«Kýshik asyrap it ettim». Jo-joq, men kórgende ol bes-alty qar basqan kәdimgi it edi. Azu tisi de jetilgen. Arp etip әrkimdi balaqtan ala týsetin. Itting ittigi emes pe, meni kórgen boyda qojayyn tútyp artymnan erip alghan. «Itting singeni jaqsy». «Singen it qút әkeledi» deytin búrynghylar. Sodan men iytimning atyn «Qútjol» qoysam ba dep jýrdim. Biraq, anau-mynau sharuagha aldanyp, әlgi iytime «en salyp, esim berudi» úmytyppyn. Keyde adamdy janghalaqtyghy men jalqaulyghynyng ózi jaqsylyqqa bastap túrady emes pe?.. Sol itke kezinde «Qútjol» dep at qoymaghanym dúrys bolypty. Áytpese osy kýni (әlgi búralqyny qoyshy) iyesi men iyesining mýkәmal-mýlkin úry-qarygha aldyrmaytyn «qútjoldar» men «bóribasarlardyn»  aldynda úyatqa qalar edim.

It degen it bolsa ghoy, shirkin. Týni boyy sanqyldap ýrip, qora kýzetip, atty adamdy alyp týserdey aibat shekse, arman bar ma? Bizdiki it emes, búralqy bolyp shyqty. Sonyng janyayauly jaqsylargha shabalandaghanynan tiksinip jýrushi edim. Talay ret ózine «itting jamany iyesine sóz keltiredi, balaq kórseng bas saludy qoy» dep eskerttip te baqtym. Alayda ol meni tyndamady. Kemik qajap ketilgen tisterin yrsityp, tilin salaqtatyp, auzynan qan-jynyn aqtaryp, abalaudan tiylmady. Aqyry qarasyn batyrghan. Sonysynyng ózin jaqsygha joryp: «Jaqsy it óligin kórsetpeydi», - degem. Sóitsem, búralqy nemege juyndy tabylsa boldy eken ghoy, jana qojayyn tauypty. Bir kezde sony qapqan edi. Jana qojayyn búralqynyng sol kezdegi «ittigin» úmytqan ba, әlde, әdeyi ayaq-tabaghyn jalatyp jýr me, ony, әriyne, ózi biledi. Jәne ol búralqyny qúiryghyn bútyna qystyrtyp quyp jiberetinin de jaqsy biledi. Tek búralqy ghana eshtenden qapersiz. Shәnk-shәnk etedi. Maghan tipti yzaly ózi.

«Bireuge әkesindey jaqsylyq jasaghyng keledi. Alayda ol seni әkennen boqtap ketedi» degen – osy, jigitter. Adamnyng arasynda da әlgi búralqy siyaqtylar az ba? Sony әrdayym eskere jýrgen jón eken.

Abai.kz