"Zamannan zaman oralghan..."

Keybir mamandar kóshpendilerge tәn monolingvizmdi sonau skif zamanynan bermen qarayghy qúbylys dep sanaydy. Alayda, ejelgi hun zamandarynan Ontýstik Sibirden Balqangha deyin sozylyp jatqan malshy-jaugershi etnostyq toptardyng bir tilde sóilegenderin dәleldeytin derekter barshylyq. Ýisin, qanly, oghyz-týrik, qarlyq, týrkesh, qypshaq memleketteri zamanynda da shekara aluandyghy bolghanmen, til әrúdayylyghy bolmaghangha úqsaydy. Oghan, basqany aitpaghanda, Mahmúd Qashqari, Jýsip Balasaghúni, Qoja Ahmet Iassaui, Sýleymen Baqyrghany enbekteri jetkilikti aighaq bola alghanday. Óitip, әrige ketpegen kýnning ózinde de, óz zamanynda Euraziyadaghy eng ýlken memleket bolghan Altyn Orda imperiyasynyng basty týsinisu qúraly qypshaq tili bolghany, al onyng qalyptasuy men jan-jaqqa taraluynyng qaynar kózi búrynghy qypshaq, qazirgi qazaq dalasy bolghany әmbege ayan. Sodan beri qazaqtar sol bayaghy atamekeninde eshqayda taban serppey bayandy mekendep keledi. Sol bayaghy sóilegen tilinde sóilep keledi. Sol kezdegi Qashghar men Hazar, Eniysey men Edil, Tarym men Derbent qalay bir tilde týsinise alsa, әli de solay, birin-biri auyz lәminen aitpay-aq úghynyp keledi.

"Zamannan zaman oralghan..."

Keybir mamandar kóshpendilerge tәn monolingvizmdi sonau skif zamanynan bermen qarayghy qúbylys dep sanaydy. Alayda, ejelgi hun zamandarynan Ontýstik Sibirden Balqangha deyin sozylyp jatqan malshy-jaugershi etnostyq toptardyng bir tilde sóilegenderin dәleldeytin derekter barshylyq. Ýisin, qanly, oghyz-týrik, qarlyq, týrkesh, qypshaq memleketteri zamanynda da shekara aluandyghy bolghanmen, til әrúdayylyghy bolmaghangha úqsaydy. Oghan, basqany aitpaghanda, Mahmúd Qashqari, Jýsip Balasaghúni, Qoja Ahmet Iassaui, Sýleymen Baqyrghany enbekteri jetkilikti aighaq bola alghanday. Óitip, әrige ketpegen kýnning ózinde de, óz zamanynda Euraziyadaghy eng ýlken memleket bolghan Altyn Orda imperiyasynyng basty týsinisu qúraly qypshaq tili bolghany, al onyng qalyptasuy men jan-jaqqa taraluynyng qaynar kózi búrynghy qypshaq, qazirgi qazaq dalasy bolghany әmbege ayan. Sodan beri qazaqtar sol bayaghy atamekeninde eshqayda taban serppey bayandy mekendep keledi. Sol bayaghy sóilegen tilinde sóilep keledi. Sol kezdegi Qashghar men Hazar, Eniysey men Edil, Tarym men Derbent qalay bir tilde týsinise alsa, әli de solay, birin-biri auyz lәminen aitpay-aq úghynyp keledi.
