Júma, 22-mamyr kýni TMD elderining Ýkimet basshylary Astanada arnayy mәjiliste bas qosqaly otyrghany qalyng kópshilikke mәlim. Alayda, Resey Premier-ministri V.V.Putin Astanagha shúghyl týrde býgin – atalmysh mәjilisten bir kýn búryn at basyn turalaudy jón sanapty. Ádette, әrbir qadamyn san týrli eseptermen sanap basatyn Resey ýkimeti basshysynyng osynshalyq asyghystyghynyn, dәstýrli mәjiliske erekshe alyp-úshuynyng astarynda qanday qúpiya syr bar?!

Búl týiindi súraqqa bir auyz sózben jauap beru onay emes. Ásili, songhy jyldary Resey ózining halyqaralyq bedelin, syrtqy sayasatta mәrtebesin biyiktetu jolynda qoldan kelgen barsha amal-aylalardan bas tartpaytynyn anyq tanytyp keledi. Postkenestik aimaqta, әsirese, TMD auqymynda bayaghysha “aq degenim alghys, qara degenim qarghys” degendi týbegeyli moyyndatyp, kórshi tәuelsiz memleketterdi yzgharymen yqtyryp aludan taysaqtaytyn týri joq. Oghan әlemde qazir qalyptasqan sayasi, ekonomikalyq ahual da meylinshe qolayly jaghday tughyzyp otyrghany belgili. Úzaqqa sozylyp bara jatqan әlemdik ekonomikalyq, qarjylyq daghdarys songhy jyldary ekonomikalyq әleueti kýrt ósken, aitarlyqtay altyn-valutalyq qor jinaqtaghan Reseyding aiyn onynan tughyzyp, aidarynan jel eskizeri aitpasa da týsinikti.

Júma, 22-mamyr kýni TMD elderining Ýkimet basshylary Astanada arnayy mәjiliste bas qosqaly otyrghany qalyng kópshilikke mәlim. Alayda, Resey Premier-ministri V.V.Putin Astanagha shúghyl týrde býgin – atalmysh mәjilisten bir kýn búryn at basyn turalaudy jón sanapty. Ádette, әrbir qadamyn san týrli eseptermen sanap basatyn Resey ýkimeti basshysynyng osynshalyq asyghystyghynyn, dәstýrli mәjiliske erekshe alyp-úshuynyng astarynda qanday qúpiya syr bar?!

Búl týiindi súraqqa bir auyz sózben jauap beru onay emes. Ásili, songhy jyldary Resey ózining halyqaralyq bedelin, syrtqy sayasatta mәrtebesin biyiktetu jolynda qoldan kelgen barsha amal-aylalardan bas tartpaytynyn anyq tanytyp keledi. Postkenestik aimaqta, әsirese, TMD auqymynda bayaghysha “aq degenim alghys, qara degenim qarghys” degendi týbegeyli moyyndatyp, kórshi tәuelsiz memleketterdi yzgharymen yqtyryp aludan taysaqtaytyn týri joq. Oghan әlemde qazir qalyptasqan sayasi, ekonomikalyq ahual da meylinshe qolayly jaghday tughyzyp otyrghany belgili. Úzaqqa sozylyp bara jatqan әlemdik ekonomikalyq, qarjylyq daghdarys songhy jyldary ekonomikalyq әleueti kýrt ósken, aitarlyqtay altyn-valutalyq qor jinaqtaghan Reseyding aiyn onynan tughyzyp, aidarynan jel eskizeri aitpasa da týsinikti.
Ekonomikalyq túrghydan aitarlyqtay qolaysyzdyqtar men qiyndyqtardy bastan ótkerip otyrghan birqatar TMD memleketteri Reseyge qarap qol sozatynyn da jasyru mýmkin emes. Songhy uaqytta әlem sayasatkerlerining arasynda Reseyding shynayy basshysy kim ekendigi, Preziydent D.Medvedev pe, әlde Premier-ministr V.V.Putin be degen saual jii qoyylyp jýrgendigin payymdasaq, Mәskeu Aq ýiining osy resmy kezdesuge ýlken ýmit artyp otyrghanyn joqqa shygharu mýmkin emes.
