euraziyanyng birynghay sifrlyq kólik kenistigin qalyptastyru ýshin Qazaqstan kedendik, logistikalyq jәne kommersiyalyq qyzmetterdi birynghay sifrlyq ortagha biriktiretin Smart Cargo platformasyn damytuda.

Sonymen qatar Preziydent asa manyzdy miyneraldar salasyndaghy yntymaqtastyq perspektivalaryn, jasandy intellekt pen sifrlyq tehnologiyalardy qoldana otyryp agroónerkәsiptik keshendi damytudy, sonday-aq Euraziyadaghy talanttardyn, tehnologiyalar men investisiyalardyng jana ortalyghy retinde Alatau qalasyn Digital by Default qaghidaty boyynsha qúrudy belgilep berdi.

Jiyn sonynda Qasym-Jomart Toqaev Qazaqstannyng qytaylyq investorlar ýshin qolayly jaghday jasaugha dayyn ekenin rastap, elimizding tek kapital tartudy ghana emes, sonymen qatar tehnologiyalardy birlesip әzirleudi, ghylymiy-zertteu ortalyqtaryn, jana óndiristik tizbekterdi qúrudy jәne bilim ekonomikasyn damytudy maqsat etetinin atap ótti.

Abai.kz