Qazaq dalasy sol kezde eki aragha qanday altyn kópir bolsa, әli de sol qyzmetin tapjyltpay jalghastyryp baghuda. Onyng ýstine, óz aldyna jeke handyq bolghan ýsh ghasyrda búryn da týbi bir, búryn da tili bir taypalar bir últqa ainalyp, ortaq tilderin odan әri shyndady. Resey patshasy shetimizden jetim laqtay siraghymyzdan tartqylap, basqa kógenge kógendep, jәukemdey bastaghan keyingi XVII-XIX ghasyrlarda halqymyzdy әr tarapqa tartqylaghanmen, tilimizdi, ruhaniyatymyzdy, túrmys-saltymyz ben әdet-ghúrpymyzdy óitip kýlparshalay almady. Reseyding әr guberniyasyna bólek-bólek telingenimizben, jerlerimiz búrynghysynsha bir-birimen shektesip jatty, elderimiz de tóskeyde maly, tósekte basy qosylyp, emen-jarqyn aralasyp-qúralasty. Orystyng tili de, әskeri de kópke deyin qazaq dalasynyng qiyr-qiyryna dendep kire almay, azyn-aulaq әkimshilik ortalyqtary men shekaralyq bekinisterge shókim-shókim bolyp, shógip qaldy.
Ol eki ortada búrynghysynsha auyzeki tili bolsa da, biylik pen búqaralyq qatynastyng qúraly bolyp jýrgen ana tilimiz tek auyzsha әdebiyetting ghana emes, jazbasha әdebiyetting de tiline ainalyp, әlemge Abayday alypty syilady. Altyn Orda zamanynda jappay jýzege asqan músylmandanu nәtiyjesinde qadim, jәdiyt, tóte jazulary beyresmy enip, ana tilimizdi ghylym-bilim, memlekettik basqaru, kense, sayasiy-jamighattyq qatynastaryna birshama beyimdey bastady. Jeke handyq túsynda sol kezdegi memlekettik statusqa qanyqqan qazaq tilining XX ghasyrgha deyin әlgindey ishtey týleui bolmasa, keri ketushilikke jatqyzatynday kýizelip, myqtap múrty shaghylghan jeri joq.
Sonyng arqasynda músylman dýniyesindegi tanzimattyq, jәdittik janaru yqpaldarynan da qalys qalmady. Múnyng bir aighaghy - ana tilimiz XX ghasyr kirisindegi Aziya halyqtarynyng kópshiligining basynda bolghan tildik reformalargha belsene qatysty. Ol qogham qoyghan qatang talaptargha layyqty iykemdilik tanyta aldy. Ol kezdegi metropoliya tili qazaq saharasynyng tól tiline aita qalarlyqtay qysym jasay almady. Oghan, bir jaghynan, patsha әkimshiligining Orta Aziya halyqtaryn tegis sauattandyrudy 4600 jylgha keyin keri shegerip tastaghandary da sebep boldy. Olar búl arada Orta Aziya halyqtarynyng aita qalarlyqtay dengeyde músylmansha sauatty ekendikterin atymen esepke almady. Úly orystyq etnosentrizm sauattylyq dep tek oryssha sóiley-jaza biludi ghana úqty. Ol tildegi birer payyz kólemindegi bolmashy sauattylyq qazaq dalasynyng tabighy lingvistikalyq salamattyghyna oisyratarlyqtay әser ete almady.
Ol topqa kiretin qazaq oqyghandary orysqúmarlyqtan góri, aghartushylyq ústanymdy qolay kórdi. Shoqan Uәlihanov, Salyq Babajanov, Jәngirhan Bókeyhanovtar qandastarynyng qaytken kýnde de bilim aluyn jaqtasa, Ybyray Altynsariyn, Abay Qúnanbaev, Shәngerey Bókeevter qazaqsha bilim alghanyn quattady. Búl patsha ýkimetine únamady. Orynbor jәne Samar general-gubernatory A.A.Perovskiy Jәngir qaytys bolghanda onyng qyzmetin týgeldey zerttep, bagha berdi. Jәngirding patsha uysynda boludan góri, óz biyligi ózinde derbes han bolghysy kelgendiginen bastap jipke tizip, qazaqtardy otyryqshylyqqa baulyp, meshit-medrese ashtyrghany ýshin ayausyz synady. Resey ýshin qazaqtardyng músylman emes, mәjusy (yazychniyk), eginshi, kәsipker emes, "baqtashy halyq bolyp qalghany keregirek" dep, ol endirgen ong ózgeristerding kózin tezirek qúrtugha shaqyrdy ("Istoriya Bukeevskogo hanstva", 2002 g., 808-818-better). Al bizding tarihshylardyng Jәngirdi birjaqty orysshyl sanap kelgenderi belgili.
