Jetisu oblysynyng ortalyghy – Taldyqorghanda qalanyng syrtqy kelbetin jәne kóshelerding estetikalyq kórinisin jaqsartu baghytyndaghy jobalar jýzege asyryluda. Atap aitqanda, biyl Jansýgirov kóshesi boyyndaghy 24 kóp qabatty túrghyn ýiding qasbetin jәne 33 túrghyn ýiding shatyryn jóndeu josparlanghan. Abattandyru júmystarynyng barysymen júmys sapary ayasynda Jetisu oblysynyng әkimi Beybit Isabaev tanysty, - dep habarlaydy Jetisu oblysy әkimining baspasóz qyzmeti.

Songhy jyldary ónir basshysynyng tapsyrmasyna sәikes Taldyqorghan qalasyndaghy túrghyn ýy qorynyng syrtqy kelbetin jaqsartugha baghyttalghan jýieli júmystar jýrgizilude. Eng aldymen búl qalanyng eski shaghyn audandaryn qamtydy. Atap ótsek, oblys qúrylghannan beri 80 kóp qabatty túrghyn ýiding shatyry jәne 30 túrghyn ýiding qasbeti janartyldy. Sonymen qatar qalanyng ortalyq kósheleri, onyng ishinde Jansýgirov kóshesi de qayta janghyrtudan ótti.

Jansýgirov kóshesindegi túrghyn ýilerdi aralau barysynda Beybit Isabaev jýrgizilip jatqan júmystardyng sapasy men belgilengen merzimde ayaqtaluyna erekshe nazar audardy. Merdiger úiymnyng atqarushy diyrektory Qayrat Imanghabylovtyng aituynsha, kompaniya alty kóp qabatty túrghyn ýiding qasbetin jóndeudi jýzege asyruda. Qazirgi tanda nysandarda josparlanghan júmystardyng 40–60% oryndalghan. Al túrghyn ýilerding shatyrlaryn janartumen ainalysyp jatqan merdiger úiymnyng ókili Saqtasyn Nókerbekov osy kóshedegi tórt túrghyn ýiding shatyryn jóndeu júmystarynyng barysy turaly bayandady.

Sonymen qatar oblys әkimi qayta janghyrtylyp jatqan túrghyn ýilerding birinshi qabatynda ornalasqan kәsipkerlik nysandarynyng iyeleri óz nysandaryn birynghay dizayn-kod talaptaryna sәikes rәsimdeui qajet ekenin atap ótti. Osyghan baylanysty Taldyqorghan qalasy әkimdigi tarapynan kәsipkerler arasynda tiyisti týsindiru júmystary jýrgizilude.

Nysandardy aralau barysynda Jansýgirov kóshesindegi №80/84 ýiding túrghyndary oblys әkimine jolyqty.

- Ýiimizge 55 jyl ishinde alghash ret osynday auqymdy jóndeu jýrgizilip jatyr. Brigada óz júmysyn sapaly atqaryp jatqanyn kórip otyrmyz,  qúrylys materialdary da uaqytyly jetkizilude. Bizding mәselemizge kónil bólip, qoldau kórsetkenderiniz ýshin alghysymyzdy bildiremiz, – dedi osy ýiding túrghyny Vladimir Borisov. Atap ótsek, búl túrghyn ýige jóndeu jýrgizu qjettiligi turaly mәsele búghan deyin oblys әkimining halyqpen kezdesuinde kóterilgen bolatyn.

Sonday-aq Beybit Isabaev Jansýgirov kóshesindegi magistraldy jylu jelilerin qayta janghyrtu júmystarynyng barysyn da tekserdi. Ónir basshysy qúbyr tartu júmystarynyng qarqynyn baghalap, jol jabyndysyn qalpyna keltiru merzimine erekshe nazar audardy.

Joba ayasynda jalpy úzyndyghy 3,5 shaqyrym bolatyn magistraldy jylu jelilerin auystyru kózdelgen. Qayta janghyrtu júmystary eki kezenge bólingen. Birinshi kezende Gagarin kóshesinen Shevchenko kóshesine deyingi uchaskede qúbyrlardy tóseu júmystary tolyq ayaqtaldy. Al ekinshi kezeng Shevchenko kóshesinen №3 sorghy stansiyasyna deyingi aralyqty qamtidy. Qúbyrlar tóseu jәne gidravlikalyq synaqtar ayaqtalghannan keyin joldyng asfalit jabyny tolyq qalpyna keltiriledi. Jylytu mausymy bastalghangha deyin nysan tolyq paydalanugha berilui tiyis.

Oblys әkimi qazirgi tanda qalada jylumen jabdyqtau jýiesin kezen-kezenimen tabighy gazgha kóshiru júmystary jýrgizilip jatqanyn atap ótti. Osy maqsatta bolashaqta negizgi jýktemeni kóteretin gaz turbinaly stansiya salynyp jatyr. Sonymen qatar «Basquat» kómir qazandyghy rezervtik jylu kózi retinde saqtalady. Qabyldanyp jatqan búl sharalar ónirdegi ekologiyalyq ahualdy jaqsartugha da ong әserin tiygizedi.

- Býgingi kýni atqarylyp jatqan júmystar ayaqtalghannan keyin Jansýgirov kóshesi zaman talabyna say jana kelbetke ie bolady. Jylu jelilerin janghyrtumen qatar kóp qabatty túrghyn ýilerding qasbetteri men shatyrlaryn jóndep jatyrmyz. Odan keyin jol jabyny tolyq qalpyna keltiriledi. Osylaysha, jýieli qarastyrudyng arqasynda biyl Jansýgirov kóshesine qatysty barlyq júmystardy ayaqtaymyz. Al kelesi jyly búl júmystar qalanyng basqa da bólikterinde jalghasady, – dedi Beybit Isabaev.

Búl rette Jetisu oblysy «Energetika jәne kommunaldyq sektordy janghyrtu» últtyq jobasyn iske asyru, sonyng ishinde 2026–2027 jyldargha arnalghan jobalar pulyn qalyptastyru boyynsha kóshbasshy ónirlerding qatarynda ekenin atap ótuge bolady. Jalpy alghanda, aldaghy eki jylda ónirde últtyq jobany jýzege asyrugha shamamen 79 mlrd tenge investisiya tartu josparlanghan. Osy qarajat esebinen eki jyl ishinde 1 156,2 shaqyrym injenerlik jeli jóndelip, janghyrtylady, sonday-aq 83,6 myng esepke alu qúraly ornatylady. Sonyng nәtiyjesinde ónirdegi injenerlik infraqúrylymnyng ortasha tozu dengeyi 19 % tómendeydi dep kýtilude.

Abai.kz