Eldik múrat jolynda eleuli enbek etip jýrgen qayratkerlerimiz jayly aitugha kelgende sarandyq tanytpauymyz kerek. Álbette, memleket damuyna qyzmet etu, ter tógu – býgingi últ janashyrlarynyng kiyeli paryzy bolmaqqa kerek. Jәne qazirgi qazaq qoghamynyng jauapkershiligin iyghyna artqan memleketshil túlghalar ýshin ol paryzdyng jýgi eki eselene týsetini taghy anyq. Ras, halyqqa qyzmet etuding baghasyn da halyq beredi. Mezgil minberinen kóringen túlghanyng bolmysyn aishyqtau – uaqyttyng enshisi ekeni taghy ayan. Dep kelgende, Tәuelsiz Qazaqstannyng damuyna bilim-biligimen, aqyl-parasatymen ýles qosyp jýrgen azamattar jayynda jyly lebizge kezek beruding aiyby bolmas.

Býgingi tanda elimizdegi memlekettik qyzmetkerler arasynda biz tilge tiyek etip otyrghan túlghalyq qasiyetter boyynan tabylatyn azamattar az emes. Biylik satysyndaghy biyik qyzmetke kәsiby maman-menedjer retinde qol jetkizgen túlghanyng boyynda memleketshildik, últjandylyq qasiyetteri úshtasyp jatuy – jaqsylyq nyshany. Osy talaptardyng ýdesine tolyqtay say keletin býgingi kýnning memleketshil qayratkerlerining biri dep Baghlan Maylybaev myrzany aitugha әbden bolady.

Baghlan Asaubayúly – qatardaghy qarapayym qyzmetkerden biyik dәrejeli memleket qyzmetshisine deyingi enbek jolynan ótip, shyndalghan túlgha. Onyng túlghalyq qalyptasu jolynyng ózindik ereksheligi bar. Óitkeni, Baghlan myrzanyng azamat retinde qalyptasuy elimizding Tәuelsizdik aluymen qatar órbigen. Demek, býgingi biylik satysyndaghy azattyqty bala kýninen ansaghan jәne sol Tәuelsizdikti bayandy etuge jastayynan bel bughan buynnyng ókili retinde de Maylybaevtyng mereyi arta beretini týsinikti. Ol ózining memlekettik qyzmettegi jetistigi men tabysyn Qazaqstannyng Tәuelsiz el retindegi damuy men Memleket Basshysynyng saliqaly sayasatynyng jemisimen tyghyz baylanystyrady.

Ilgerirektegi bir súhbatynda Baghlan Asaubayúly bylay depti: «Memleket basshysynyng kósh bastauymen elding jan­ghyruy men industriyalyq-innovasiyalyq ekonomikanyng qúryluy – Qazaqstannyng HHI ghasyrdaghy qaryshty damuynyng kepili. Beybitshilik, kelisim, qoghamnyng birligi, ekonomikalyq jәne әleumettik túraqtylyq, ha­lyq­aralyq dengeyde moyyndalu – osynyng bar­lyghy elimizding shyn mәninde maqtan tútugha qúqyly tabystary. Qazaqstan Memleket bas­shysynyng arqasynda Tәuelsizdikting ýshin­shi onjyldyghyna óz bolashaghynyng órisin andatar ólshemderdi aiqyn kóre otyryp qadam basuda. Birinshiden, biz әlem kartasyndaghy orny­myz­dy aiqyn kórip otyrmyz. Kóptegen jana elder ýshin shekarasynyng dauly shekteri ýshin kýres qazirge deyin jalghasuda. Keybir jaghday­larda búl ashyq qaqtyghystargha da úlasty. Qazaqstan onday ssenariydi ainalyp ótti. Memleket basshysy bizding tarihy jerlerimiz ben býkil Qazaqstan halqyn tútastyrushy túlghagha ainaldy. Biz barshamyz Preziydentting osy biregey bitimgershil, kóshbasshylyq dary­nyna tәnti bolugha tiyispiz. Ekinshiden, biz bolashaqtaghy maqsattary­myzgha sәikes әreket etudemiz. Preziydentting «Qazaq­stan-2050» Strategiyasy – әlemdegi eng úzaq merzimdi jәne tiyimdi forsaytingilik jobalardyng biri. Búl – bizding damuymyzdyng Qazaqstandy uaqyt synynan sýrinbey alyp óter kartasy. Ýshinshiden, Memleket basshysy qoghamnyng ruhany ózegin – etnosaralyq jәne dinaralyq kelisimdi qalyptastyrdy. Biz týiindi sheshimder qabyldarda soghan sýienemiz. Qazaqstan­dyqtardyng quatty industriyalyq-innovasiya­lyq ekonomika qúrugha degen senimdiligi de soghan negizdelgen...»