Búl arada taghy bir aita ketetin jaghday, ataqty aghartushy Ybyray Altynsarin orys missioneri Iliminskiyden oqyghany ras. Biraq, barlyq qyzmetin Iliminskiyshe jýrgizdi deu artyq. Múghalimdik qyzmetin "bir Qúdaygha siynyp, kel, balalar, oqylyq, oqyghandy kónilge yqylaspen toqylyq", - dep bastaghan Altynsarin jazghan "Qazaq hrestomatiyasyn" "orysshyldyq injili" dep aita almaysyz. Óitkeni, ol "Sisa kóilek ýstinde toqumenen tabylghan; sauysqannyng tamaghy shoqumenen tabylghan; óner-bilim bәri de - oqumenen tabylghany" ýshin de oqugha, "oqyghandy kónilge yqylaspen toqugha" shaqyryp otyr. Tarihy túlghalardy ústaghan kózqarasynan góri, ómirbayandyq jәitterge qarap baghalaytyn úshqary týsinik Ybyraydy orys missionerleri qataryna aparyp teluge beker asyghady. Ol qaldyrghan shygharmashylyq múra pash etip túrghan naqty kózqaras orysshyldyqtan góri, progresshildikke, Qyrym soghysyndaghy jenilisti órkeniyettik kendelikten kórip, tildi, dindi ózgertpey, europalyq órkeniyettik jetistikterdi jete iygeruge shaqyrghan týrik "tanzimatshyldyghyna", alghashqy dýniyejýzilik soghystaghy útylysty órkeniyettik toqyraudan kórip, jappay janarysqa shaqyrghan músylman "jәditshildigine" kóbirek kelinkireytindigin aitu paryz.
Ol búl jaghynan Sankt-Peterburgtegi, Qazan men Orynbordaghy ústazdarynan góri ózinen kóp keyin XX ghasyr basynda sayasiy-әleumettik sahnagha shyqqan shәkirtterimen - qazaq últshyldarymen kóbirek ýndesedi. Olar - shyndap kelgende, Peterburg, Qazan, Mәskeuden búryn qazaq dalasyndaghy Ybyray Altynsarin men sonyng izbasarlary ashtyrghan alghashqy zayyrly mektepterden bilim alghan týlekter edi. Úly aghartushynyng tikeley shәkirtteri edi. Ony "Ayqap" jurnalynda qazaqtardy óz dalasyndaghy mәdeny ómirdi óz qadaghalaularyna kóshirip, óz betterimen oqyp, orystarmen terezesi teng túryp yqpaldasa alatynday bilim alugha, "Qazaq" gazetining odan da ótkizip, orys qonys audarushylarymen ómirlik iygilikterdi iyemdenude oidaghyday bәsekelese alu ýshin jana tehnologiyany mengerip, aralas ekonomikanyng negizin salugha shaqyrghanynan-aq anghara beruge bolady. Olarda Ybyray Altynsarin siyaqty sayasi, diny sholastika men doktrinalargha jýginbey, tirshilik mysaldaryna, ómirlik tәjiriybege, pragmatizm men rasionalizmge kóbirek den qoydy.