Ádette, әlemdik sayasatkerler eki topqa bólinedi: beybit kelisimderge, ózara pikirtalastar, kelissózderding nәtiyjesinde qabyldanatyn, týrli taraptardyng barlyq talap-tilekteri meylinshe keng qamtylghan ortaq mәmileni jaqtaushylar “kógershinder” dep tanylsa, al óz memleketining ghana san qily mýddelerin basty oryngha qoyyp, sonyng auqymynda ghana shúghyl әri qatang týrde әreket etudi sýietinderdi “qyrghilar” tobyna jatqyzady. Al V.V.Putin kýtpegen jerden alyp Resey “qyrghilarynyn” kóshbasshysyna ainalghaly da biyl baqanday 10 jyl tolyp otyr. Kremliding songhy on jyldyqtaghy astamshylyq, ózgelerge qoqan-loqqy jasaghan әrbir әreketining tasasynda búrynghy KGB polkovniygi (keybir derekterde, podpolkovniyk) V.Putinning túrghandyghyn әlemdik bilikti sarapshylar men zertteushiler birauyzdan jariyagha jar saluda.
Ásirese, ótken jyly tamyz aiynda Resey әskerlerining egemendi, birtútas Gruziyanyng ajyramas bólshegi bolyp tanylatyn Ontýstik Osetiyagha kýtpegen jerden basyp kirui V.Putinning yqpalymen jýzege asyrylghanyn joqqa shygharugha bolmaydy. Osylaysha “kógershin” retinde tanylyp kelgen Resey Preziydenti D.Medvedev myrza da eki ottyng ortasynda qalyp otyr. Ol ol ma, Mәskeu tәuelsiz Gruziyanyng preziydenti Mihail Saakashviliydi biylikten birjola taydyru ýshin qoldan kelgenning bәrin jasaugha bel sheshe kiriskeni belgili. Tayauda ghana Sochy qalasynda Gruziya halyqtary assambleyasynyng forumy ótkizilui osynyng aighaghy. Bir tandanarlyghy, osy forumda Sankt-Peterburg qalasynyng kәsipkeri, búryn tonaushylyq jasaghany jәne zansyz qaru alyp jýrgeni ýshin eki ret sottalghan Aleksandr Ebralidze ózining Gruziya preziydenti bolugha dayyn ekendigin mәlimdedi. “Komsomoliskaya pravda” gazetining jazuynsha, A.Ebralidze: “Men múny 20 jyl kýttim, endi qarapayymdylyqty ysyryp qoyyp, ashyq mәlimdeymin”, - degen kórinedi (“Komsomoliskaya pravda” gazeti, 20 mamyr, 2009 j.). Sankt-Peterburg qalasyndaghy әigili Sheremetiev sarayyn satyp alghan ataqty kәsipker belgisiz bireuler qoldamasa, qoltyghyna su býrikpese múnday arandatushylyq mәlimdeme jasamaytyny aitpasa da týsinikti.
Osy orayda Ilif pen Petrovtyng ólmes romanyndaghy Ostap Benderdin: “Azamattar! Men bizding jinalysymyzdyng maqsaty turaly aitqaly túrghanym joq. Múratymyz qasiyetti! Biz kómek qolymyzdy sozugha tiyispiz әri biz qolymyzdy sozamyz da”, – degen alayaqtyq sózderi oigha oralady.
Bir búl ghana emes, Kremli tayauda ghana Tarihty búrmalaushylyq әreketterine qarsy arnayy komissiya qúryp, onyng tizginin Resey preziydenti әkimshiligining basshysy Sergey Naryshkinning qolyna ústatty. Belgili 28 adamnan túratyn atalmysh komissiya qúramynda belgili tarihshylar, bilikti mamandar men ghalymdardan góri Oqu ministrligi, Syrtqy Ister ministrligi, Federalidyq Qauipsizdik qyzmeti, Áskery barlau qyzmeti, sonday-aq Memlekettik Duma, Qoghamdyq palatanyng ókilderi basym bolyp otyr.
– Qazir biz tarihy búrmalaushylyqpen jii úshyrasyp kelemiz, – dep mәlimdedi Dmitriy Medvedev Resey mýddelerine kereghar tarihy búrmalaushylyqpen kýresting mәn-jayyn tanystyra kelip. – Shynyn aitsaq, tayauda ghana myzghymaytynday kórinip kelgen tarihy aqiqattardy qorghap qalugha tiyispiz.
Ázirge búl Úly Otan soghysyna ghana qatysty bolyp otyr jәne búrmalaushylyqqa jol bergen el azamattary ghana emes, Resey territoriyasyndaghy sheteldik azamattar da 3 jyldan 5 jylgha deyin bas bostandyghynan aiyrylmaqshy.
