Shyghystaghy kórshi el - Qytay azamattary Qazaqstannyng enbek naryghyn jaulauda. 2015 jyldyng alghashqy jarty jyldyghynda olardyng sany shamamen eki esege ósken. Búl jóninde enbek jәne әleumettik damu komiytetining tóraghasy Aqmәdy Sarbasov mәlimdedi.

A. Sarbasovtyng aituynsha, aghymdaghy jyldyng birinshi jartysynda 38,3 myng sheteldik azamat júmysqa rúqsat alghan. Sonyng ishinde 12,36 myny — Qytay azamattary. Yaghni, Qazaqstandaghy әrbir ýshinshi sheteldik júmysshy Qytaydan kelgen. Búl turaly 7kun.kz sayty habarlady.

Ótken jyly olardyng sany 6,5 mynnan sәl asyp túrghan edi. Kóbine QHR azamattary qúrylys, ken óndirushi ónerkәsipterde júmys isteydi. Komiytet tóraghasy Qazaqstan zannamasyna sәikes, Qytay azamattaryna júmysqa rúqsat berude sanyn shektemeytinin jetkizdi.

Oqyrmannyng esinde bolsa, 8 shildede Qazaqmysqa qarasty Aqtoghay ken ornynda 21 qytaylyq júmysshy ken ashanasynda tóbeles shygharghan edi. Onyng saldarynan 31 adam zardap shekken bolatyn. Búl tipti ýkimetting shúghyl otyrysyna sebep bolghan-dy.

Resmy organdar biylghy jyly aqpanda qazaqstandyqtardyng júmyssyzdar sanyn 460 myng dep mәlimdegen bolatyn. Al, viyse-premier Berdibek Saparbaev osy jyldyng ózinde daghdarys saldarynan 120 myng adam júmyssyz qalady degen boljam aitqan edi. Alayda, resmy emes derek Qazaqstannyng júmyssyzdar sany milliongha tayau ekenin de kórsetedi.

Qazaqstan tәuelsizdik alghannan beri qaray júmyssyzdyqty sheshuge týrli baghdarlamalar qabyldap keledi. «Jol kartasy» ayasynda qala ortalyqtarynda birneshe jyldan beri mamandar dayyndaluda. Soghan qaramastan búl mәsele әli kýnge deyin sheshiler emes. Atqarushy biylik keybir tehnikalyq mamandyqtargha maman jetispeytinin algha tartady. Solay bola túra, JOO bitirgen mamandardyng aitarlyqtay bóligi júmyssyz qalyp jatady. Búghan naqty sebep retinde júmys berushi men oqu oryndary arasynda studentterdi qyzmetke ornalastyru jayly kelisim joqtyghy algha tartylady.

Búl mәsele jóninde jaqynda parlamentte de aitylghan edi. «Bәrimiz bilemiz, qazir JOO-dargha studentter qabyldau men jas mamandar shygharu sharasy ótip jatyr. Búl rette memlekettik bilim granttarynyng ekonomika qajettiligine say bólinbeytini jyl sayyn qaytalanyp otyr», – degen osy mәseleni Mәjiliste arnayy kótergen deputat Meruert Qazybekova. Ol atap ótkendey, 2014 jyly memlekettik grantpen bitirip shyqqan 9 mynday JOO týlegi júmyssyz qalghan. 

Jaqynda ghana Qazaqstan biyligi birneshe memleket azamattaryna Qazaqstangha vizasyz kelip, 15 tәulik júmys isteuine bolatyn mýmkindikter berdi. Shetelden kelip jatqan júmys kýshterining artuymen qosa, eldegi júmyssyzdyq, qymbatshylyq, valutanyng qúnsyzdanuy da ósip jatqanyna asa mәn beruimiz kerektigin kreslosy júmsaq jandar eskermey jatady. Búl óz keziginde Janaózendegi siyaqty enbek daularyna әkelip soghuy mýmkin. Aldaghy uaqytta el biyligi sheteldik mamandardy elge júmys isteuge emes, el azamattaryn oqytu-tәrbiyeleu, aghartushylyq júmys ýshin ghana shaqyrghany dúrys dep esepteymiz.

Abai.kz