Qaytkende de, XX ghasyr basyndaghy qazaq qauymynyng reformashyldyq әleueti patshalyq әkimshilikting oilaghanynan әldeqayda kóbirek bolyp shyqty. Sondyqtan últtyq tilimiz últtyq tәuelsizdigimizden búryn moyyndalyp, tiyisti reformagha úshyrap, óz ómirshendigin uaqytyly dәleldey aldy. 1924 jyly Orynborda qazaq alfaviyti jónindegi memlekettik komissiyanyng hatshysy bolghan Qazanghapovtyng osy joldardyng avtoryna 1982 jyly auyzeki aityp bergen bir mәlimeti eske týsedi. Diskussiya óte qyzu ótken. Latynshyldar da, arabshyldar da ayanbay-aq aiqasyp baqqan. Bayandamashy Ahmet Baytúrsynov mәselening tildik, әleumettik jaghyn bylay qoyghanda, eki alfavitting poligrafiyalyq tiyimdilikterine deyin aqshagha shaghyp túryp, salystyra taldap bergen. Jabyq dauys berilip, bulleteniderdi teksergende, eki taraptyng alghan dauystary birdey bolyp shyghypty. Sóitse, komissiyanyng bir mýshesine salqyn tiyip, nauqastanyp, ýiinde jatyr eken. Dauys beruge qatyspapty. Komissiya mýsheleri sonyng dauysyn aludy talap etipti. Urnany arqalap, ýiine barypty. Qyzuy kóterilip, sandyraqtap jatqan nauqas kóp oilanbastan latynshyldardy jaqtap, dauys beripti. Sóitip, latynshyldar artyq bir dauyspen әzer jenip shyghypty.
Mәselening múnshalyqty shiryghuynyng mәni bar eken. Ortalyq biylik Orta Aziya týrikterining tek arab әlippesinen ghana emes, "biz músylmanbyz" dep sanaytyn úghymnan da alshaqtap, jana últtyq jazudyng jana grafikada qalyptasuyna meylinshe mýddeli bolypty. Ol múnymen de tynbay, 1940 jyly "kirillisa grafikasyna" kóship, kónilderin birjola birlepti.
Sóitip, týrik tilderi әrqily grafikagha auysyp, bir-birinen atymen qol ýzip qalady. Sauattylardyng jana úrpaghyna últymyzdyng az da bolsa, ghasyrlar boyy qaghaz betinde jinaqtalghan kitabiy-qoljazba múralary týgelimen týsiniksiz bolyp shygha keledi. Sóitip, qyzyldardyng 1917 jyldan 1924 jylgha deyin jýrgizgen tildik reformalary órkeniyettikten góri, sayasy maqsattardy kóbirek kózdepti. Orta Aziya, Kavkaz, Edil boyy halyqtaryn músylmandyq ummadan jazularyn ózgertu arqyly birjolata qol ýzdiru әdeyi maqsat etilipti. Árqaysysyna әr әlippe, әr jazu shyghartyp, birin biri týsinbeytin әri-sәri kýige jetkizdi. "Atalmysh kezende etek jaya bastaghan panislamizm, pantýrkizm aghymdarynyng kenestik kenistikke" de taralyp ketpeuine qam jasap baqty. Latynshagha kóshirip, panislamizmnen kirillisagha kóshirip, pantýrkizmnen alshaqtatudy kózdedi. Jana grafikagha kóshirip, týptórkinderi atymen bólek, bóten tilderding yqpal ayasyn keneytti. Otyzynshy jyldargha deyin últtar federasiyasy bolyp kórinuge tyrysyp baqqan Kenester Odaghy 1936 jyly jana Konstitusiya qabyldady. Ayaqastynan unitarlyq memleketke ainaldy. Aq patshanyng orynday almay ketken týpki maqsattaryn kommunister qoyarda qoymay jýrip jýzege asyrghan qyzyl totalitarizmge emin-erkin jol ashyldy. Ol ghasyr toghysynda ense kóterip, boy kórsetken shetaymaq halyqtaryn estiyarlarynan aiyryp, ruhany daghdarysqa úshyratudy birinshi kezekte qolgha aldy. Taptyq egalitarizmdi kýsheytu jolymen últtyq elita typ-tipyl talqandaldy. Últtyq egemendik pen últtyq damu da solarmen birge qiyanat dýniyesining qúrbandyghyna shalyndy.
