(Ótirik әngime) 

Býgin týs aua, kýn endi kóterilip kele jatqanda oyandym. Terezeden syrtqa kóz salsam, aspanda balyqtar jýzip jýr! Jay balyqtar emes, altyn, kýmis, qyzyl, jasyl, kók týsti ýlken-ýlken balyqtar erkin qalyqtap jýr eken. «Bireuin ústap alayyn» degen oimen, asyghys syrtqa shyqtym. Biraq olar meni kórip, qalyng búlttardyng artyna tyghylyp qaldy. Sadaqpen atyp týsireyin dep, jebeme jarmastym. Onymdy kórgen balyqtar bir qatargha tizilip aldy da gharyshqa qaray jýzip ketti.

Ýige qayta kirdim. Tamaq izdep tonazytqyshtyng esigin ashsam, ishindegi bir tauyq:

– Qayyrly kýn! – dep amandasty. – Senderde aua rayy qanday? Bizde býgin 35 gradusqa deyin ystyq bolady, – deydi.

Men ne derimdi bilmey qaldym da:

– Býgin bizde uyldyryq jauuy mýmkin, – dedim.

– Endeshe mening júmyrtqama tiyispe, uyldyryghyndy je! – dedi de, esigin tars jauyp aldy.

– Myna tauyqqa ne boldy? Nege sonsha renjuli? – dep, ChatGPT-den súradym. Ol:

– Ne bolsa sony súrap, mazamdy almashy! Týsinikti emes pe, júmyrtqasyna tiysen, renjiydi! Odan da sabaghynnan qalma, syrtta seni qoyan dosyng tosyp túr! – dedi.

– Jaraydy, – dep, sómkemdi tós qaltama salyp alyp, syrtqa shyqtym.

Qoyan belsebetpen túr eken, meni kórgen boyda quanyp:

– Ei, dostym! Kel, otyr, men seni jetkizip salamyn! – dep dauystady.

Otyrghanym sol eken, ol qanatyn jayyp úsha jóneldi. Úshyp kele jatyp әlgi balyqtardyng birin bolmasa, birin kórip qalamyn ba dep ýmittenip edim, kórmedim. Búlttardyng ishimen jýitkip kelemiz. Bir kezde samsaghan almagha tap boldyq. Almatynyng Preziydent baghynda ósip túrghan aporttar eken. Zәulim-zәulim bolyp, birinen biri ótip, búlttardy jaryp jayqalyp túr eken. Qarnym ashyp keledi, almanyng bireuin alayyn dep qolymdy soza bergenim sol edi, olar:

– Jemender bizdi! Biz әli pisken joqpyz! – dep, shu ete týsti.

Kenet aldymyzdan bir tanys beyne kórindi:

– Ei, batyrlar, qayda zymyryp barasyndar? Qaryndaryng ashqan joq pa? Mynda men «Qyryq ótirik» quyryp jatyrmyn. Dәm tata ketinder! – dedi kәdimgi Aldarkósening ózi. Basyndaghy taqiyasy qanday jarasymdy!

Ol kisini óz kózimizben kórgenimizge quanyp, amandasayyq dep, ekeumiz birdey belsebetten sekirip týstik.

«Qyryq ótiriktin» dәmin tatyp kóru bylay túrsyn, toyghansha jedik. Búl ne degen ghajap dәm! Ne degen ghajap iyis! Toqbasargha turap-turap, aq búlttardyng ózin qoyypty. Búlttyng múnday tәtti bolaryn nege bilmegenmin?! Qarnymyzdy toydyryp, janymyzdy jadyratqan Aldar aghagha alghysymyzdy jaudyryp, belsebetimizge qayta mingestik.

Qúlaghyma bir tanys dauys kele bastady: «Núrislam osynda ma? Núrislam osynda ma?» dep, matematika pәninen sabaq beretin jaqsy kóretin apayym izdep jatyr eken. «Iya, osyndamyn, apay!» dep, top ete týsip, synybyma kirip bardym.

Qoyan dosym:

– 48-avtobusqa otyrma, ol avtobustaghy konduktor sabaqtan «tórt» alghandardy týsirip tastauy mýmkin deydi. Sabaqtan song ózim kelip alyp ketem! Basqa ghalamshardy aralap qaytamyz! – dedi terezeden syghalap. – Ázirge sau bol! – degendey eki qolyn birdey kóterdi.

«Mәssaghaaaan! Kórer qyzyqtyng bәri әli alda desenshi!!!» dep, partama jayghastym.

Núrsәule Maqsútqyzy

Abai.kz