«Núr Otan» partiyasynyng «Qazaqstan. 2017 maqsattary. Últtyq is-qimyl jospary» saylaualdy túghyrnamasynyng «Halyq birligi» baghyty boyynsha saraptama tobynyng kezekti otyrysynda QR Mәdeniyet jәne sport ministrligi Tilderdi damytu jәne qoghamdyq-sayasy júmys komiyteti tóraghasynyng orynbasary Serik Sәlemov terminologiya salasyndaghy problemalardyng birqataryn atady.

«Jyl sayyn memleketting qatysuynsyz ghalymdar men basqa jeke túlghalar týrli baspada shygharatyn ondaghan sózdikter shygharuda. Olar tirkelmegendikten, tipti naqty sanyn aitu da qiyn. Olardyng ishinde eki, ýshtildik te, terminologiyalyq ta sózdikter bar. Ártýrli kózqaraspen, eshbir maqúldanbastan shyqqan sózdikterde birizdilik joq ekendigi týsinikti. Al búl sózdikterdi oqushylardan bastap, әr buynnyn, әr mekemening qyzmetkerleri paydalanady», – dedi ol.

«Býgingi tanda – qazaq terminologiyasynyng qayta qalyptasu kezeninde býkil elding nazaryna úsynylatyn sózdikterde birizdilikting bolmauy salanyng damuyna kedergi keltirip, tiyisinshe is jýrgizude kelensizdikter tughyzuda. Terminologiya salasy boyynsha elimizding aumaghynda shygharylatyn barlyq sózdikterge saraptama jasap, maqúldaytyn, terminderdi birizdendirip jәne retteytin, júmysty jýieli týrde jýrgizetin mekeme bolmaghandyqtan, terminologiyalyq leksikany birizdendiru jәne rettelgen terminologiyalyq qordy qalyptastyru mәselesi sheshilmey otyr», – dep atap ótti S.Sәlemov.

Ayta keteyik, otyrys qorytyndysy boyynsha arnayy terminologiya institutyn ashu, ony respublikalyq budjetten qarjylandyru, normativtik qúqyqtyq qamtamasyz etu boyynsha pysyqtalghan úsynystar engizu, elimizding aumaghynda shygharylatyn barlyq sózdikterding arnayy terminologiyalyq institutta saraptamadan ótuin mindetteudi zandastyrudyng mýmkindikterin qarastyru, Memleketik til sayasatyn odan әri jetildiru jónindegi komissiya hatamasy tarmaqtarynyng tolyghymen iske asyru jәne basqa da naqty úsynystar jasaldy.

Abay-aqparat