Últtyq tilding últ-azattyq qozghalystyng kósemderi kóksegendey, jappay bilim alu men memlekettik basqaru tili boluynyng joly kesildi. Jiyrmasynshy jyldary - jappay sauat ashudyn, otyzynshy jyldary - jappay orta mektepte, qyrqynshy jyldary - jappay joghary mektepte bilim aludyng qúraly bolugha qyzu әzirlenip jatqan qazaq tilining sosiolingvistikalyq damu barysyna 1937 jyldan bastap myqtap kóz tiydi. 1940 jyly alfavit ózgerip, qazaq tili qaytadan bireu oqyp, bireu oqy almaytyn shalasauattylyq tiline ainaldy. Soghys túsynan bastap, qalalyq qatynas ainalymdarynan qaqpaylanyp, negizinen, auyldyq ózara baylanys qúraly retinde ómir sýre bastady. Óitkeni, kenestendirudi jeleuletip, orys ókilderin siniru, industriyalandyrudy jeleuletip, orys túrghyndaryn kóbeytu, tyng kóterudi jeleuletip, orysshyldanu, kemeldengen sosializmdi jeleuletip, jappay orystanu sayasaty kezek-kezegimen jýieli týrde jýzege asyryldy. Sonyng arqasynda, eng aldymen, últtyq birlik pen әleumettilikti týzetin demografiyalyq arasalmaq týbegeyli búzyldy. Jergilikti halyq 1939 jyly 46 payyzgha týsip, soghystan keyingi migrasiyalyq topan-selder túsynda 34-35 payyzgha deyin qúldyrady.
Ol az bolghanday, oilap tappaytyny joq ortalyq qazaq dalasyn da "afrikalandyryp", әr aimaghyn ekonomikalyq jaghynan kórshiles respublikalardyng shektes aimaqtaryna eriksiz qosaqtaytyn aumaqtyq-ónerkәsiptik keshender qúrylyp, respublikanyng ishki aumaqtyq-sharuashylyq baylanystary men tútastyghyn әlsiretken ýstine әlsirete týsudi qolgha aldy. Dәiim basqalardyng esebinen saqilyq jasaytyn bas hatshylar úzatylghan qyzdaryna basqany qoyyp, jer enshileytin bayaghynyng padishalarynday kónilshektikteri ústap, bireuding qanjyghasyna bireuding atamekenin laqsha óngerip syilay salatyndy kóbeytti. Metropoliya taraptan kelgender shamadan asa shoghyrlanyp ketken aumaqtardy "aghalar qorjynyna" bútarlap tygha salghysy kelgen búqpantaylyq ta bayqalmay qalmady. Onday aumaqtyq-demografiyalyq audarma-tónkerme kózboyaushylyq-ty paydalana otyryp, jergilikti halyqtyng etnostyq-órkeniyettik damu evolusiyasynyng traektoriyasyn atymen basqa baghytqa búryp jiberu múnday úrda-jyq últtyq sayasattyng eng týpki maghynasy, eng basty maqsaty boldy.
Akkuliturasiya qarqyny jaghynan Qazaqstan qúrlyqtyng qay púshpaghynan da kem týspedi. Oryssha biletin gruzinder 1970 jyly - 21,3; 1979 jyly - 26,7; armyandar 1970 jyly - 30,1; 1979 jyly - 38,6; ózbekter - 14,5-49,3, әzirbayjandar - 16,6-29,5, qyrghyzdar - 19,1-29,4, tәjikter - 15,4-29,6, týrkimender 15,4-25,4 payyz bolsa, qazaqtar 1970 jyly 41,9, 1979 jyly 52,3 payyzdy qúrady. Keyingi kezde búl kórsetkish tútasymen jýz payyzgha jetuge az-aq qaldy. Tipti óz tilimizdi nashar bilemiz deytinderding sany 30 payyzgha jete jazdady. Talay qandastarymyz múny masqaralyq emes, maqtanysh sanady. Eng bir eskeretin jeri, key derekkózderining aituynsha,  qazirgi Qazaqstan túrghyndarynyng 55 payyzyn qúraytyn qazaqtardyng 60 payyzy - oryssha sóileytinder (russkogovoryashiye) kórinedi ("Respublika", 30.06.2006, dubli 2. 7-bet). Olardyng kópshiligi memlekettik tilding qoldanys ayasyn keneytudi kuliturologiyalyq nemese әleumettik әdilet mәselelerinen góri, "túrmystyq últshyldyq" ("bytovoy nasionalizm") kórinisteri retinde qarastyrugha beyim synayly.
