«Túrghyn ýy qúrylys jinaq banki» janyndaghy Qoghamdyq kenes kezekti otyrysyn Aqmola oblysynda ótkizbekshi. Kenes mýsheleri aimaqta «Qol jetimdi baspana - 2020» baghdarlamasy ayasynda salynyp jatqan túrghyn ýy qúrylystarynyng barysymen tanyspaq.

Qoghamdyq kenesting nazary Kókshetau qalasyna kezdeysoq týsip otyrghan joq. Songhy kezderi keneske oblys ortalyghy túrghyndary tarapynan aitylghan aryz-shaghymdar joldanghan bolatyn. Salymshylar Kókshetau qalasynyng «Vasilikov» yqsham audanynda salynyp jatqan 150 pәterlik túrghyn ýy qúrylysynyng júmystaryna alandaushylyq bildirude. Aqmola oblystyq әkimshiligimen aradaghy kelisimge say aumaghy 9,9 sharshy metr bolatyn qúrylys nysany biylghy jyldyng qyrkýiek aiynda ayaqtaluy tiyis bolatyn.

Búl mәsele «Túrghyn ýy qúrylys jinaq banki» janyndaghy Qoghamdyq kenesting ekinshi otyrysynda, ýstimizdegi jyldyng 22 qyrkýieginde qaralghan bolatyn. Osy otyrsqa qatysqan bank ókilderi, qoghamdyq kenes mýsheleri jәne jergilikti basqaru organdarynyng ókilderi men baspana qúrylysyna qatysushy salymshylardyng ókilderi «Qol jetimdi baspana-2020» baghdarlamasynyng talabyna say Kókshetaudaghy túrghyn ýy qúrylysyn ayaqtauda oryn alghan kemshilikterdi talqylap, ony sheshuding joldary qarastyrylghan edi.

Sonday-aq, osy otyrysta qúrylys júmystary bayau jýrgizilip jatqan, jalpy aumaghy 109 myng sharshy metrdi qúraytyn 31 túrghyn ýiding uaqtyly ayaqtaluy syn tezine salynghan edi. Búl tizimdegi nysandardyng toghyzy Aqtau men Almaty qalalaryna tiyesli bolghan.  5 nysan Kókshetau qalasynda, Atyrau men Shymkentte ýsh ýy qúrylysy ayaqtalmaghany anyqtalghan. Sonday-aq, Pavlodar men Petropavl qalalarynda da bir-bir túrghyn ýiding qúrylysyna qatysty súraq tughan.

– Qoghamdyq kenesting ekinshi otyrysynan beri edәuir uaqyt ótse de, túrghyn ýy qúrylysyna qatysty alandaushylyq azaymay otyr. Ony bank tarapynan da, qoghamdyq keneske  shaghym aitushylardan da bayqaugha bolady. Dóngelek ýstel barysynda atqarushy biylik bizdi barlyq nysandardyng qúyrlysy jyl sonyna deyin ayaqtalady dep sendirgen edi. Osy joly Kókshetaudaghy júmystardy ózimiz kórip, isting nәtiyjeli ayaqtalaryna kóz jetkizgimiz keledi, - deydi TQJB janyndaghy Qoghamdyq kenes tóraghasy Seyitqazy Mataev.

Al, Qoghamdyq kenes mýshesi, telejurnalist Sergey Ponomarev  bylay deydi:

– Atqarushy biylikting aitylghan merzimge deyin bergen uәdelerin orynday alatyndyghyna kóz jetkizu – bank salymshylarynyng ghana emes, tútas túryghyn ýy salasyna degen әleumetting senimin aqtau bolmaq. «Qol jetimdi túrghyn ýy - 2020» baghdarlamasy jýzege asyryla bastaghaly beri Aqmola oblysynda ýsh ret әkim auysty. Biraq, búl bólingen qarjy men jýktelgen mindetting maqsatty әri uaqtyly jýzege asyryluyna kedergi bolmauy tiyis. Qoghamdyq kenes mýsheleri Kókshetaudaghy qúrylys nysandarynyng barysyn kózben kóru arqyly, bank salymshylarynyng kóptegen saualdaryna jauap tabady...

Eske sala keteyik, «Túrghyn ýy qúrylys jinaq banki» janyndaghy Qoghamdyq kenesting kóshpeli otyrysy 2014 jyldyng 18 qarashasynda Kókshetau qalasynda ótedi.

Abay-aqparat