Aqtau qalasynda Tobaniyaz Álniyazúlynyng eskertkishi qorlandy. Manghystau oblystyq ishki ister departamenti manynda ornalasqan eskertkishke vandaldar fashistik tanbany salyp, beypil sózderdi jazyp ketken. Búl turaly Tengrinews.kz sayty "Lada" portalyna silteme jasap habarlady.

Vandaldar qyzghylt sary boyaumen Tobaniyaz Álniyazúlynyng eskertkishine svastika tanbasyn salyp, boqtyq sózderdi jazyp ketipi. "Kaspiy Opereyting" JShS diyrektory Ábdirahym Qalymovtyng sózine qaraghanda, qalada eskertkishterdi boyau siyaqty vandaldyq әreketter jasaluy bir búl emes eken, Tobaniyaz Álniyazúly, Taras Shevchenko jәne Mәngilik alau eskertkishteri jii qorlanyp túratyn kórinedi. "Bizding júmysshylarymyz aptasyna ýsh ret barlyq eskertkishterdi tekserip otyrady. Sol kezde ylghy bir jazulardy óshiruge tura keledi. Biz onyng bәrin isteymiz. Biraq múnymen mәsele sheshilmeydi ghoy. Biz qalanyng ishki ister basqarmasyna birneshe ret ótinish jasap, beynebaqylaudy ornatudy súraghanbyz. Alayda әli kýnge deyin nәtiyje joq", - deydi Qalymov.  Búl masqaralaudyng  kimge tiyesili ekeni әzirge anyqtalmaghan. 

Ayta keteyik, QR Qylmystyq kodeksine sәikes, vandalizm ýshin 100-500 ailyq eseptik kórsetkish kóleminde aiyppúl tóleu, 120-180 saghatqa deyingi qoghamdyq júmystar nemese 1 jylgha deyin bas bostandyghynan aiyru siyaqty jaza qoldanylady.

Tobaniyaz Álniyazúly - 1875, búrynghy Zakaspiy oblysy Manghyshlaq u. Jeteney bolysynda tughan qogham qayratkeri. Diny mektepte bastauysh bilim alghan. 1915 j. bolys basqarushysy bolyp saylanghan. 1916 j. patsha jarlyghyna qarsy shyqqany ýshin tútqyngha alynyp, 1917 j. patsha ókimeti qúlaghannan keyin abaqtydan bosatyldy. 1918 – 1923 j. Aday uezdik revolusiyalyq komiytetining tóraghasy. Alashorda ýkimetining batys bólimshesining jetekshileri – Halel jәne Jahansha Dosmúhamedovtermen tyghyz baylanysta bolghan.  Kenestik biylikke qarsy Qaraqúm ónirinde jýrip jatqan qozghalysqa qoldau tanytty. Biylik oryndarynyng núsqaularynda jergilikti halyqtyng túrmys-tirshiligindegi, dinindegi erekshelikterding saqtaluyn talap etti. 1923 j. Tobaniyazgha “últshyl”, “dindar” degen aiyp taghyldy. Soghan oray ol uezdik revolusiyalyq komiytetining tóraghasy qyzmetinen bosatyldy. 1924 – 1928 j. uezdik salyq inspektory bolyp enbek etti. 1929 j. jeltoqsanda tútqyngha alynyp,  1930 jyly Almatyda atyldy. Tobaniyaz 1990 j. 26 sәuirde Qazaq KSR-i Jogharghy sotynyng sheshimimen aqtalghan.

Abay-aqparat