Endi Reseyde resmy tarihtan sәl bas tartsang 5 jylgha sottaluyng qas pen kózding arasynda. Keybir tabany býrsiz memleketterdi sanatqa qospaghanda, býkil әlem Gruziyagha soghys ashqany ýshin Reseydi birauyzdan agressor retinde aiyptap otyrghan jәne Reseyding ózi tarihy faktini ekijýzdilikpen búrmalap otyrghan qazirgi jaghdayda shyndyqty aitushylardyng tóbesine ýlken qater tóngeli otyr. Bir sózben aitsaq, Resey ózining tarihy shyndyqtaryn týrme qapastary jәne temir búghaularmen dәleldemekshi.
Qalyptasqan osynday jaghdayda Ortalyq Aziya memleketteri, әsirese, Qazaqstan әsirese qiyn jaghdayda qalyp otyr. Ózderin sheksiz demokratiyanyn, órkeniyetting kepili sanaytyn Batys elderi tym jyraqta, olardyng qoyatyn sansyz talaptardy orynday beru de onay emes, al órkókirek, alyp ta ayausyz Resey derjavasy dәp irgede. Qaytpek kerek?! Reseyding “qyrghiy” V.Putin Astanada Dostastyq kelisimine kiretin elderdegi qay әriptesin yzbarymen yqtyryp, “qolyn búraytyny” beymәlim. Ázirge Resey Ýkimetining basshysy resmy sapar kezinde Qazaqstan tarapymen Bayqonyr gharysh ailaghynyng odan әri ómir sýruining kelisim-shart – qúqyqtyq bazasyn jetildiru jóninde keninen әngime qozghaydy dep boljanuda. Eki elding de ekonomikalyq, sayasy ómirinde asa manyzdy oryn alatyn Bayqonyr gharysh ailaghynda әzirge naqtylanbay otyrghan kýrdeli mәseleler auyz toltyryp aitarlyqtay. Ýshinshi qazaq gharyshkerin biylghy kóktemde gharyshqa úshyru mәselesi siyrqúiymshaqtanyp barady. Osyghan deynigi belgili bolghanynday, Resey ýshinshi gharyshkerimizdi aspan múhityna attandyru ýshin Qazaqstannan 25 mln. dollar kóleminde tólem talap etip tabandap otyrghan bolatyn, al ekonomikalyq daghdarystyng qúshaghyndaghy Qazaqstan múnday qomaqty qarjyny moynyna ala qoygha ynghay tanyta almauda. Sonday-aq, osy sapar barysynda osyghan deyin Qazaqstan men Resey arasyndaghy 2009-2010 jyldargha arnalghan birlesken is-qimyldar josparynyng jýzege asyrylu joldary da qarastyrylmaqshy. Astanada sóz bolyp, sheshimi tiyanaqtalatyn ister qomaqty-aq.
Qazaqstan Respublikasy Premier-ministri Kәrim Mәsimov pen Resey Ýkimetining basshysy Vladimir Putin otyn-energetikalyq, atom energetika salalaryndaghy әriptestik, transshekaralyq su nysandaryn paydalanu men qorghau jóninde keninen pikir almasuy yqtimal. Sonymen birge Kedendik odaq qalyptastyru maqsatyndaghy ózara mýddelerdi saqtau mәseleleri de sóz bolugha tiyis.
Al TMD elderi ýkimetining basshylary 22-mamyr kýni asa manyzdy 18 qújattyng jobalaryn talqygha salady.
Bir qyzyghy, әlemning jetekshi memleketteri aldaghy birer jylda ekonomikalyq tyghyryqtan qalay shyghudy oilap bas qatyryp otyrsa, TMD elderi ýkimetining basshylary 2020 jylgha deyingi kezendegi TMD-nyng ekonomikalyq damu strategiyasynyng birinshi – 2009-2011 jyl aralyghyndaghy josparyn talqygha saludy basty mindet dep sanaytyn siyaqty. Jospar, joba, talqygha salu tamasha-aq, biraq, qalay desek te sonau Mәskeuden Astanagha asyghys úshyp kelgen V.Putinning sózi men ústanymy ýstem týsetin sekildi...

Janabek ShAGhATAY,
«Týrkistan» gazeti, 21. 05. 2009 jyl.