Qyryqtyng qyrqasyna endi qadam basqan azamatqa Preziydent Ákimshiligi basshysynyng orynbasary degen abyroyly qyzmetti atqaru maqtanysh qana emes, mindet pen jauapkershilik sezimin de syilaytyny anyq. Ári Maylybaevtyng búl oryntaqtaghy missiyasy elimizdi iydeologiyalyq baghytta órkendetumen úshtasyp jatyr. Sol sebepten shyghar, últ ruhaniyatyna etene jaqyn sheneunik retinde ziyaly qauym arasynda sarabdal syn men oryndy madaqqa jii úshyrap jatatyny... Qalay degenmen de, qazaq ruhaniyaty ýshin qabyrghasy qayysatyn atqaminerler arasynda Asaubayúlynyng túlghasy bir tóbe. Ásirese, elimizding aqparattyq sayasatyna qatysty ústanymdardy eksheytin tústa Maylybaev myrzanyng qazaq tildi búqaralyq aqparat qúraldaryna ish tartuy anyq seziledi. Últ baspasózindegi janashyldyqty qoldau túrghysynan da búl kisining jana tolqynnyng ókili retinde ozyq kózqarasta ekendigin aituymyz kerek. Otandyq aqparattyq kenistiktegi media-kontentterding qarqyndy qadamyn Preziydent әkimshiligi tarapynan jasalyp otyrghan qoldaudyng bir kórinisi retinde qabyldaghan oryndy bolar edi. «Qazaqstanda 2700-den astam búqaralyq aqparat qúraldary nәtiyjeli júmys isteude. Olardyng barlyghy eng basty baylyghymyz - Tәuelsizdigimizding bayandy boluy ýshin enbektenip jýr. Qazaq jurnalistikasynyng shejiresi osydan 100 jyl búryn bastaldy. Bir ghasyr búryn Ahmet Baytúrsynúly «Qazaq» gazetin shygharyp, qazaq baspasózining tarihyn bastaghany belgili. Sodan beri Qazaqstan jurnalistikasy egemendigimizding arqasynda jana serpinmen damyp keledi. Býgin bizding salada eki myng jeti jýzden astam búqaralyq aqparat qúraly nәtiyjeli júmys isteude. Sondyqtan, shynayy tilegim – osy qarqynnan airylmanyzdar», – degen edi Baghlan Maylybaev jurnalisterding merekesinde aghynan jarylyp. Demek, ol ózi de bir kezderi redaksiyadaghy júmystyng ystyq-suyghyna bir kisidey aralasqan adam retinde qazaq baspasózining tamyr býlkilin tap basyp otyrady eken. Endeshe memleket damuyndaghy búqaralyq aqparat qúraldarynyng alatyn orny men manyzyna layyqty baghasyn beretin lauazym iyesi retinde de Baghlan Asaubayúlyna qazaq jurnalisterining senimi zor.

Aytpaqshy, qazirgi kýni otandyq telekórermender qauymynyng sýiikti baghdarlamasyna ainalyp ýlgergen «Poeziya әlemi» habarynyng dýniyege keluine Baghlan Asaubayúly tikeley sebepshi bolghan kórinedi. «Qazaqstan» últtyq telearnasyndaghy útqyr jobalardyng biri retinde júrt jýregine jol tapqan beyne-antologiya Preziydent әkimshiligi basshysynyng orynbasary men shygharmashyl jastardyng kezdesuinde bolghan ruhany әngimeden keyin qolgha alynghan bolatyn.

Elimizding mәdeniyeti men tarihynyng janashyry, ruhany qoldaushysy bolu dәstýrin aldymen Elbasymyzdyng әr jyldardaghy aitqan sózderi men naqty is-әreketterinen kórip kele jatqanymyz shyndyq. «Qazaq halqynyng tarihy – birlik pen yntymaqtyng tarihy» degen sózdi aitqan Preziydent Nazarbaev әrkez «qazaq halqynyng óz tarihynda úyalatynday shetin oqighalardyng joq ekendigin de» jii esimizge salyp otyrady. «Qazaqta memleket bolmaghan», «tarih bolmaghan» dep keletin birjaqty kózqarastar men pikirler shoghyryna Elbasymyz әrkez jogharyday jauap qayyryp kelgen edi, endi sonyng naqty dәleli retinde aghymdaghy jyly Qazaq handyghynyng 550 jyldyghy dýbir salyp, dýrkirep ótpek. Osy bir iygi bastamanyng da basy-qasynda bizding zamandasymyz Baghlan Maylybaevtyng tabyluy kónilimizdi ósirip, jan-dýniyemizdi jadyratyp, jelpintip tastady. 

Abay.kz