Múny, әriyne, keshegi "kemeldengen sosializm" men "birtútas kenes halqy" konsepsiyalary dәuirlegen zamanda tútasymen "ekpindi qúrylystar aimaghyna" ainalghan Qazaqstannyng birbetkey "ekonomikalyq damu qarqynymen" de týsindiruge bolady. Ol kezde basshylyq qyzmet týgili, qatardaghy júmysshy bolu qazaqtargha onay tiymeytin. Óitkeni, Qazaqstanda jýrgiziletin júmystardyng bәri elitalyq manyz iyelenip, jogharghy dengeydegi mamandardy tartqan bolyp, býkil júmysshy kontingenti týgelge juyq syrttan әkelinetin. Sondyqtan, múnay men balyq ónerkәsibi bolmasa, qalghan óndiris obektilerinde jergilikti últ ókilderi sausaqpen sanarlyq edi. Týsti, auyr metallurgiya, mәshiyne jasau, energetika syndy salalardaghy qazaq ókilderi 10 payyzgha jetpeytin. Qúrylys, baylanys, temirjol salalarynda, 15-30 payyz aralyghynda bolatyn. "Lenindik" atalghan kózboyaushy últ sayasaty halyqtardyng shynayy últtyq damuyn sipattaytyn múnday kәsibiy-mәdeni, әleumettik-ruhany ósu kórsetkishterin atymen qoldanystan shygharyp, onyng ornyna tilin bilmese de, pasporttyq tegin saudalaytyn nomenklaturalyq esep-qisapty algha tartty. Sony syltauratyp, shetaymaqtardy kerek kezinde arqadan qaghyp "qútyrtyp" nemese mandaydan úryp "túqyrtyp" otyrdy. Sol bir synarezu "internasionalizm" (shyndap kelgende, kýshtining soyylyn soqqan shovinizmnin) salqyny әli kýnge des bermey keledi.
Al ataqty jeltoqsan oqighasynan keyingi qughyn-sýrgin joghary oqu oryndarynda oqityn qazaq jastarynyng europalyq últ ókilderi sanyna jeteghabyl, keybir pedagogikalyq, mal sharuashylyghy instituttarynda "tipti asyp týse bastaghany" jeleu etilgeni belgili. Ortalyqtyng múnday "qysan" kvotasy túsynda, búlay qoldan qiyndatylghan bәsekede baq synau ýshin "akkuliturasiyalyq rekordtardyn" ózi de azdyq etip, assimilyasiyalyq "erlikter" dәmetilip, "aralas nekeler" qoshemettelip, sayasy tәrbie jónindegi resmy esepterding arnayy babyna ainalghan tústaryn da bastan keshtik. Búl jaghynan Qazaqstan 1979 jyly odaq boyynsha ekinshi oryngha shyqty. Latyshtarda әrbir tórtinshi, qazaqtarda әrbir besinshi neke aralas neke boldy.
