Keshe ghana «Qytay saqalgha jol japty» atty maqala shyghardyq...

Sonda qúndy jazbasyn qaldyrghan «aghylshyn tili múghalimi Janna» dep qol qoyghan avtorgha izdeu salghan edik. Biraq, tappaghan son, materialdyn  ózektiligine baylanysty júmbaq qyz Jannanyng jazbasyn maqalada so qalpynda jariyaladyq. Maqala qyzu oqylyp jatyr.

Suret: Abai.kz skriyni.

Sodan birshama uaqyttan son, «Agha, sәlemetsiz be? Janna men bolamyn» dep jazghan sәlemdeme keldi, izdegen qyzymyz tabyldy. Qarasaq, ol Almatyda « Alem Centre Arai» JShS Bas diyrektory, balalardy aghylshyn tiline ýiretu mektebining jetekshisi әri ústazy  Janna Esenaly bolyp shyqty.

Qyz tabylghan son, odan saytymyzdyng oqyrmandaryna ózin tanystyrudy ótindik. Janna tómendegi jazbasyn jiberipti, nazarlarynyzgha úsynamyz:

Men 15 jyl boyy Almatyda tilder ýiretetin oqu ortalyghyn basqaryp kelemin  әri  osynda  aghylshyn  tilinen jәne  sheteldikterge  qazaq tilinen  sabaq  beremin.

Búl  mening manday terimmen qúrghan jeke kәsibim, maghan senip júmys istep jatqan qanshama oqytushynyng qútty shanyraghy.

​Shynymdy aitayyn, osy jyldar ishinde týigenim óte kóp. Til ýiretushi maman izdep, habarlandyru bergende әngimelesuge (sobesedovaniye) nebir adamdar keledi. Biraq esikti ashyp, ishke arabtyng qara túmshasyn jamylyp, hidjabpen kirip kelgenderdi kórgende, kózqarasym kilt ózgeredi.

Amandasyp, jón súrasqan son: «Renjimeniz, mynaday kirme kiyimmen, bógde iydeologiyalyq atributpen sizdi júmysqa ala almaymyn», - dep birden shygharyp salamyn. Keyin tipti  habarlandyrudyng ózine naqtylap jazatyn boldym: «Oranyp, túmshalanyp jýrgender mazamdy almasyn!»

​Sonda men múny ne ýshin aityp otyrmyn?

​Mening ortalyghym  arabtyng ortaghasyrlyq dogmalaryn nemese sektanttyq týsinikterdi tanayyn dep otyrghan medrese emes. Ol  ghylym men bilimnin, órkeniyetting oshaghy.

Til ýirenuge senim artyp kelgen әrbir óskeleng úrpaqtyn, әrbir azamattyng qauipsizdigi men sana tazalyghy ýshin men eng aldymen ózimning ar-ojdanym men abyroyymnyng aldynda baspen jauap beremin!

Maghan senip tapsyrylghan ózgening órimdey balasyna oqytushylarymnyng sapaly sabaq emes, bógde aghymnyng uaghyzyn aityp, sanasyn ulauyna, bolashaghyna balta shabuyna eshqashan jol bermeymin! Bilim ordasynyng kiyeli tabaldyryghyn diny ýgit-nasihattyng alanyna ainaldyrugha qúqyghym da, moraldyq haqym da joq.

Bizge ghylymdy, zamanauy tehnologiyany, әlemdik tilderdi mengergen, sanasy ashyq, órkeniyetti mamandar kerek. Jastardyng sanasyn kishkentayynan kirme dogmalarmen ulap, «oranbasang kýnәharsyn» degen qorqynyshpen ósiru  elding bolashaghyna jasalghan shabuyl.

Kәsip iyesi  jәne  oqytushy retinde de,  Qazaqstan Respublikasynyng patriot azamaty retinde de aitarym jalghyz: Bizding jolymyz  arabtanu emes, bilim, ghylym jәne egemendik!

Ata Zanymyz ýstem, Tәuelsizdigimiz túghyrly bolsyn!

​Sizderge qúrmetpen: Janna Esenaly

Maqalany dayyndaghan Ábdirashit Bәkirúly

Abai.kz