Ukrainada «el ýzdik qorghanys ministrinen aiyrylyp, yqtimal preziydenttik ýmitkerge ie boldy» degen sayasy bagha taray bastady. Mihail Fedorovtyng qyzmetten ketkennen keyingi brifingi ony tehnologiyalyq menedjerden derbes sayasy túlgha dengeyine kótergeni anyq.

Fedorov jurnalister aldyna ókpege erik bergen sheneunik keypinde shyqqan joq. Ol preziydent Volodimir Zelenskiyge shabuyl jasamay, әngimeni ózining qyzmetinen armiyadaghy reformanyng taghdyryna búrdy. Negizgi teziysi de týsinikti. Bastalghan ózgeris toqtasa, onyng qúnyn maydandaghy ukrain sarbazdary tóleydi.

35 jastaghy Fedorov Qorghanys ministrligin nebәri alty ay basqardy. Soghan qaramastan brifingke kәsiby әzirlengen prezentasiyamen shyghyp, atqarghan júmysyn, sheshilmegen týiindi jәne ayaqtaugha ýlgermegen reformasyn ret-retimen bayandady. Ukraina Qorghanys ministrligi onyng kezenindegi 22 negizgi nәtiyjeni jeke jariyalady.

Resmy tizimde Resey әskerining Starlink jýiesine qoljetimdiligin shekteu, tórt aida aldynghy bir jyldaghydan da kóp dron satyp alu, әskery satyp aludy qayta qúru, dron bólimderin túraqty qarjylandyru jәne qorghanys salasyna jasandy intellekt engizu atalady.

Áue nysandaryn ústap qalu kórsetkishi de artqany mәlimdeldi. Atalghan nәtiyjening bir bóligi Ukraina tarapy úsynghan derekke negizdelgenimen, Fedorovtyng tehnologiyalyq soghys arhiytektory retindegi bedelin kýsheytti.

Eng ótkir bólik Qaruly kýshterding bas qolbasshysy Aleksandr Syrskiyge arnaldy. Fedorov onyng bastamalardy bógep, reformany ishten әlsiretkenin jәne armiyada jauapkershiligi tómen basqaru mәdeniyetin qalyptastyrghanyn aitty.

Osy jerde Fedorov ózin tek myqty tehnokrat retinde emes, dayyn sayasy oiynshy retinde kórsetti. Ol Syrskiyding búrynghy әskery enbegin joqqa shygharmady, biraq dron dәuirinde soghystyng sipaty týbegeyli ózgergenin algha tartty. Sóitip, tartysty jeke ókpe dengeyinen eski әskery mektep pen jana tehnologiyalyq doktrina arasyndaghy iydeologiyalyq qaqtyghysqa ainaldyrdy.

Ol aldaghy uaqytta biylik komandasynda qyzmet atqarugha kelisui mýmkin. Reformany jalghastyru ýshin Syrskiymen de júmys isteuge dayyn ekenin anghartty. Degenmen sayasy kenistikte Fedorov pen Zelenskiyding mýddesi endi tolyq qabysa bermeui yqtimal.

Zelenskiy kadrlyq sheshim arqyly әskery basqarudaghy daudy toqtatqysy kelgen boluy mýmkin. Is jýzinde jabyq apparattyq tartysty býkil el kóretin sayasy sahnagha shygharyp aldy. Qyzmetten bosatylghan ministr bir kýnning ishinde reformasyn qorghaytyn, qoldaushy auditoriyasy jәne dayyn sayasy beynesi bar derbes figuragha ainaldy.

Fedorov preziydenttik saylaugha erteng týseyin dep túrghan joq. Onyng jasy nebәri 35-te, aldynda uaqyt bar. Alayda Ukraina sayasatyndaghy yqpaldy esimder qataryna Zelenskiy, Zalujnyy jәne Budanovpen birge Fedorovtyng da qosylghany anyq bayqaldy.

Núrlan Júmaqan

Abai.kz