Astanada Qazaqstan Respublikasy Mәdeniyet jәne aqparat ministrligining qoldauymen «Kreativti industriyalardy damytu qory» korporativtik qory jýzege asyrghan «Últtyq qolóner mektebi» bilim beru jobasynyng qorytyndy is-sharasy ótti.

27 shilde men 12 tamyz aralyghynda Qazaqstannyng últtyq qolóner salasyndaghy 10 ýzdik sheber 8-20 jas aralyghyndaghy 208 qatysushygha dәstýrli qolónerding tehnologiyalary men qyr-syryn ýiretti.

Qazaqstan Respublikasy Premier-ministrining orynbasary – Mәdeniyet jәne aqparat ministri Aida Balaeva qatysushylardy jobanyng sәtti ayaqtaluymen qúttyqtady. Ol tәlimger sheberlerge, úiymdastyrushylargha, ata-analargha jәne barlyq qatysushylargha alghys bildirdi.

Ýkimet basshysynyng orynbasary býginde dizayn, sәn, sәulet, turizm jәne kreativti industriyalardyng ózge de baghyttarynda últtyq naqyshqa degen qyzyghushylyq artyp kele jatqanyn atap ótti. Onyng aituynsha, búl ýrdis sheberlerge de, jastargha da jana mýmkindikterge jol ashady.

«Memleket basshysy últtyq qúndylyqtar men tarihiy-mәdeny múrany saqtaugha, shygharmashyl jastardy qoldaugha jәne kreativti industriyalardy damytugha erekshe nazar audaryp keledi. Qolóner – halqymyzdyng ghasyrlar boyy qalyptasqan túrmys-tirshiligin, dýniyetanymy men kórkem talghamyn tanytatyn asyl qazyna. Sondyqtan últtyq qolónerdi saqtau jekelegen búiymdardy jinaqtap, kórmege qoimen ghana shektelmeydi. Onyng eng senimdi joly – ónerding qyr-syryn sheberden shәkirtke ýiretip, úrpaqtar sabaqtastyghyn jalghau. «Últtyq qolóner mektebi» jobasy osy manyzdy mindetke naqty ýles qosyp otyr. Endigi manyzdy mindet – dәstýrli qolónerdi saqtap qana qoymay, oghan zamanauy dem beru. Dәstýr ótkenning jәdigeri bolyp qalmay, qazirgi damudyng quatty resursyna ainaluy kerek», – dedi Aida Balaeva.

Joba qatysushylary últtyq qolónerding 10 baghyty boyynsha tәjiriybelik bilim aldy. Oqu baghdarlamasyna zergerlik óner, aghash pen teri óndeu, kiyiz basu, qysh óneri, kilem toqu, sýiek oi jәne dәstýrli qoldanbaly ónerding ózge de týrleri engizildi.

«Últtyq qolóner mektebi» ayasynda inkluzivti bilim beruge de erekshe kónil bólindi. Erekshe bilim beru qajettilikteri bar balalar ýshin arnayy top úiymdastyrylyp, sabaqtar olardyng shygharmashylyq qabiletin ashugha, úsaq motorikasyn jetildiruge jәne praktikalyq enbek daghdylaryn qalyptastyrugha baghyttaldy.

Qorytyndy is-shara barysynda tәlimger sheberler men joba týlekterine sertifikattar tabystalyp, olardyng avtorlyq júmystary tanystyryldy. Sonday-aq bilim beru baghdarlamasynyng qorytyndysy shygharyldy.

Ayta keteyik, jobagha qatysugha 450-den astam ótinim kelip týsti. Konkurstyq irikteu nәtiyjesinde 208 qatysushy tegin bilim alu mýmkindigine ie boldy. Tәlimger sheberlerdi irikteu de ýlken qyzyghushylyq tughyzdy. Elimizding barlyq ónirinen 331 ótinim qabyldanyp, tehnikalyq irikteuden ótken 271 ótinimdi konkurstyq komissiya qarady. Nәtiyjesinde Qazaqstannyng últtyq qolóner salasyndaghy 10 ýzdik sheber tandaldy.

«Últtyq qolóner mektebi» últtyq mәdeny múrany saqtap, ony jas úrpaqqa sabaqtastyqpen jetkizuge, dәstýrli qolónerdi keninen dәripteuge jәne ony zamanauy kreativti industriyanyng manyzdy baghyttarynyng biri retinde damytugha arnalghan.

Joba balalar men jastardyng shygharmashylyq әleuetin ashugha, últtyq ónerge qyzyghushylyghyn arttyrugha jәne bolashaq kreativti industriya ókilderi ýshin jana mýmkindikter qalyptastyrugha jaghday jasaydy.

Abai.kz