Óitkeni, Frans Fanon aitqanday: "Basqalar seni óz adamymyz dep qabyldauy ýshin sen ózinning ózing emes ekenin dәleldep, olar kýtip otyrghanday basqa adam, yaghny olardyng ózderining bireui bolyp kórinuing kerek" edi. Otarshyldyqtyng osy bir qatal zany batys ónerkәsip revolusiyasynan keyin bylayghy halyqtardy jer baylyghynan aiyryp, tól memlekettiliginen qaghyltumen tynbay, onyng әrbir "balaghynyng biyti bar" deytindey azamattaryn óz ar-namystaryn óz ayaqtaryna basqyzyp, ógey ene bauyrsaq qylyp, óz qaghynan ózi jiyirkenuin talap etudi ýrdiske engizdi. 1989 jylghy sanaq boyynsha óz respublikalarynda armyandar - 93,3, әzirbayjandar - 82,6, orystar - 81,5, litvandar - 78,6, belorustar - 78,1, ukraindar - 72,8, týrikmender - 71,8, gruzinder - 70,2, ózbekter - 68,7, moldovandar - 64,4, tәjikter - 62,2, estondar - 61,7, qyrghyzdar - 52,4, latyshtar - 52,1, al qazaqtar - 39,7 payyz boldy. Óz jerinde jýrip kózi qúryp kete jazdaudan bizden tek әrbir tórteuding biri bolghan bashqúrttar, beseuding biri bolghan adygeyler, onnyng biri bolghan karelider ghana "oza" aldy. Múnyng bәrining últtyq ózgeshelikterge enjar qaraytyn etnostyq liyberalizmmen de, últtardyng bәrin teng sanaytyn internasionalizmmen de qyryq qaynasa da sorpasy qosylmaytyn. Qayta әlsizding bәrin kýshtining ayaghyna jyghyp beretin shekten shyqqan etnostyq egoizm bolyp tabylatyn. Til mәselesinde búrynghy araqatynastar aumaghynda qalu moralida gumanizmnin, sayasatta demokratiyanyng kózine su qúngshylyq bolyp shyghar edi.

Kollaborasionistik pighyldar men kompradorlyq paydakýnemdik, mine, osylay etek jayady. Odaqtyq ekonomikanyng qara qazanyn qaynatqan "kemeldengen sosializm" zamanynda múnday "әleumettik spidtin" bizding topyraqta elden ala bóten keng oryn alghany eshkimge qúpiya emes. Soghan әbden dәndep alghan, sóz jýzinde teng qúqylyqtyn, is jýzinde aimaqtyq gegemonizmning soyylyn soqqan keshegi retrogradshyl ortalyqtyng qayta qúrudyng hantalapayyn qaytadan bizden bastaghylary kelgendigi tipti de tegin emes edi.
Tughan tilin saudagha salyp, "barlyq baylyq pen artyqshylyqty alyp beretin búrynghy ýstem tilding esh qajettigi bolmay qalghan kýnde ghana, óz tilimdi ýirene bastaymyn, oghan deyin eshqanday memlekettik til ýshin bas auyrtyp jatpaymyn", - dep kergiytin tildik nigilizm, mine, osynday úzaq jyldar boyy búljytpay jýrgizilgen últsyzdandyra týsu sayasatynyng "zandy" nәtiyjesi edi. Týptep kelgende, ana tilindi qúrmetteu - basqalardan artyq túrudyng qúraly emes, tughan anang men atandy syilaghanyng siyaqty óz halqyng men mәdeniyetindi qaltqysyz qadirleuding eng basty qaghidasy bolugha tiyisti. Alayda, keshegi birtildik shovinizm men voluntarizm búl gumanistik qaghidany atymen úmytqyzyp, tal boyyna anannyng aq sýtimen birge darytuyna tiyisti tól tilindi biludi nemese bilmeudi adamgershilikten atymen júrday sayasy sinizm men mansapqorlyq saudagershilikting әri iyterip, beri jyqqan qaqpaqylyna týsirip jibergen týri bar. Tәuelsizdik alghan qoghamda bolmay qoymaytyn ese týgendeuding bizde eng aldymen tilge kep tirelip túrghandyghy da sondyqtan siyaqty.

(Jalghasy bar)

25 mausym - 20 shilde, 2006 jyl.
ALMATY - ASTANA.