Býgin Ortalyq saylau komissiyasy 9 shet memleketten jәne 4 halyqaralyq úiymnan 155 halyqaralyq bayqaushyny akkredittedi, dep habarlaydy.

Komissiya otyrysynda sóz sóilegen OSK tóraghasynyng orynbasary Múhtar Erman Europa elderi men TMD memleketterining halyqaralyq bayqaushylary Qazaqstanda ótetin saylau nauqanyna erekshe qyzyghushylyq tanytyp otyrghanyn aitty.

– 2026 jylghy 3 tamyzdaghy jaghday boyynsha Qazaqstan Respublikasy Syrtqy ister ministrligi Ortalyq saylau komissiyasyna 9 shet memleketten jәne 4 halyqaralyq úiymnan 155 halyqaralyq bayqaushynyng kandidaturasyn akkreditteuge úsyndy. Olardyng ishinde EQYÚ Parlamenttik Assambleyasynan – 86 bayqaushy, TMD Bayqaushylar missiyasynan – 22, TMD PAA-dan – 23, ÚQShÚ PA-dan – 6 bayqaushy bar. Shet memleketterden: Resey Federasiyasynan – 3 bayqaushy, Ázerbayjan Respublikasynan, Armeniya Respublikasynan, Iordaniya Hashimit Korolidiginen, Qyrghyz Respublikasynan, Moldova Respublikasynan, Miyanma Odaghy Respublikasynan jәne Rumyniyadan – әrqaysysynan 2 bayqaushy, Ukrainadan – 1 kandidatura úsynyldy, – deydi Múhtar Erman.

Eske salayyq, atalghan missiyalardyng qúramyna 29 elding atynan 74 deputat kiredi. Olardyng qatarynda Avstriya, Ázerbayjan, Albaniya, Belarusi, Beligiya, Bosniya jәne Gersegovina, Úlybritaniya, Vengriya, Germaniya, Ispaniya, Italiya, Qyrghyzstan, Latviya, Luksemburg, Niyderland, Norvegiya, Polisha, Resey, Rumyniya, Soltýstik Makedoniya, Sloveniya, Tәjikstan, Týrkiya, Finlyandiya, Fransiya, Horvatiya, Chernogoriya, Chehiya jәne Shvesiya memleketterining ókilderi bar.

Sonymen qatar Ortalyq saylau komissiyasy akkredittegen delegasiyalardyng qatarynda shet memleketterding ortalyq saylau organdarynyng 12 delegasiyasy bar.

Olardyng jeteuin Ázerbayjan, Armeniya, Gruziya, Qyrghyzstan, Moldova, Pәkistan jәne Reseyding ortalyq saylau komissiyalarynyng tóraghalary bastap keledi. Búdan bólek, Tәjikstan, Týrkiya jәne Ózbekstannyng ortalyq saylau organdarynyng basshylary da saylaudy bayqaugha qatysatynyn rastady.

Osylaysha, býgingi kýnge deyin Ortalyq saylau komissiyasy shet memleketter men halyqaralyq úiymdardan 251 halyqaralyq bayqaushyny akkredittedi.

Akkreditteuge qatysty úsynystar kelip týsken sayyn halyqaralyq bayqaushylar turaly mәlimetter janartylyp otyrady.

Eske sala keteyik, OSK Qazaqstanda ótetin Qúryltay saylauyndaghy bulleteni qanday bolatynyn týsindirdi. Saylaugha 12,7 mln bulleteni basyp shygharylady.

Abai.kz