Oblys әkimi Beybit Atamqúlov Saryaghashqa kelgen issaparynda osy aimaqty elimizdegi beldi kurorttyq ortalyqqa ainaldyru ýshin sala mamandarymen júmyla júmys atqaru qajettigin aityp, naqty tapsyrmalar bergen bolatyn. Osyghan oray, Saryaghashtaghy kurorttyq aimaqty damytu ýshin ónir basshysynyng bastamasymen investorlar tartu maqsatynda Germaniya Federativtik Respublikasynyng tótenshe jәne ókiletti elshisi Gido Hers qyzmettik issaparmen audangha keldi. Kókterek eldi mekenindegi golif klubta ótken kezdesuge oblys әkimining orynbasary S.Túyaqbaev pen audan әkimi B.Parmanov jәne turizm salasyndaghy kәsipkerler qatysty. Audan basshysy kópúltty audandardyng biri sanalatyn Saryaghash audanyndaghy týrli últ ókilderi býgingi tanda tatu-tәtti ómir sýrip jatqandyghyn tilge tiyek etti. Sonday-aq, kezdesu barysynda dostyq, tendik jәne ózara qúrmet qaghidattaryna negizdelgen qatynastar jayy aityldy. Býginde audan yntymaqtastyqtyng barsha baghytynda damyp kele jatqandyghy keninen sóz boldy.

– Saryaghash – oblysta erekshe orny bar audan. Tabighaty men klimattyq jaylylyghymen jәne shipaly suymen erekshelenedi. Tek Qazaqstangha ghana emes, basqa da memleketterge tanylghan kurortty meken. Býgin halyqaralyq dengeyde turistik baghytta júmys bastaghaly otyrmyz. Endi әigili nemis kompaniyalaryn tartyp, aldaghy bes jyl ishinde halyqaralyq dengeydegi demalys oryndaryn salu josparda bar, – dedi Saparbek Túyaqbaev.

Audandaghy turizmdi damytu, kurorttyq aimaqtargha investorlar tartu mәselesi talqylanghan jiyn sonynda audan basshysy Búharbay Parmanov qadirli qonaqqa dәstýr boyynsha shapan japty. Sodan song qonaqtar fransuz-italiyandyq sharap óndiretin zauytqa at basyn búrdy.

Aldaghy kezde turizm salasyndaghy yntymaqtastyqty nyghaytu boyynsha naqty úsynystar jasalatyn bolady. Gido Hers myrza qazaq halqynyng jylyshyrayly yqylasyna rizashylyghyn bildirdi.

Gýldana AYHODJAEVA

Abai.kz