Djeff jәne Mery Timmons atty erli-zayyptylar Qazaqstannan ýsh bala, Reseyden bir bala asyrap alghan. Ókinishke oray, qay bala bizding elden qamqorlyqqa alynghany belgisiz. Áyteuir ortanshy úly bir kýni qyz bolghysy keletinin, al qyzy úl bolghysy keletinin jariyalaghan. Al ata-analary bolsa, balalardyng búl tandauyna qúrmetpen qarap, olardyng tilekterin oryndaugha bel buypty, dep habarlaydy QazAqparat «Ekspress-k» aqparatyna silteme jasap.

Niu-Yorktegi otbasynyng múnday tosyn janalyghyn Timesledger basylymy jariyalaghan. Ata-analarynyng ótinishimen olardyng aty-jónderi de ózgertilipti. Gebriel Gebriellagha ainalghysy kelgende er bala nebәri tórtte ghana bolghan eken. «Onyng minezi júmsaq, nәzik, mashina, tapanshamen emes, quyrshaqtarmen oinaytyn», - deydi otaghasy Djeff Timmons.
Aghasynyng izinshe qaryndasy Djeymy de qyz emes úl bolghysy kelemin depti. Djeff Timmons balalarynyng múnday qadamyna synyptastary qalay qaraydy eken dep alandaghan.  Alayda әzirge olardyng dostarymen qarym-qatynastary jaqsy.

Qazir Gebriella toghyzda. Jynystyq jetiluge deyin oghan gormonaldyq damuyn tejeytin arnayy preparattar qabyldau qajet. 16 jasynda ol naqty sheshim qabyldauy tiyis. Qajet bolghan jaghdayda, oghan jasalatyn gormonaldyq terapiya men hirurg skalipeli onyng qyz bolu armanyn orynday alady.

Abay-aqparat