Qazaqstanda tórtinshi MÓZ ýshin alandy tandau 2026 jyldyng sonyna deyin ayaqtalady...

Qazaqstanda tórtinshi múnay óndeu zauytyn (MÓZ) salu ýshin oryndy týpkilikti belgileu 2026 jyldyng sonyna deyin josparlanyp otyr, dep habarlaydy Energetika ministrligining baspasóz qyzmeti.

«Biz jana MÓZ jobasyn jýzege asyrudy jedeldetu turaly sheshim qabyldadyq. Osy jyldyng sonyna deyin әleuetti tórt oblysty baghalau ayaqtalyp, odan keyin qúrylys jýrgiziletin ontayly ónir resmy týrde anyqtalady. Jana zauyt zamanauy múnay-himiya klasterining ózegine ainalady», — dep habarlady Energetika ministrligi Múnaydy tasymaldau jәne óndeu departamentining diyrektory Dәulet Aryqbaev.

Vedomstvonyng naqtylauynsha, Qazaqstan júmys istep túrghan zauyttardy keneytu jәne jana iri tonnaly múnay óndeu әri múnay-himiya keshenin salu arqyly múnay óndeuding jiyntyq quatyn jylyna 39 mln tonnagha deyin jetkizudi josparlap otyr.

«Jana keshenning quatyn jylyna 10 mln tonnagha deyin arttyru kózdelgen. Energetika ministrligi jobany iske asyrudy jedeldetuge niyetti jәne nysandy 2033 jylgha deyin paydalanugha berudi mejelep otyr. Qazirgi uaqytta Úlytau, Atyrau, Manghystau jәne Týrkistan oblystaryndaghy әleuetti tórt alang boyynsha aldyn ala TEO (tehnikalyq-ekonomikalyq negizdeme) әzirleu jәne salystyrmaly taldau jasau ayaqtalyp keledi», — dep týsindirdi ministrlik ókilderi.

Sonymen qatar, vedomstvo dereginshe, Qazaqstan júmys istep túrghan múnay óndeu kәsiporyndarynyng quatyn qazirgi 18 mln tonnadan jylyna 29,2 mln tonnagha deyin keneytude.

«Shymkent MÓZ quatyn 2030 jylgha qaray jylyna 6-dan 12 mln tonna múnaygha deyin arttyru josparlanghan. Jobanyng TEO-syn әzirleudi CNPC Shyghys Qytay jobalau instituty jýrgizip jatyr. Pavlodar múnay-himiya zauytyn 2031 jylgha qaray jylyna 5,5-ten 9 mln tonnagha deyin keneytu kózdelgen. Atyrau MÓZ 2028 jylgha qaray múnay óndeu kólemin kezen-kezenimen 5,5-ten 6,7 mln tonnagha deyin úlghaytady. Kәsiporynda, sonday-aq, jóndeuaralyq ýsh jyldyq siklge kóshu de josparlanuda», — delingen habarlamada.

Óndeu quatynyng artuyna baylanysty Qazaqstan otandyq zauyttardy qajetti shiykizat kólemimen qamtamasyz etu ýshin múnay tasymaldau infraqúrylymyn da keneytip jatqany atap ótiledi.

Abai.kz