Ómirde neshe týrli ynghaysyz jayttargha úshyrasyp jatatynymyz anyq. Sonyng biri – qolymyzdaghy úyaly telefongha keletin mazmúny aqylgha syimaytyn qonyraular men habarlamalar bop túrghany jasyryn emes.

Alghashqy kezderi bizge bәlenbay birlik jiberseniz, týgenbey syilyqtar beremiz degen baylanys operatorlarynyng jarnama habarlaryn kózimiz talay shalghan.

Kópshilik sol onay olja әkeledi degen útystargha san mәrte qatysyp, әjepteuir qarjylarynan qaghylyp jatty. Keyin búnday bassyzdyqty toqtatu kerek dep elimizding Parlamenti Mәjilisining deputaty Rauan Shaekin mәsele kóterip edi. Osydan keyin úyaly baylanys operatorlary tarapynan әlgindey olqylyqtargha jol berilmeytin boldy.

Biraq  degenmen, búl kýnderi maghynasy aldau-arbaugha qúrylghan qonyraulardy basynan ótkergender az emes. Solardyng ishinde osy joldardyng avtory da bar.

Birde týs mezetinde mening úyaly telefonyma habarlama keldi. Onda orys tilinde: «Sizding úyaly telefonynyzdyng nomeri biz úiymdastyrghan útysta finalgha shyqty. Siz «Merkur avto» firmasy úsynghan 4 «Niva» avtokóligining iyesi atanghaly túrsyz»-degen mazmúndaghy mәtin jazylghan. Biraq men onyng kezekti bireulerding alayaqtyq әreketi ekenin birden týsinip, olarmen habarlaspadym.Bir kezde men jauap bermegen song ózderi úyaly telefonyma qonyrau soqty. Tútqany kótersem, ar jaghynda jasy 30-40 shamasyndaghy   er adam aldyndaghy jiberilgen habarlamada jazylghan útysqa qatysuym ýshin onyng úyaly telefonyna 1000 birlik saluym qajet ekendigin eskertti. Aytuyna qaraghanda, solay etsem ghana kólikti tizgindeydi ekenmin.

Álbette, múndaymen elimizde mashina tasymaldaushy «Merkur avto» firmasynyng atyn jamylyp otyrghan alayaqtardyng ainalysatyny aitpasa da týsinikti. Biluimizshe, әlgindey jaghymsyz is-әreketterdi kóbinese qylmystyq jazasyn óteu oryndarynda otyrghandar kәsip etip alghan kórinedi.

Osy jerde keyingi jyldar múghdarynda ishki ister ministrligi úigharymymen elimizdegi qylmystyq jazasyn óteu mekemeleri aumaghyna úyaly telefonmen baylanysty shekteytin arnayy qúrylghylardyn  qoyylyp jatqany osynday kelensizdikterding aldyn alugha arnalghan qúptarlyq shara ekeni aqiqat.

IYә, júrtshylyqty aldap-arbaytyndardyng jymysqy әreketine osylaysha tosqauyl qoysaq ghana әlgindey aldamshy qonyraular men habarlamalardan qútylarymyz haq.

                                                                 Darhan UÁLIYEV.

                                                            QR Jurnalister odaghynyng mýshesi.

                                                            Qaraghandy qalasy.

Abai.kz